ҚАЗ
РУС
QAZ
ENG
中文 قازاقشا
20.09.2017 XX:XX:XX>
23.08.2017   14:30
اتىشۋلى «91» توبى مۇشەسىنىڭ اتا-اناسى بەسبايەۆ پەن مايعازيەۆكە اشىق حات جازدى

استانا. قازاقپارات - Ninety one توبىنىڭ مۇشەسى دانيار قۇلىمشيننىڭ (لاقاپ اتى Bala) اتا- اناسى اقىلباي قۇلىمشين مەن ءاليا قادىروۆا "مۋزارت" توبىنىڭ مۇشەلەرى، تانىمال انشىلەر ساكەن مايعازيەۆ پەن مەيرامبەك بەسبايەۆقا اشىق حات جولدادى.

حاتتا دانيار قۇلىمشيننىڭ اتا-اناسى انشىلەردىڭ بۇعان دەيىن ب ا ق بەتتەرىندە توپ مۇشەلەرىنىڭ ستيلىن اشىق سىناعانىنا، ونىڭ ىشىندە اتا- انالارىنىڭ تاربيەسىنە ءسوز كەلتىرگەنە جانە توپ مۇشەلەرى جايلى ءازىل ايتقانىنا نارازى ەكەنىن جەتكىزدى.




«ءبىر سۇحباتىندا ساكەن مايعازيەۆ ادەتتەگىسىنشە Ninety One توبى تۋرالى وي تولعاپ، «ادام تانيتىنداي، مەيىرلەنە قۇشاقتايتىنداي، سۇيەتىندەي، اتا-انالارى قالاي جاقسى كورەتىنىن مەن بىلمەيمىن. قالاي ولارعا ۇيرەتپەيتىنىن، مەنىڭ جۇرەگىم اۋىرادى. ءوزىم ءۇشىن ەمەس، ۇرپاقتارىم ءۇشىن»، - دەپتى.

اتاپ ايتساق، ساكەن بۇدان بۇرىن دا توپ مۇشەلەرىنىڭ بولمىسىنا سىن ايتىپ، بىرەسە جاقتاپ، بىرەسە داتتاپ جۇرگەن-دى. 2 جىل ۇندەمەي كەلە جاتقان بىزگە، بۇل سوزدەر شەكتەن شىققاندىق بولىپ كورىندى. قاناتتىعا قاقتىرماي، تۇمسىقتىعا شوقىتتىرماي، بار بىلگەنىمىزدى ۇيرەتىپ، ءوسىرىپ جاتقان بالالارىمىزعا ءتىل تيگىزىپ قانا قويماي، ولاردىڭ اتا- انالارىنىڭ، ياعني ءبىزدىڭ بەرگەن تاربيەمىزدى جوققا شىعارماق بولعان سوزدەرى ءبىزدىڭ قولىمىزعا قالام الىپ، وسى اشىق حاتتى جولداۋعا ماجبۇرلەپ وتىر»، - دەيدى اشۋلى اتا-انا.

سونداي-اق، ايتۋلارىنشا، ەسترادادا سەنزۋرا ورناتۋعا بولمايدى. «91 توبى تۋرالى جاعىمسىز، ءبىرجاقتى پىكىرلەر ايتىپ جۇرگەن ونەر ادامدارىنىڭ ىشىنەن، جاستايلارىنان كوز الدىمىزدا وسكەن، وزدەرى دە توپ قۇرعان، ونىڭ بارلىق "قىزىق- شىجىعىن" بىلەتىن ساكەن مايعازيەۆ، مەيرامبەك بەسبايەۆ ىنىلەرىمىزدىڭ قانداي باستاماعا جاناشىرلىق جاساماق بولىپ جۇرگەندەرىن تۇسىنە المادىق. الدە قازاق ەستراداسىنىڭ كوسەمدەرى بولعىسى كەلە مە نەمەسە ەستراداعا كەڭەس وداعىندا ورىن العان ساياسي سەنزۋرا ورناتۋعا باستاماشى بولعىسى كەلىپ ءجۇر مە؟! تۇپكى ماقساتتارى نە؟ توپتى تاراتۋ ما؟» - دەي كەلە اتا-انا ەسترادا كوريفەيلەرىنىڭ تۇپكى ماقساتى نە ەكەنىن بىلگىسى كەلەتىندەرىن جەتكىزدى.

بۇدان سوڭ انشىلەر جايلى انەكدوت شىعارىپ، ب ا ق ەفيرىندە «...ونداي تانىمالدىقتىڭ كەرەگى جوق. 5 ادام بولسا، 2 ى ۇرعىسى كەپ جۇرەدى. بۇعىنىپ-تىعىلىپ جۇرگەن ول ونەر مە، اكەڭ؟» دەگەن ءسوزىن كەلتىرەدى.

«91 (Ninety one) توبىنداعى بالالارىمىزدىڭ "تاربيەسى" جايلى ءسوز قوزعاپ، ءجون كورسەتۋگە، قالا بەردى، ءبىزدى، اتا-انالارىن ءسوز قىلۋعا ەشكىمنىڭ حاقىسى جوق. بالالارىمىز ونەرلەرىنە سۇيەنىپ، اندەرىن جازىپ، بيلەرىن بيلەپ، حالىقتىڭ الدىندا قالاي ەركەلەسە دە، قالاي جۇرسە دە ءوز ەرىكتەرى. كەزىندە سىزدەردىڭ اندەرىڭىزدى تىڭداپ، ونەرلەرىڭىزگە ءسۇيسىنىپ، قۇرمەتتەدىك، ماقتان ەتتىك. ەندى سىزدەردىڭ ءبىزدىڭ بالالارىمىزدىڭ باستامالارىنا قاباتتاسۋلارىڭىزعا جول بولسىن؟ 91 توبى جاڭا زامانعا لايىقتالعان جانردا ونەر كورسەتىپ، الەمدىك پوپ مۋزىكا ىرعاقتارىنسىز جاڭا زامان تىنىسىن سەزىنە المايتىن وسكەلەڭ ۇرپاق، جاس بۋىننان تۇراتىن وزىندىك پۋبليكاسى بار توپ. ءبىزدىڭ بالالارىمىز، اۋەلى اللانىڭ اماناتىندا، ودان قالدى ءوزىمىزدىڭ باقىلاۋىمىزدا!"، - دەي كەلە اتا- انا بىرەۋدىڭ بالاسىن ب ا ق ارقىلى تاربيەلەۋگە ەشىكمنىڭ حاقىسى جوق ەكەنىن ايتا كەتتى.

«ءدۇيىم قازاق جاستارىنىڭ تاربيەسى وسى بەس جىگىتتىڭ قولىندا ەمەس. بالانى تاربيەلەۋ - ساحناداعى بەس جىگىتتىڭ ەمەس، ۇيدەگى اتا- انانىڭ مىندەتى. ال كىمدە-كىم بالاسىن تاربيەلەي الماسا - كىنا وزىنەن. ونى ساحنا جۇلدىزدارىنان كورۋدىڭ تۇككە قاجەتى جوق. مۋزىكانت، ءانشى رەتىندە مۋزىكالىق جانرلارىن، جاساعان دۇنيەلەرىن: سينگل، البوم، پايىم، بەينەباياندارى جايلى سىن، كەم تۇستارىن ايتساڭىزدار ءوز ەرىكتەرىڭىز. ال، جەكە باسقا ءتيىسىپ، اتا- انالارىنىڭ بەرگەن تاربيەلەرىنە كۇمان كەلتىرۋ -  شەكتەن شىققاندىق بولىپ تابىلادى. ءبىز ۇزاق ۋاقىت ۇندەمەي كەلدىك. سەبەبى، ءبىزدى ىشكى مادەنيەتىمىز سالعىلاسىپ، بەت جارتىسىپ جاتۋعا جىبەرمەدى. ءالى دە "قازاقشىلدىق" تانىتىپ وتىرعانىمىزدى قاپەرلەرىڭىزگە ۇستاعايسىزدار! ءبىز بار بىلگەنىمىزدى بويىنا ءسىڭىرىپ، الاقانىمىزعا سالىپ وسىرگەن بالالارىمىز جايلى ايتىلىپ جاتقان عايبات سوزدەرگە قوسىلىپ، ءتىپتى، بەرگەن تاربيەمىزگە كۇمان كەلتىرىپ وتىرعان، ءوزىمىز ەستى دەپ ساناپ كەلگەن ساكەن مەن مەيرامبەك بولعانى قىنجىلتتى»، - دەپ اياقتاپتى اتا-انا اشىق حاتىن.

ايتا كەتەيىك، ساكەن مايعازيەۆ مۇنىڭ الدىندا Ninety one توبى جايلى بىرنەشە رەت پىكىر بىلدىرگەن. بىردە ءانشى NINETY ONE توبىنىڭ پروديۋسەرى ەربولات بەدەلحانعا «قازاقتىڭ قارا دومالاقتارىن قۇبىجىق قىلىپ كورسەتۋدى دوعار» دەسە، ەكىنشىسىندە بۇل توپتى قولداۋدىڭ توعىز سەبەبىن سانامالاپ بەرگەن بولاتىن.

ەسكە سالايىق، 24 -شىلدەدەن قازاقستان كينوتەاترلارىنا Ninety one توبى جايلى بيوگرافيالىق فيلم پروكاتقا شىقپاق. فيلم رەجيسسەرى - اسقار ۇزابايەۆ.

Tengrinews.kz

 Басты сөздер: مادةنيةت , قوعام
Нравится
پئكئر قالدئرؤ
حان كەرەي 23.08.2017, 15:15
قازاقشىلدىق ول قانداي قازاقشىلدىق تۇسىنبەدىم ، ويلانىپ قاراڭىزشى قازاق قانداي بولۋى كەرەك ، ۇرپاعىمەن مىڭ جاساپ قازاق بولىپ تۇرمادىما ! قازاق بايىپتى ، سابىرلى ، ەر مىنەزىمەن وسى كۇنگە جەتپەدىمە ؟ قازاقتان قازاق ونەگە الارىن تۇسىنبەيسىزبە ؟ سىزدىڭشە تامىرلاستىق بولماسا مەيىرنبەك التىنبەك قورازبايوۆتى كوكەدەپ كوككە كوتەرمەس ەدى ! سىزدىڭ جەتىمدەي جەلبىرەك تىردە تىنىمسىز تىراڭداعان ۇلىڭىز ەرتەڭگە قازاقىلعىمەن قالۋىن قالامايسىزبا ؟ مەن بۇرىن جەتىپ بالانىڭ البا جۇلباسى شىقانىن كورۋشى ەدىم ! اكە شەشەسى تۇرىپ دۋاداقتاي دۋىلداعان بۇل بالالا رىڭىز سىزدەردى تىردە بۇلاي سوزگە قالدىرعاندا ، قايتىس بولساڭىز نەستەيدى دەپ ويلايسىز ؟ باسىڭىزعا سەكەڭدەپ وتىرىپ قۇران وقيىما ؟ بۇل ناعىز تاربيەسىزدىك ! قالاي ۇيالماي سىن ايتاسىز ؟ سىز ۇشىن مەن ۇيالىپ وتىرمىن . قالاي اكە شەشە بولۋدى ۇيىرەنۋ كەرەكتەي سىزدەرگە ؟ قازاق قاشاندا قازاق بولۋ ۇشىن تىرلىك ەتۋ كەرەك ، مەن ەۋرەيدىڭ قازاق بولۋ ۇشىن قۇلشىنعانىن كورمەدىم ، ال سەنىڭ قۇشىناش ۇلىڭ القام سالقامى شىعىپ تىردەي توزىپ ، الباستىداي ازىپ جۇرگەنىن ، ەسىز ەسىرىپ ، قونىمسىز تاربيە ، ەركەلكتىك مىنەزدەمەسى جوق ، الجىعان قاتىنىڭ باققان بالاسىنداي جۇر ...
ءبىر قازاق 24.08.2017, 14:51
مىناۋ جوعارىدا لەبىز جازعان كىسى، بىرەۋگە بۇلاي ءتىل تيگىزگەنىڭىز جاراسپايدى، «الجىعان قاتىن» دەگەندەي ءسوز ايتىپ وتىرساڭىز، وندا ءسىزدىڭ قازاقى مىنەزىڭىز قانە؟
قازاق 11.09.2017, 12:46
اتا- اناسىن قولدايمىن، بىرەۋدىڭ سىرتىنان وسەك، عايبات ايتقانعا كەلگەندە الدىمىزعا جان سالمايمىز، سونداي وسەك اياڭ وزىمىزدىڭ ارتىمىزدان ەرسە قايتەر ەدىك؟ مەيرانبەك پەن ساكەن دە پەرىشتە ەمەس، مەكەڭنىڭ دە تالاي اڭگىمەسىن ەستىگەمىز، تەك ونەرىنە قۇرمەت قىلامىز. ارابياعا بارىپ كەلىپ، نامازعا جىعىلعاسىن اياعى سالبىراپ اسپاننان تۇسكەن پەرىشتە قۇساماسىنشى.
قازاق 11.09.2017, 12:51
مەيرانبەك پەن ساكەندى سويلەتىپ وتىرعان ارت جاقتارىندا ءدىني توپ بار، ايتپەسە ساكەننىڭ ءبىر ايتقانى ءبىر ايتقانىنا مۇلدە قاراما قايشى، نەلىكتەن؟ مەيرانبەكتىڭ دىنگە كىرىپ كەتكەنىن بۇرىننان بىلەمىز.
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
استانا مۇعالىمدەرىنە بەرىلەتىن سىيلىق اقى كولەمى ارتاتىن بولدى

استانا. قازاقپارات - بۇلتتى بۋحالتەريا استانا مەكتەپتەرىنە جىلىنا 200 ميلليون تەڭگە ۇنەمدەۋگە جول اشادى. بۇل تۋرالى قالالىق ءماسليحاتتىڭ سەسسياسىندا ەلوردا اكىمى اسەت يسەكەشيەۆ ءمالىم ەتتى، دەپ حابارلايدى قازاقپارات.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ