ҚАЗ
РУС
QAZ
ENG
中文 قازاقشا
20.09.2017 XX:XX:XX>
13.09.2017   20:35
قازاقستاندا تەمىرجول بويىندا ادام ءولىمى جيىلەپ كەتتى

استانا. قازاقپارات - قازاقستاندا تەمىرجول بويىندا ادام ءولىمى جيىلەپ كەتتى.

بۇل تۋرالى بۇگىن تەمىرجول بويىندا ادامداردىڭ قاۋىپسىزدىگىن قامتاماسىز ەتۋدەگى زاڭدىلىقتىڭ جاي-كۇيى ماسەلەلەرى جونىندەگى كەڭەس اياسىندا ب ا ق وكىلدەرىنە سۇحبات بەرگەن ق ر باس كولىك پروكۋراتۋراسىنىڭ وكىلى اسقار عالياسقاروۆ ءمالىم ەتتى، دەپ حابارلايدى قازاقپارات.

«جىلدان جىلعا تەمىرجول بويىندا ادامداردىڭ وندىرىستىك ەمەس جاراقات الۋ ستاتيستيكاسى ارتىپ كەلەدى. سوڭعى 10 جىلدا 1100 دەن استام ادام جاراقاتتانىپ، ونىڭ 700 ءى قازا تاپتى. وكىنىشكە وراي ولاردىڭ اراسىندا بالالار دا بار. سوڭعى بەس جىلدا 50 بالا قازا بولدى»، - دەدى ول.

ونىڭ ايتۋىنشا، كوپ جاعدايدا ادامداردىڭ بەيقامسىزدىعىنان، تەمىرجول قاۋىپسىزدىگى ەرەجەلەرىن ساقتاماۋدان قايعىلى جايتتار بولىپ جاتادى.

«دەگەنمەن بۇل جاعدايدى ساراپتاي كەلە ءبىرقاتار ىلەسپە سەبەپتەرىن انىقتادىق. ولاردىڭ قاتارىندا ەلدى مەكەنگە ىرگەلەس ۋچاسكەلەردە قورشاۋلاردىڭ، قاۋىپسىز ءوتۋ ءۇشىن كوپىرلەردىڭ بولماۋى بار. قازاقستان تەمىر جولى تاراپىنان دا حالىققا جۇرگىزىلەتىن الدىن الۋ شارالارى ءالسىز»، - دەدى كولىك پروكۋراتۋراسىنىڭ وكىلى.

اسقار عالياسقاروۆتىڭ دەرەكتەرىنە قاراعاندا، تەمىرجول بويىندا ادام ءولىمى رەسپۋبليكانىڭ وڭتۇستىگىندە، الماتى قالاسىندا، الماتى وبلىسى مەن قاراعاندىدا ءجيى تىركەلەدى.

«ءبىز قاۋىپتى ۋچاسكەلەردى قورشاۋ جۇمىستارىن جانداندىرىپ، كوپىرلەر، جاياۋ جۇرگىنشى وتكەلدەرىن ورناتۋ ماسەلەسىن قاراستىرۋدى ۇسىنامىز. حالىقپەن الدىن الۋ جۇمىستارىنىڭ بىرلەسكەن جاڭا باعدارلاماسى ازىرلەنەتىن بولادى»، - دەدى ول.

ايتا كەتەرلىگى، بۇگىنگى كۇنى ەلىمىزدە تەمىرجولدىڭ بەلگىلەنگەن بولىگىنەن وتكەنى ءۇشىن ەسكەرتۋ جاسالىپ، اكىمشىلىك ايىپپۇل عانا سالىنادى.

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
استانادا قانشا شەتەلدىك تۇرىپ جاتقانى انىقتالدى

استانا. قازاقپارات - استانادا 1 ميلليون 200  مىڭنان استام تۇرعىن تىركەلدى. بۇل تۋرالى قالالىق ءماسليحاتتىڭ سەسسياسىندا ەلوردا اكىمى اسەت يسەكەشيەۆ ءمالىم ەتتى، دەپ حابارلايدى قازاقپارات.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ