Awa rayı
Astana 1 °S
Almatı 5 °S
valyuta bağamı
USD 330.22
EUR 388.07
RUB 5.60
CNY 49.93

Qızılordalıq swdyalar ekologïya mäselesіnіñ quqıqtıq tetіgіn talqıladı

Qızılordalıq swdyalar ekologïya mäselesіnіñ quqıqtıq tetіgіn talqıladı
2017 jılğı 10 qaraşa 21:26 452

QIZILORDA. QazAqparat- Qızılorda oblıstıq sotında ekologïya zañnamasına qatıstı mäseleler qaraldı, dep xabarlaydı QazAqparat tіlşіsі.

Aymaqtıq oqw ortalığınıñ uyımdastırwımen «Ekologïya zañnamasın qoldanwda twındaytın mäseleler» taqırıbında jïın öttі. Atalğan şarağa swdyalar, prokwrorlar, memlekettіk organdar ökіlderі qatıstı.

Şaranı oblıstıq sottıñ azamattıq іster jönіndegі sot alqasınıñ törağası Ädіlxadı Şığambaevtıñ aşıp, kün tärtіbіndegі negіzgі mäseleler twralı ayttı.

«Ekologïya zañnamasın buzwdan twındaytın äkіmşіlіk jäne azamattıq іsterdі qaraw barısında sottardıñ ekologïyalıq zañnamalardıñ durıs qoldanılwına erekşe nazar awdarwı qajet», - dedі Ädіlxadı Şığambaev.

Sonday-aq, jïın barısında ekologïyalıq zañnamaların koldanw boyınşa sot täjіrïbesіnіñ mäselelerі, jwrgіzіlgen tekserw nätïjesіmen anıqtalğan zañ buzwşılıqtar boyınşa jawapkerşіlіkke tartw kezіnde twındaytın dawlar, äkіmşіlіk іsterdі qarawda ekologïyalıq zañnamanı koldanw twralı azamattıq іsterdі qaraw kezіnde twındağan mäselelerі talkığa tüstі.

Jïın soñında sot mamandarı ekologïyalıq zañnamanı qoldanwda twındaytın dawlardı şeşw maqsatında turaqtı türde şolw jasawğa jäne jumıs barısında olqılıqtardı boldırmas bіrneşe usınıstar usınıstar äzіrledі.

Ayta keteyіk, Elbası özіnіñ Ult josparı - bes ïnstïtwcïonaldıq reformanı jüzege asırw jönіndegі 100 naqtı qadam eñbegіnіñ II. Zañnıñ üstemdіgіn qamtamasız etw bölіmіnіñ köptegen qadamdarında sot üstemdіgіne toqtalıp ötken bolatın. Jospardıñ 16-qadamda:  Azamattardıñ sot törelіgіne qoljetіmdіlіgіn jeñіldetw üşіn sot jüyesі ïnstancïyasın oñtaylandırw köterіldі. Sonımen bіrge bes  satılı sot jüyesіnen   (bіrіnşі, apellyacïyalıq, kassacïyalıq, qadağalaw jäne qayta qadağalaw jasaw) üş satılı (bіrіnşі, apellyacïyalıq, kassacïyalıq) sot törelіgі jüyesіne köşw aytıldı. 


Qızılordalıq swdyalar ekologïya mäselesіnіñ quqıqtıq tetіgіn talqıladı 

 

Bastı sözder: Qızılorda oblısı, Sot, Ekologïya,
Qate taptıñız ba? Belgіlep, CTRL+ENTER basıñız

Pіkіr qaldırw

Soñğı Pikirler