ҚАЗ
РУС
QAZ
ENG
中文 قازاقشا
20.09.2017 XX:XX:XX>
05.09.2017   22:02
اعىلشىن تىلىنە «اباي جولى» رومانىن اۋدارعىم كەلەدى - 8 ءتىلدى ەركىن مەڭگەرگەن عالىم قۋانىش جۇمابەك

الماتى. قازاقپارات - بولاشاقتا مۇحتار اۋەزوۆتىڭ «اباي جولى» رومانىن قازاق تىلىنەن تىكەلەي اعىلشىن تىلىنە اۋدارعىم كەلەدى، دەيدى قازاق ەرتەگىلەرىن اعىلشىن تىلىنە اۋدارعان، 8 ءتىلدى ەركىن مەڭگەرگەن جاس عالىم قۋانىش جۇمابەك قازاقپارات تىلشىسىمەن بولعان سۇحباتتا.

بۇگىن الماتىدا ق ر پرەزيدەنتىنىڭ «بولاشاققا باعدار: رۋحاني جاڭعىرۋ» اتتى ماقالاسى اياسىندا قۋانىش جۇمابەكتىڭ قازاق ەرتەگىلەرى ارقىلى اعىلشىن ءتىلىن ۇيرەتەتىن «Let's Learn to Speak English» اتتى ەرەكشە وقۋلىعى مەن ەرجان جۇمابەكتىڭ تۇرىك تىلىنە اۋدارىلعان «Sonsuzluk Şûlesi» اتتى كىتابىنىڭ تۇساۋكەسەرى ءوتتى. شارا اياسىندا وقۋلىق اۆتورىمەن سۇحباتتاسۋدىڭ ءساتى ءتۇستى.

- قۋانىش جۇمابەك ۇلى، جاس عالىم رەتىندە قازاق اۋديتورياسى ءۇشىن ازىرلەگەن اعىلشىن ءتىلىنىڭ وقۋلىعىن تانىستىرىپ جاتىرسىز، بۇل ەڭبەك نەسىمەن ەرەكشە؟

 - ءتىل وقىتقاندا قازاق ءتىلىنىڭ ەرەكشەلىگىنە ءمان بەرۋ كەرەك بولدى. اعىلشىن ءتىلىن ۇيرەنەمىن دەپ ەڭ ءبىرىنشى تالاپ قىلعانىمدا كىتاپتاردىڭ بارلىعى ورىسشا ەكەنىن كورىپ قىنجىلدىم. سول كەزدە وقۋلىق ازىرلەۋدى ماقسات تۇتتىم. بۇگىن تانىستىرىپ وتىرعان  «Let's Learn to Speak English» كىتابى قازاق اۋديتورياسىن اعىلشىن گرامماتيكاسىنا وقىتۋ ماقساتىندا ازىرلەندى. ورىسشا شىققان وقۋلىقتاردى دا قارادىم. بۇل كىتاپتا مىسالداردى قازاقستانعا قاتىستى ەتىپ بەردىم. جەر- سۋ اتتارىن دا قازاق تىلىنەن الدىم. كىتاپتىڭ ەكىنشى بولىمىندە قازاق ەرتەگىلەرىن اعىلشىن تىلىنە اۋدارىپ، ەكى تىلدە بەردىم. ويتكەنى، ەرتەگى - ۇلتتىڭ بولاشاعى. ءبىزدىڭ ەرتەگىلەردە قيال- عاجايىپ كەيىپكەرلەر بار. مىسالى، مەن مالايزيادا ءبىلىم الدىم. وندا اعىلشىن ءتىلىن وقىعاندا تەك مالايلارعا قاتىستى مىسالدارمەن وقيسىڭ.

«Абай жолы» романын ағылшын тіліне аударғым келеді - 8 тілді еркін меңгерген ғалым Қуаныш Жұмабек

وقۋلىق 1000 دانامەن شىقتى. وقۋلىقتى وقۋ باعدارلاماسىنا ەنگىزۋ تۋرالى ۇسىنىسپەن ق ر ءبىلىم جانە عىلىم مينيسترلىگىنە شىققانبىز. ازىرگە جاۋاپ جوق. «ونەر» باسپاسىنا بەرىپ قويعانبىز. ەكى جىل بۇرىن بەرگەنبىز، ءالى جاۋابى جوق. تۇركيادا ءبىر جىلدىڭ ىشىندە شىعاردىق. وقۋلىق تۇركيادا نييدە قالاسىندا باسىلىپ شىقتى. كىتاپتاعى ەرتەگىلەردىڭ ۇلتتىق بوياۋىن بۇزباي اعىلشىن تىلىنە اۋدارىپ شىقتىم. گولليۆۋدتاعى زومبيدى بىلەتىن بالالارىمىز ءوزىمىزدىڭ ەرتەگىلەردەگى قاھارمانداردى تانۋى قاجەت.

 - بۇگىن وقۋلىقپەن قاتار، اقىن ەرجان جۇمابەكتىڭ دە تۇرىك تىلىنە اۋدارىلعان كىتابىن تانىستىردىڭىز، كىتاپتى ءوزىڭىز اۋدارىپ شىقتىڭىز با؟

«Абай жолы» романын ағылшын тіліне аударғым келеді - 8 тілді еркін меңгерген ғалым Қуаныш Жұмабек

- حالىقارالىق «شابىت» فەستيۆالىنىڭ ديپلومانتى، «سەرپەر» جاستار سىيلىعىنىڭ يەگەرى، PhD دوكتور، اقىن ەرجان جۇمابەكتىڭ 2012 -جىلى مادەنيەت جانە اقپارات مينيسترلىگىنىڭ قولداۋىمەن شىققان «شەكسىزدىك شۇعىلاسى» اتتى ولەڭدەر جيناعىن «Sonsuzluk Şûlesi»  دەگەن اتاۋمەن بيىل تۇركيا رەسپۋبليكاسى ءبىلىم جانە عىلىم مينيسترلىگىنىڭ قولداۋىمەن تۇرىك تىلىنە اۋدارىپ، كىتاپ ەتىپ شىعاردىق. ەلباسىمىزدىڭ «بولاشاققا باعدار: رۋحاني جاڭعىرۋ» ماقالاسى اياسىندا بۇل جۇمىس اتقارىلدى. «100 وقۋلىقتى» قازاق تىلىنە اۋدارىپ جاتسا، ءبىزدىڭ دە وقىرمانداردى الەمگە تانىستىرۋ مىندەت ەتىپ قويىلعان. سول ماقساتتا اۋداردىق. اقىن قۇل- كەرىم ەلەمەس اعامىزدىڭ «شىراعىم- اي» كىتابىن اعىلشىن تىلىنە اۋدارىپ شىققانمىن. باسپاعا ەندى بەرەمىز.

- تاعى قانداي قازاق اقىن- جازۋشىلارىنىڭ شىعارمالارىن شەت تىلىنە اۋدارماقسىز؟

- بولاشاقتا مۇحتار اۋەزوۆتىڭ «اباي جولى» رومانىن اعىلشىن تىلىنە اۋدارۋعا نيەت قىلىپ قويدىم. «اباي جولىن» اعىلشىن تىلىنە ورىستار اۋدارعان ەكەن، ابايدىڭ توپىراعىن باسپاعان ادام ۇلتتىق بوياۋىن قانىق بەرە الماسى انىق. مەن قازاق ءتىلىنىڭ مامانىمىن، ابايدىڭ توپىراعىندا تۋىپ، ءوستىم. اعىلشىن ءتىلىن ەركىن بىلەمىن. ەكى ءتىلدى ەركىن بىلەتىن ادام اۋدارۋى كەرەك دەپ ەسەپتەيمىن. سونىمەن قاتار تۇرىكتەر نامىك كەمال دەگەن اقىندارىن قازاق تىلىنە اۋدارۋ تۋرالى ۇسىنىس جاسادى. ونى دا قولعا الماق نيەتتەمىز.

- سۇحباتتاسقانىڭىزعا راحمەت.

 اۆتور: الماس مۇقاش ۇلى

 Басты сөздер: مادةنيةت , قوعام
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
استانادا قانشا شەتەلدىك تۇرىپ جاتقانى انىقتالدى

استانا. قازاقپارات - استانادا 1 ميلليون 200  مىڭنان استام تۇرعىن تىركەلدى. بۇل تۋرالى قالالىق ءماسليحاتتىڭ سەسسياسىندا ەلوردا اكىمى اسەت يسەكەشيەۆ ءمالىم ەتتى، دەپ حابارلايدى قازاقپارات.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ