ҚАЗ
РУС
QAZ
ENG
中文 قازاقشا
20.11.2017 XX:XX:XX>
14.09.2017   07:16
وبلىس اكىمى «قازاق ءتىلى» قوعامىنا كەڭسە تاۋىپ بەرمەگەن ورىنباسارلارىنا شۇيلىكتى

استانا. قازاقپارات - قازاقستان حالقىنىڭ تىلدەرى كۇنى قارساڭىندا قاراعاندى قالاسىنداعى دوستىق ۇيىندە سالتاناتتى شارا ءوتتى. قاراعاندى وبلىسىنىڭ اكىمى ەرلان قوشانوۆ مەرەكەنىڭ ماڭىزدىلىعىنا توقتالىپ، مەملەكەتتىك ءتىلدى ناسيحاتتاۋشىلارعا قولداۋ كورسەتۋ جانە ونى ۇيرەنگىسى كەلگەندەرگە كومەكتەسۋ قاجەتتىگىن اتاپ ءوتتى،

  دەپ حابارلايدى قازاقپارات ءوڭىر باسشىسىنىڭ باسپا ءسوز قىزمەتىنە سىلتەمە جاساپ.

 شارا بارىسىندا ەرلان قوشانوۆ «قازاق ءتىلى» قوعامىنا جەكە عيمارات تاۋىپ بەرۋدى تاپسىردى. «ءبىز بۇگىن ءتىل ساياساتىن قولداۋ كەرەكتىگى تۋرالى ءجيى ايتامىز. وسى جەردە ءبىز «ءتىل جاناشىرى» سىيلىعىن تابىس ەتۋ سالتاناتىنا جينالدىق. «ءتىل جاناشىرى» دەگەن ءسوزدىڭ ءوزى تىلىمىزگە بار جانىمىزبەن قولداۋ كورسەتىپ، جانىمىز اشۋ كەرەك دەگەندى بىلدىرەدى. ءتىلدى ۇيرەنۋگە مونيتورينگ جاساۋمەن اينالىساتىن ارنايى ورگان نەمەسە ورتالىق قۇرۋ قاجەت. جۋىردا عانا قازاق ءتىلى قوعامىندا ءوز كەڭسەسى جوقتىعىن ءبىلدىم. سوندا ءبىز قولداۋدى وسىلايشا كورسەتىپ جاتىرمىز با؟»، - دەدى ەرلان قوشانوۆ.

 وبلىس اكىمى ءوزىنىڭ ورىنباسارىنا جاقىن ارادا بۇل ماسەلەنى شەشۋدى جۇكتەدى. «قازاق ءتىلى» حالىقارالىق قوعامى 1989 -جىلى قۇرىلعان بولاتىن. قاراعاندىدا ونىڭ فيليالى قىزمەت ەتەدى. قوعام سوزدىكتەر قۇرۋمەن، عىلىمي- ادىستەمەلىك قۇرالدار مەن وقۋلىقتار شىعارۋمەن، قازاق ءتىلىن لاتىن قارپىمەن وقۋدى ناسيحاتتاۋمەن اينالىسادى.

 Басты сөздер: بيلئك جانة ساياسات
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
استانادا وپەراتورسىز ح ق ك و اشىلادى - داۋرەن ابايەۆ

استانا. قازاقپارات - ەلوردادا جاڭادان اشىلاتىن ح ق ك و- دا وپەراتورلار بولمايدى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ