Awa rayı
Astana -9 °S
Almatı 0 °S
valyuta bağamı
USD 330.22
EUR 388.07
RUB 5.60
CNY 49.93

Taldıqorğan qalası äkіmіnіñ ekі orınbasarı tağayındaldı

Taldıqorğan qalası äkіmіnіñ ekі orınbasarı tağayındaldı
2017 jılğı 8 qaraşa 17:57 3592

TALDIQORĞAN. QazAqparat - Taldıqorğan qalasınıñ äkіmі Bağdat Qarasaevtıñ ökіmіmen Joljanov Däwren Baqturulı qala äkіmіnіñ orınbasarı bolıp tağayındaldı, dep xabarlaydı QazAqparat tіlşіsі.

Buğan deyіn qala äkіmіnіñ keñesşіsі qızmetіn atqarğan azamat konkwrstıq komïssïya şeşіmі boyınşa jaña lawazımğa layıq dep tanılğan.

Däwren Joljanov  1970 jılı twğan, joğarı bіlіmdі. Eñbek jolın 1992 jılı qarapayım qurılısşı bolıp bastap, memlekettіk mekemelerde basşılıq qızmetke deyіn ösken. 2008-2016 jıldar aralığında Almatı qalasınıñ memlekettіk säwlet-qurılıs baqılaw basqarmasında, energetïka jäne kommwnaldıq şarwaşılıq basqarmasında bas mamannan bölіm bastığına deyіngі qızmettіk satılardan öttі. Qarjılıq uyımdar men jeke menşіk mekmelerde de jumıs ötіlі bar. 

Däwren Baqturulı aldağı waqıtta qaladağı jol, TÜKŞ, qoğamdıq kölіkter, qurılıs, säwlet salalarına jetekşіlіk etetіn boladı.

Sonday-aq Taldıqorğan qalası äkіmdіgіnіñ alqa mäjіlіsіnde qala äkіmі Bağdat Qarasaev konkwrstıq komïssïya şeşіmіne säykes, özіnіñ orınbasarı mіndetіn atqarwşı azamattı tanıstırdı. Endі qalanıñ qarjı, ekonomïka, käsіpkerlіk, awıl şarwaşılığı, jer qatınastarı, veterïnarïya salasına Qojabaev Asqar Ramazanulı jetekşіlіk etedі.

Taldıqorğan qalası äkіmіnіñ ekі orınbasarı tağayındaldı 

Asqar Qojabaev 1968 jılı twğan. Bіlіmі joğarı. Eñbek jolın 1985 jılı bastağan. Qatardağı ekonomïsten awdandıq, qalalıq memlekettіk mekemelerde basşılıq qızmetke deyіn joğarılağan. 2005-2017 jıldar aralığında Almatı oblıstıq Ekonomïka jäne byudjettіk josparlaw basqarmasında basşı, basşınıñ orınbasarı qızmetterіn atqardı.

Ayta ketw kerek, qazan ayınıñ 20-ı künі Taldıqorğan qalası äkіmіnіñ ekі orınbasarı bіrdey qızmetten  öz erіkterіmen bosağan bolatın.

 

 

 

Bastı sözder: Almatı oblısı, Tağayındaw,
Qate taptıñız ba? Belgіlep, CTRL+ENTER basıñız

Pіkіr qaldırw

Soñğı Pikirler