ҚАЗ
РУС
QAZ
ENG
中文 قازاقشا
21.09.2017 XX:XX:XX>
11.09.2017   07:40
ەلباسى قازاقستان حالقىنا العىس ءبىلدىردى

استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ەكسپو-2017 حالىقارالىق مامانداندىرىلعان كورمەسىنىڭ سالتاناتتى جابىلۋ راسىمىندە كورمە وتكىزۋ يدەياسىنا قولداۋ بىلدىرگەنى ءۇشىن قازاقستان حالقىنا ريزاشىلىعىن ءبىلدىردى، دەپ حابارلايدى قازاقپارات ءتىلشىسى.

«كورمەنىڭ ءساتتى وتۋىنە مىڭداعان ادام اتسالىستى، ەڭ الدىمەن قازاقستان حالقىنا وسى يدەيانى قولداعانى ءۇشىن شىن ريزاشىلىعىمدى بىلدىرەمىن. بۇل جەردە ەكسپو قۇرىلىسىنا ارحيتەكتورلار، ينجەنەرلەر، قۇرىلىسشىلار، مەنەدجەرلەر، دەمەۋشىلەر، سەرىكتەستەر اتسالىستى. اسىرەسە جاس ۆولونتەرلەر - 4500 جاستارىمىز قاتىسىپ، وسى جەردە جۇمىس ىستەپ، كوپ شەتەلدىكتەرگە قالامىزدى كورسەتتى. كوپتەگەن مەملەكەتتەر، كومپانيالار جانە حالىقارالىق ۇيىمدار دا ءوز ۇلەستەرىن قوستى. بارشالارىڭىزعا ايتۋلى شاراعا بەلسەنە قاتىسقاندارىڭىز ءۇشىن شىن جۇرەگىممەن العىس ايتامىن. كورمەنى باسقارۋدى تاپسىرعان كومپانياعا، ونىڭ باسشىسى ەسىموۆ مىرزاعا ريزاشىلىعىمدى بىلدىرەمىن. بۇگىنگى سالتاناتقا كەلىپ وتىرعان مەملەكەت جانە ۇكىمەت باسشىلارىنا، حالىقارالىق كورمە بيۋروسىنا جانە بارلىق قوناقتارعا ەرەكشە راحمەتىمدى ايتقىم كەلەدى. استانا ءارقاشان وزدەرىڭىزدى ىستىق ىقىلاسپەن، اسا قۇرمەتپەنەن قارسى الىپ وتىرادى. سىزدەرگە زور دەنساۋلىق، مول تابىس تىلەيمىن! جاساسىن قازاقستان!»، - دەپ لەبىز ءبىلدىردى پرەزيدەنت.

سونداي-اق، ەلباسى ەكسپو-2017 كورمەسىنىڭ استانا مەن ەلىمىزدىڭ بارلىق ايماقتارىن بىرىكتىرىپ، ەل ەكونوميكاسىنىڭ قارقىندى دامۋىنا قوزعاۋ سالعانىن باسا ايتتى.

«1400 دەن استام شاعىن جانە ورتا بيزنەس كاسىپورىندارى تاۋارلار مەن قىزمەت كورسەتۋ بويىنشا 640 ميلليارد تەڭگەگە تاپسىرىس الدى. مىڭداعان ادام جۇمىسپەن قامتىلىپ، لايىقتى جالاقى الدى. قازاقستاننىڭ تۋريستىك سەكتورى دا جاندانا ءتۇستى. تۋريستىك وپەراتورلاردىڭ قىزمەتىنە دەگەن سۇرانىس ەكى ەسەگە ۇلعايدى. استاناداعى كاسىپكەرلىك سۋبەكتىلەرى %10 كە كوبەيدى.

قىزمەت كورسەتۋ سالاسىنان ەلوردا بيۋدجەتى 1,2 ەسەگە ارتتى. قازاقستان استاناسى بۇكىل الەمنىڭ نازارىن اۋدارعان ورتالىققا اينالدى»، - دەدى نۇرسۇلتان نازاربايەۆ.

اۆتور: ايجان سەرىكجان قىزى

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
قىزىلوردا وبلىسىنىڭ اكىمى سپورتشىلاردى قابىلدادى

قىزىلوردا. قازاقپارات- وبلىس اكىمى قىرىمبەك كوشەربايەۆ اقتوبەدە وتكەن «اق ءبيداي» رەسپۋبليكالىق VI اۋىل سپورتى ويىندارىنىڭ جۇلدەگەرلەرىن قابىلدادى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ