ҚАЗ
РУС
QAZ
ENG
中文 قازاقشا
19.11.2017 XX:XX:XX>
14.09.2017   07:29
قازاقستاندىقتار جەكە قۇجاتتارىن ۇيالى تەلەفوننان كورسەتەتىن بولادى

استانا. قازاقپارات - قازاقستاندا ازاماتتاردىڭ جەكە كۋالىك، جۇرگىزۋشى كۋالىگى، كولىكتىڭ تەح پاسپورتى سىندى جەكە قۇجاتتارى سيفرلاندىرىلىپ، ولاردى وزىمەن بىرگە الىپ ءجۇرۋدىڭ قاجەتى بولمايدى، دەپ حابارلايدى قازاقپارات.

ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتتىڭ باسشىسى باعدات مۋسين فەيسبۋكتەگى پاراقشاسىندا جازعانداي، بۇگىن استانادا سيفرلاندىرۋ ماسەلەلەرى جونىندەگى رەسپۋبليكالىق كەڭەس اياسىندا وتكەن كورمەدە اتالمىش كوميتەت وكىلدەرى ەلباسى نۇرسۇلتان نازاربايەۆقا «ازامات» جاڭا جوباسىن تانىستىردى. جوبا كۇندەلىكتى قولدانىستاعى قۇجاتتاردى سيفرلاندىرۋدى كوزدەيدى.

 «ەستەرىڭىزدە بولسا، ءساۋىر ايىندا سمارتفون ءبىرقاتار قۇجاتتى الماستىرا الاتىندىعىن جانە بيۋدجەتتىڭ ۇنەمدەلگەن قاراجاتىنا ءاربىر ازاماتتى سمارتفونمەن قامتاماسىز ەتۋگە بولاتىنىن جازعان ەدىم. تەحنيكالىق تۇرعىدا ءبىز بۇگىننىڭ وزىندە ءبىرقاتار قۇجاتتان باس تارتىپ، ولاردى ۇنەمى وزىمىزبەن بىرگە الىپ ءجۇرۋ قاجەتتىگىنەن ارىلا الامىز. قۇجاتتاردان «ازامات» قوسىمشاسىنىڭ ارقاسىندا باس تارتا الامىز. ول ازاماتتارعا جەكە كۋالىك، جۇرگىزۋشى كۋالىگى، ماشيناعا تەحنيكالىق پاسپورت، تەحنيكالىق بايقاۋدان وتكەندىگى تۋرالى قۇجات، ساقتاندىرۋ ءپوليسى سىندى قۇجاتتاردىڭ سيفرلاندىرىلعان نۇسقالارىن الۋعا مۇمكىندىك بەرەدى»، - دەپ جازدى ول.

 ءمالىم ەتىلگەندەي، بارلىق اقپارات شيفرلانعان گرافيكالىق تۇردە (QR- كود) بولادى. ونى وقيتىن قۇرال ادام تۋرالى بارلىق قاجەتتى مالىمەتتى الا الادى. «ازاماتتار جانە بيلىك وكىلدەرى تاراپىنان تسيفرلىق قۇجاتتارعا سەنىمدى بارىنشا ارتتىرۋ ماقساتىندا كوماندامىز بلوكچەين تەحنولوگيالارىنىڭ ارتىقشىلىقتارىن پايدالانۋ بويىنشا جۇمىستارعا كىرىسىپ كەتتى»، - دەدى مۋسين.

ق ر باس پروكۋراتۋراسى قۇقىقتىق ستاتيستيكا جانە ارنايى ەسەپكە الۋ جونىندەگى كوميتەت باسشىسىنىڭ اتاپ وتۋىنشە، «ازامات» قوسىمشاسى الداعى جاقىن ۋاقىتتا ىسكە قوسىلادى. ءبىراق كوپشىلىك قولدانىسقا ەنگىزۋ جانە قاعاز قۇجاتتاردى الماستىرۋ ءۇشىن زاڭنامالىق نەگىزدە بەلگىلى ءبىر وزگەرىستەر ەنگىزۋ قاجەت.

 اۆتور: ميرا تولەندى قىزى

Қазақстандықтар жеке құжаттарын ұялы телефоннан көрсететін болады

Қазақстандықтар жеке құжаттарын ұялы телефоннан көрсететін болады

 Басты сөздер: بيلئك جانة ساياسات
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
بانكتەر يپوتەكانى بەرۋدە نەگە بەلسەندى ەمەستىگى انىقتالدى

استانا. قازاقپارات - بانكتەر يپوتەكاعا قاتىسۋعا بەلسەندىلىك تانىتپاي وتىر. بۇل تۋرالى پارلامەنت ماجىلىسىندە ق ر ي د م قۇرىلىس جانە تۇرعىن ءۇي- كوممۋنالدىق شارۋاشىلىق ىستەر كوميتەتى ءتوراعاسىنىڭ ورىنباسارى باقىتجان قاشاقوۆ ءمالىم ەتتى،

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ