ҚАЗ
РУС
QAZ
ENG
中文 قازاقشا
20.09.2017 XX:XX:XX>
04.09.2017   17:15
ءتورت قۇرلىقتىڭ توعىزقۇمالاقشىلارى استانادا باس قوستى

استانا. قازاقپارات - بۇگىن استانادا توعىزقۇمالاقتان 4- الەم چەمپيوناتىنىڭ اشىلۋ سالتاناتى ءوتتى، دەپ حابارلايدى قازاقپارات ءتىلشىسى.

الەمنىڭ 25 ەلىنەن 70 تەن استام سپورتشى قاتىسىپ جاتقان الەم بىرىنشىلىگىنىڭ اشىلۋ سالتاناتىنا دۇنيەجۇزىلىك توعىزقۇمالاق فەدەراتسياسى پرەزيدەنتى ءاليحان بايمەنوۆ پەن ق ر مادەنيەت جانە سپورت مينيسترلىگى سپورت جانە دەنەشىنىقتىرۋ ىستەرى كوميتەتىنىڭ ءتوراعاسى ەلسيار قاناعاتوۆ قاتىسىپ، سپورتشىلارعا جىلى لەبىزدەرىن ءبىلدىردى.

جارىستىڭ اشىلۋ سالتاناتىندا ءسوز العان ءاليحان بايمەنوۆ ادامزات وركەنيەتى مەن ءار ۇلت مادەنيەتىنىڭ قالىپتاسۋى مەن دامۋىنداعى زياتكەرلىك ويىنداردىڭ ماڭىزىنا توقتالدى.

«زياتكەرلىك ويىندار ۇزدىكتەردى انىقتايتىن سپورتتىق جارىس ءتۇرى عانا ەمەس، وسكەلەڭ ۇرپاق تاربيەسىندە، ۇلتتاردىڭ ينتەللەكتۋالدىق الەۋەتىن كوتەرۋدە ەرەكشە فەنومەن ەكەنىن» اتاپ ءوتتى فەدەراتسيا پرەزيدەنتى.

«جۇيەلى جانە قيسىندى ويلاۋ، ءبىلىم مەن عىلىمعا بەيىمدىلىك نەگىزدەرىن قالاۋدا، ىجداھاتتىق پەن تاباندىلىقتى تاربيەلەۋدە توعىزقۇمالاق سەكىلدى زياتكەرلىك ويىندار - ەرەكشە ۇتىمدى ءارى تاپتىرماس تاربيە قۇرالى»، - دەدى بايمەنوۆ.

الەم چەمپيوناتىندا ا ق ش، انتيگۋا مەن باربۋدا، اۋعانستان، ازەربايجان، گەرمانيا، گرۋزيا، كولۋمبيا، قازاقستان، قىرعىزستان، قىتاي، موڭعوليا، وزبەكستان، رەسەي، سيريا، تاجىكستان، تۇركيا، تۇركمەنستان، ءۇندىستان،  ۇلى بريتانيا، چەحيا، شۆەيتساريا سياقتى مەملەكەتتەردەن سپورتشىلار قاتىسۋدا.

بۇلاردىڭ ىشىندە اۆستريا، كامەرۋن، پولشا جانە ۋكراينا سپورتشىلارى تۇڭعىش رەت توعىزقۇمالاقتان الەمدىك ارەنادا شەبەرلىكتەرىن كورسەتپەك.

چەمپيونات ەرلەر جانە ايەلدەر اراسىندا جەكە-جەكە كلاسسيكا، راپيد، بليتس بويىنشا وتۋدە.

العاش رەت توعىزقۇمالاقتان جۇپتىق كوماندالىق جارىس بولادى. وعان ءار مەملەكەتتەن 1 ەر، 1 ايەل ادام قاتىسۋدا. ءار ەلدىڭ قۇراماسى 2 ەر جانە 2 ايەلدەن تۇرادى.

الەم بىرىنشىلىگىنىڭ باستى ماقساتى - قازاقتىڭ ۇلتتىق زياتكەرلىك ويىنىن الەمدىك دەڭگەيدە ناسيحاتتاۋ، ونىڭ بۇقارالىق سيپاتىن ارتتىرۋ جانە وسى سپورت تۇرىندەگى ەڭ ۇزدىك سپورتشىلاردى انىقتاۋ ماقساتىندا وتكىزىلۋدە.

توعىزقۇمالاقتان تۇڭعىش الەم چەمپيوناتى 2010-جىلى استانا قالاسىندا وتكىزىلىپ، 16 ەلدەن سپورتشىلار قاتىسقان بولاتىن. 2012-جىلى چەحيانىڭ پاردۋبيتسە قالاسىندا بولعان 2- الەم چەمپيوناتىنا 10 ەلدەن سپورتشى قاتىسسا،   3-الەم چەمپيوناتى 2015-جىلى الماتىدا وتكىزىلىپ، 23 ەلدىڭ سپورتشىلارى باق سىنادى.

توعىزقۇمالاق لوندون (2006)، پاردۋبيتسە (2007)، كانن (2009) دۇنيەجۇزىلىك زياتكەرلىك فەستيۆالدەر مەن وليمپيادالاردىڭ باعدارلاماسىنا ەنگىزىلگەن. ۇلتتىق ويىننان حالىقارالىق جارىستار انتيگۋا مەن باربۋدا، گەرمانيا، قازاقستان، قىرعىزستان، مونعوليا، وزبەكستان، رەسەي، تۇركيا،  ۇلى بريتانيا، چەحيا، شۆەيتساريا جانە تاعى باسقا مەملەكەتتەردە وتكىزىلدى.

2009-جىلدىڭ 15- قىركۇيەگىنەن باستاپ، توعىزقۇمالاق الەمدىك عالامتوردا www.iggamecenter.com - سايتىندا زياتكەرلىك ويىن رەتىندە تىركەلىپ، ونلاين جۇيەدە وينايتىن باعدارلاماسى جاسالىندى، قازىر سايتتاعى ويىندار رەيتينگىسىن باستاپ تۇر.

ايتا كەتەيىك، بىرىنشىلىك 8- قىركۇيەككە دەيىن جالعاسادى. جارىستى دۇنيەجۇزىلىك توعىزقۇمالاق فەدەراتسياسى، ق ر مادەنيەت جانە سپورت مينيسترلىگى جانە استانا قالاسى اكىمدىگى ۇيىمداستىرۋدا.

اۆتور: كۇنسۇلتان وتارباي

 Басты сөздер: قوعام , سپورت
Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
قازاقستاننىڭ 2 وبلىسىندا ۇسىك جۇرەدى

استانا. قازاقپارات - قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى ساقتالادى، تەك سولتۇستىك جانە شىعىستا اتموسفەرالىق اۋا اعىنداردىڭ وتۋىنە بايلانىستى نايزاعايلى جاڭبىر بولادى، دەپ حابارلايدى قازگيدرومەت.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ