ҚАЗ
РУС
QAZ
ENG
中文 قازاقشا
18.12.2017 XX:XX:XX>
18.08.2016   20:40
نۇرسۇلتان نازاربايەۆ ق ر جەر كودەكسىنە تۇزەتۋلەرگە موراتوريدى 5 جىلعا ۇزارتتى

استانا. قازاقپارات - مەملەكەت باسشىسى نۇرسۇلتان نازاربايەۆ ەلدىڭ الەۋمەتتىك- ەكونوميكالىق دامۋ قورىتىندىلارى جانە جەر رەفورماسى بويىنشا كوميسسيا قىزمەتى تۋرالى كەڭەس وتكىزدى، دەپ حابارلادى اقوردانىڭ باسپا ءسوز قىزمەتى.

ءىس- شارا بارىسىندا جەر رەفورماسى جونىندەگى كوميسسيانىڭ جۇمىس قورىتىندىلارى تالقىلانىپ، جەر زاڭناماسىنىڭ وزگەرىستەرىنە موراتوريدى 5 جىلعا ۇزارتۋ تۋرالى شەشىم قابىلداندى.

- جەر كودەكسىنىڭ ءبىرقاتار نورمالارىنا موراتوريي ەنگىزىلگەن كەزدەن باستاپ كوميسسيا ماڭىزدى جۇمىس جۇرگىزدى، ەلدىڭ بارلىق وڭىرىندە كەڭەس وتكىزىپ، ازاماتتاردىڭ پىكىرىن تىڭدادى. جۇمىس بارىسىندا ولار جاقسى ۇسىنىستار ايتتى، اتاپ ايتقاندا، جالعا بەرەتىن تەلىمدەردىڭ شەكتى كولەمىن، جەردى پايدالانۋ تاسىلدەرى مەن ونى ءتيىمسىز پايدالانعان جاعدايدا قابىلداناتىن شارالاردى انىقتاۋ تۋرالى ۇسىنىستار ەنگىزىلدى.

وسىلايشا، ءبارى جەردى 49 جىلعا دەيىن جالعا بەرۋ ينستيتۋتىن ساقتاۋ قاجەت دەگەن ورتاق شەشىمگە كەلدى. سونىمەن بىرگە، الەمدىك تاجىريبەنى تاعى دا زەرتتەپ، قوسىمشا ۋاقىت قاجەت ەكەنى تۋرالى تۇرعىندارعا بىلىكتىلىكپەن ءتۇسىندىرۋ كەرەك. سوندىقتان كوميسسيانىڭ ءموراتورييدى تاعى 5 -جىلعا ۇزارتۋ تۋرالى ۇسىنىسىن قابىلدايمىن، - دەدى نۇرسۇلتان نازاربايەۆ.

سونداي-اق، قازاقستان پرەزيدەنتى ۇكىمەتتىڭ جەر زاڭناماسىنا وزگەرىستەر ەنگىزۋ تۋرالى شەشىم قابىلداعان كەزدە اگروونەركاسىپ سالاسىنا قاراجات تارتۋ ماقساتىن باسشىلىققا العانىن اتاپ ءوتتى.

- اۋىلدىق جەرلەردە حالىقتىڭ شامامەن %40 ى تۇرىپ جاتىر، %20 ى اۋىلدا ەڭبەك ەتەدى. اۋىل شارۋاشىلىعىن وركەندەتۋ كوپتەگەن سالالاردىڭ دامۋىنا سەپتىگىن تيگىزەدى. اۋىل شارۋاشىلىعىمەن اينالىساتىنداردىڭ بارلىعى بۇل سالاعا قولداۋ كورسەتۋ ءۇشىن مەملەكەتتىڭ قانداي كۇش- جىگەر جۇمساعانىن جاقسى بىلەدى. جىل سايىن اگرارلىق سەكتورعا ايتارلىقتاي قاراجات جۇمسالادى، ءبىراق ول ءوزىن اقتاي بەرمەيدى. نارىقتىق ەكونوميكادا ولاي بولمايدى. مۇنىڭ سەبەبى اۋىل شارۋاشىلىعىنداعى ەڭبەك ونىمدىلىگىنىڭ تومەندىگىندە جاتىر، ال ونى ارتتىرۋ ءۇشىن قوسىمشا قاراجات سالۋ كەرەك. بۇكىل الەم اگرارلىق سەكتورعا ينۆەستيتسيا تارتۋ ىسىمەن اينالىسۋدا. ءبىزدىڭ مەملەكەتىمىز دە اۋىل شارۋاشىلىعىن دامىتۋ ءۇشىن كوبىرەك كاپيتال تارتۋدى قالادى. ەگەر بۇل جۇمىس تۇسىندىرۋدەن باستالىپ، تەك سودان سوڭ عانا زاڭدار قابىلدانسا، وندا احۋال باسقا بولار ەدى، - دەدى مەملەكەت باسشىسى.

null

بۇدان بولەك، كەڭەستە رەسپۋبليكانىڭ الەۋمەتتىك- ەكونوميكالىق دامۋىنىڭ نەگىزگى ماسەلەلەرى، مەملەكەتتىك باعدارلامالاردىڭ ورىندالۋ بارىسى جانە الداعى كەزەڭگە ارنالعان جوسپارلار قاراستىرىلدى.

- ەلدىڭ ەكونوميكالىق دامۋى الەمدە بولىپ جاتقان ۇدەرىستەر سالدارىنان زور قىسىم كورىپ وتىر. قازىرگى قارجىلىق- ەكونوميكالىق داعدارىس، ساندىق ەكونوميكانىڭ جاڭا پاراديگماسىنا كوشۋ بىزدەن مۇلدە جاڭا قادامدار تالاپ ەتەدى. ءبىز سونى تابا ءبىلۋىمىز كەرەك، بۇل ءۇشىن ەلدە رەسۋرستار جەتكىلىكتى، - دەدى نۇرسۇلتان نازاربايەۆ.

ءوز بايانداماسىندا ا. مىرزاحمەتوۆ مەملەكەت باسشىسىنىڭ تاپسىرماسىمەن قۇرىلعان كوميسسيا استانادا، سونداي- اق ءبىرقاتار وڭىردە جۇرتشىلىقتىڭ قاتىسۋىمەن كوشپەلى وتىرىس وتكىزگەنىن ايتتى.

- ازاماتتاردىڭ ارىز- شاعىمدارى ءۇشىن ارناۋلى سايت اشىلىپ، call-ورتالىقتار قۇرىلدى، بۇگىندە ولارعا 13 مىڭنان استام تەلەفون قوڭىراۋى تۇسكەن. ءتۇسىندىرۋ جۇمىستارى بارىسىندا جۇرتشىلىقتى بارىنشا كەڭىرەك قامتۋ ءۇشىن اكىمدىكتەر جانىنداعى قوعامدىق كەڭەستەر ىسكە تارتىلدى، حالىقتىڭ 67 مىڭ وكىلىمەن كەزدەسۋ ءوتتى، - دەدى پرەمەر- ءمينيستردىڭ ورىنباسارى - اۋىل شارۋاشىلىعى ءمينيسترى.

ا. مىرزاحمەتوۆ كوميسسيانىڭ نەگىزگى ۇسىنىستارى، سونىڭ ىشىندە اۋىل شارۋاشىلىعى جەرىن جالعا بەرۋ ينستيتۋتىن ساقتاپ، ودان ءارى دامىتۋ، جالعا بەرىلەتىن جەر تەلىمدەرىنىڭ شەكتى كولەمىن بەلگىلەۋ قاجەتتىگى جونىندە دە ايتتى. سونداي- اق حالىقتىڭ جايىلىمدار مەن شابىندىق جەرلەرگە قاتىستى مۇددەسى مەن تالاپتارىن ەسكەرۋ كەرەكتىگى، جەكە تۇرعىن ءۇي سالۋ ءۇشىن جەر بەرۋدىڭ ناقتى ەرەجەلەرى مەن تەتىكتەرىن انىقتاۋ قاجەتتىگى اتالىپ ءوتتى.

مەملەكەت باسشىسى كەڭەس قورىتىندىسى بويىنشا ءبىرقاتار تاپسىرما بەردى.

كەڭەسكە پرەمەر- مينيستر ك. ءماسىموۆ، پرەزيدەنت اكىمشىلىگىنىڭ باسشىسى ءا. جاقسىبەكوۆ، پرەمەر- ءمينيستردىڭ ورىنباسارى - اۋىل شارۋاشىلىعى ءمينيسترى ا. مىرزاحمەتوۆ، پرەزيدەنتتىڭ كومەكشىسى - قاۋىپسىزدىك كەڭەسىنىڭ حاتشىسى ن. ەرمەكبايەۆ، ۇلتتىق ەكونوميكا ءمينيسترى ق. بيشىمبايەۆ قاتىستى.

 

Нравится
پئكئر قالدئرؤ
پئكئر قالدئرؤ
اتئ


كود وسئ باس ارئپتةردئ جوعارئعا كوشئرئپ جازؤ
*كودتئ ةنگئزئثئز

سونداي-اق... وقئثئز
مىڭنان استام وتباسى «نۇرلى جەر» اياسىندا ارزان يپوتەكا الدى

استانا. قازاقپارات - جىل باسىنان بەرى «نۇرلى جەر» باعدارلاماسى بويىنشا يپوتەكالىق قارىزداردى سۋبسيديالاۋعا 12,3 ميلليارد تەڭگە بولاتىن 1209 ءوتىنىم كەلىپ تۇسكەن جانە ونىڭ بارلىعى دەرلىك (1180 ءوتىنىم) ماقۇلدانعان، دەپ حابارلايدى قازاقپارات ءتىلشىسى.

كوپ وقئلعاندارئ

پئكئر بئلدئرئلگةن ماقالالار




قازاقپارات ذلتتئق كومپانياسئ اكسيونةرلئك قوعامئ
Яндекс.Метрика
قازاقپارات ذلتتئق كومپانياسئ اكسيونةرلئك قوعامئنئث ماتةريالدارئن كومپانيا باسشئلئعئنئث جازباشا رذقساتئنسئز پايدالانؤعا تئيئم سالئنادئ