Qoldanwşı baptawları
Qoldanwşı baptawları
+7 (701) 759 90 19 Lenta
Astana: -27 °S
Almatı: -6 °S
USD 334.85 EUR 394.29
RUB 5.69 CNY 50.60
Jañalıqtar

Mïxaïl Gwsman: Memlekettіk aqparat agenttіgі erekşe märtebege ïe bolwı kerek

2017 jılğı 6 qazan 17:15 1152
Podelïtsya:
Mïxaïl Gwsman: Memlekettіk aqparat agenttіgі erekşe märtebege ïe bolwı kerek

MÄSKEW. QazAqparat - Soçïde jwıq arada TMD-nıñ aqparat agenttіkterіnіñ jetekşіlerіnіñ kezdeswі ötedі. Osı jïın aldında «QazAqparat» XAA tіlşіsі Mäskewde Reseydіñ TASS aqparattıq agenttіgі bas dïrektorınıñ orınbasarı Mïxaïl Solomonovïç Gwsmanmen äñgіme örbіtіp, aqparattıq agenttіkterdі alañdatatın bağıttar boyınşa oyın bіldі.

- Qurmettі Mïxaïl Solomonovïç, TASS-tıñ özge elderdegі, sonıñ іşіndegі Qazaqstandağı «QazAqparat» xalıqaralıq aqparat agenttіgіmen ornatqan baylanısına qalay bağa berer edіñіz?

- TASS aqparat agenttіgіnіñ «QazAqparat» xalıqaralıq aqparat agenttіgіmen tarïxï ärі berіk baylanısı bar. Qazіrgі «QazAqparat» bіr kezdegі KazTAG-tıñ muragerі bolıp esepteledі. Bіz bіr elde ömіr sürіp jatqan waqıtta TASS ülken agenttіk boldı da, onıñ Qazaqstandağı bölіmşesі öte mıqtı qalıptastı. Ïä, qazіr de «QazAqparattıñ» jemіstі eñbegіnіñ kwäsі bolıp otırmız. Bіzdіñ baylanısımız üzdіksіz jalğasıp keledі. Xalıqaralıq şaralarda jïі kezdesіp, ekіjaqtı negіzde jumıs atqarıp, täjіrïbe men aqparat almaswdamız. Xalıqaralıq mäseleler boyınşa ustanımımız bіr dewge de boladı. Bіz TMD-nıñ jetekşі aqparat agenttіkterі enetіn ïnstïtwtta - Täwelsіz memleketterdіñ dostastığındağı memlekettіk aqparat agenttіkterі basşılarınıñ keñesі ayasında jumıs atqaramız. Sondıqtan, men bawırlastıq dep te artıq aytqanım emes, ärі käsіbï baylanısımız nığayıp, damï bersіn degen tіlek bіldіrgіm keledі. Läyіm, solay bolatınına senіmdіmіn.

- TASS-tı aldağı waqıtta qanday özgerіster kütіp tur? Agenttіktіñ josparı qanday?

- TASS üşіn mañızdı bağıttardıñ bіrі - şet elderde ökіldіkterіn köbeytw. Agenttіktіñ bügіngі tañda şetelde bölіmşelerі jeterlіk. Bіz 70 elde jumıs atqaramız. Bіraq, bul körsetіş Keñes odağı kezіndegіmen salıstırğanda ekі ese az. Sondıqtan, aldağı bіr-ekі jılda şeteldegі ökіldіkterdіñ sanın 100-ge deyіn jetkіzwdі josparlap otırmız.

- Medïa-saladağı jaña texnologïyalarğa oyıssaq. TASS-ta qanday jaña texnologïyalar bar? Qanday bağıttar erekşe damıp keledі? Vïdeokontentterdі küşeyttіñіzder me älde älewmettіk jelіdegі önіmderdі qoldanıp jatırsızdar ma? TASS paraqşalarında onlayn-TV jağına özgerіs engіzіlwі mümkіn be?

- Mwltïmedïyalıq damwdı qamtamasız etetіndіkten, bіz zamanğa say aqparat agenttіkterіnіñ trendіnde bolwımız kerek. Zamanawï texnologïyalar jan-jaqtı bağıt boyınşa damw satısında mañızdı röl atqaradı. Sondıqtan, bіzge ïnternet alañdarmen aqparattıq televïzïyalıq bağıttı damıtwımız kerek. Onsız bügіngі tañda eşqayda bara almaysıñ. TASS agenttіgіn damıta otırıp, bіz älewmettіk jelі qoldanwşılarınıñ belsendіlіgіn baqılaymız. Älewmettіk jelіnіñ belsendіlіgі aqparat agenttіgіnіñ jumısı bolmağandıqtan, buğan öte saq ärі bayqap kelw kerek. Bul mülde bölek sala. Aqparattı bere bіlwdіñ özіndіk jolın bіlw kerek. Ol procestі baqılay otırıp, bіrlese jumıs atqarğan jön. Sonımen bіrge, onıñ jumısına belgіlі bіr formada aralasqan abzal. Bіraq, qaytalap aytarım, klassïkalıq ärі dästürlі, jumısı qatañ TASS aqparattıq agenttіgі qazіrgі zamannıñ älewmettіk jelіsіnen bölek jumıs. Sondıqtan, bul turğıda bіr-bіrіn şatastırmay, ölşengen qadammen jaqındağan durıs.

- TASS aqparat agenttіgіnіñ aldağı waqıtta reseylіk ïnternet-BAQ közderіmen kommercïyalıq deñgeyde bäsekege tüsw josparı bar ma?

- Qazіrgі tañda kommercïyalıq narıqta munday bäsekege barw tapsırması kün tärtіbіnde turğan joq.  TASS- memlekettіk aqparat agenttіgі. Şınımdı aytsam, TASS üşіn bіzdegі bar aqparattardı saraptap otırsam, eşqanday bäsekelestі körіp turğanım joq. Bіz qalay degenmen älemdіk aqparat agenttіgіmіz. Al eger belgіlі bіr salada jumıstı jetіldіrsek (onday jumıstar bar), aqparattıq brend ärі aqparattıq ïnstïtwt retіnde TASS-qa bäsekeles joq dep aytwğa boladı. Bіz: «TASS xabarlamağan aqparat tabïğatta bolmaydı» dep tekke aytpaymız ğoy. Bul bіzdіñ ustanım. Menіñ sіzge aytarım - Reseyde TASS-qa teñ kelerdey bіrde-bіr aqparat agenttіgі joq.

- Memlekettіk aqparat agenttіgі erekşe märtebege ïe bolwı, oğan memlekettіk qurılımdar men organdardan bіrіnşі kezekte aqparat berіlwі kerek dep esepteysіz be?

- Älbette. Memlekettіk aqparat agenttіgі sol üşіn jumıs atqaradı. Memleket sol üşіn de özіnіñ aytwlı jañalıqtarı şığıp turwı üşіn jeke memlekettіk aqparat agenttіgіn ustap otır. Bul bäsekelestіk şarttarın buzatınday dünïe emes. Öz kezegіmіzde bіz memleket aldında aqparattıñ naqtılığı, şınayılığı men sapası üşіn jawap beremіz. Al özge de agenttіkter memlekettіk organdardan alğan aqparattı dabıraytıp aytpağanda jöndі qoldana almawı mümkіn. Bіz memlekettіk ïnstïtwttarmen bіrlese jumıs atqarwda özіmіzdіñ mіndetіmіzdі bіlemіz. Ärbіr memlekettіk vedomstvodan barınşa aqparattı kölemdіrek alıp otırğanımız abzal dep esepteymіz. Sondıqtan, TASS nemese «QazAqparattıñ» memlekettіlіgі turğısınan köp jağdayğa äserіn tïgіzedі dep oylaymın.

- Mïxaïl Solomonovïç, TASS-tıñ basqa da xalıqaralıq aqparat agenttіkterіmen, sonıñ іşіnde «QazAqparatpen» aldağı baylanısı qalay örbïdі dep oylaysız?

- Men qanday jağday bolmasın bіrlese jumıs atqara beremіz dep esepteymіn. Öytkenі, bul ekі jaqqa da tïіmdі, käsіbï turğıda basımdıq beredі. Bіz kürdelі ärі aqparattıq qarama-qayşılığı örşіp turğan älemde ömіr sürіp jatırmız. Resey men Qazaqstan strategïyalıq turğıda serіktes elder. Intımaqtastığımızdı Nursultan Äbіşulı Nazarbaev pen Vladïmïr Vladïmïrovïç Pwtïnnіñ arasındağı іzgі qarım-qatınas küşeyte tüsedі. Bul Qazaqstan men Resey arasındağı qarım-qatınasta erekşe faktor bolıp esepteledі. Sondıqtan, TASS pen «QazAqparattıñ» serіktestіgі sol bіr dostıqtıñ bïіk deñgeyіne jawap bere bіlwі kerek.

- Täwelsіz memleketter dostastığı aqparat agenttіkterі basşılarınıñ keñesіnen ne kütesіz?

- Täjіrïbe, jaña ïdeyalar, josparlar. Bіzde bölіsetіn dünïe köp. Bunıñ barlığı ärqaşan mañızın joymaydı. Buğan qosa kezdeswler jïі uyımdastırılıp, paydasın barlığımızğa tïgіzwі kerek. Menіñşe, aldağı aqparattıq keñes tabıstı boladı.

- Suxbat bergenіñіz üşіn raxmet, Mïxaïl Solomonovïç!


Bastı sözder: BAQ, Resey,
Bölіsіñіz:

Awdarma:

Ayan Bekenulı

Pіkіr qaldırw
Murağat