Qoldanwşı baptawları
Qoldanwşı baptawları
+7 (701) 759 90 19 Lenta
Astana: -25 °S
Almatı: -11 °S
USD 327.10 EUR 400.53
RUB 5.78 CNY 50.84
Jañalıqtar

Qazaqstandağı jaña kadrlıq tağayındawlar

2018 jılğı 14 qañtar 11:47 1244
Podelïtsya:
Qazaqstandağı jaña kadrlıq tağayındawlar

ASTANA. QazAqparat - Ötіp bara jatqan apta іşіnde elіmіzde türlі salalarda bіrqatar kadrlıq awıs-tüyіs boldı. QazAqparat apta іşіndegі osı jäne özge de tağayındawlarğa şolw jasaydı.

Sonımen osı aptada Memleket basşısınıñ Jarlığımen Asqar Mırzaxmetov Jambıl oblısınıñ äkіmі bolıp tağayındaldı.

Asqar Ïsabekulı 1962 jılı 1 qazanda Şımkent qalasında dünïege kelgen. Awıl şarwaşılığı jäne ekonomïka mamandıqtarı boyınşa bіlіm alğan. 1997 jıldan 2006 jıldıñ qañtarına deyіn Qazaqstan Premer-Mïnïstrіnіñ keñesşіsі, Qazaqstan Respwblïkası Awıl şarwaşılığı vïce-mïnïstrі, bіrіnşі vïce-mïnïstrі jäne awıl şarwaşılığı mïnïstrі lawazımdarında qızmet atqarğan. 2006 jıldıñ säwіrіnen 2007 jıldıñ qırküyegі arasında Qazaqstan Respwblïkasınıñ Özbekstan Respwblïkasındağı Tötenşe jäne ökіlettі elşіsі.

2007 jıldıñ qırküyegіnen 2009 jıldıñ nawrızı aralığında - «Oñtüstіk» əlewmettіk käsіpkerlіk korporacïyası» ulttıq kompanïyası» AQ basqarmasınıñ törağası. 2009 jılğı nawrızdan 2015 jılğı tamızğa deyіn - Oñtüstіk Qazaqstan oblısınıñ äkіmі. 2015 jılğı tamızdan bastap 2016 jıldıñ mamırına deyіn - «Nur Otan» partïyası törağasınıñ bіrіnşі orınbasarı. 2016 jıldıñ mamırınan - QR Awıl şarwaşılığı mïnïstrі. 2016 jıldıñ mawsımında Memleket basşısınıñ Jarlığımen Premer-Mïnïstrdіñ orınbasarı qızmetіne tağayındaldı (QR Premer-Mïnïstrіnіñ orınbasarı - QR Awıl şarwaşılığı mïnïstrі boldı).

***

«Astana EKSPO-2017» UK» AQ-nıñ jalğız akcïonerі bolıp tabılatın QR Ulttıq ekonomïka mïnïstrlіgіnіñ şeşіmіmen Erbol Şormanov Ulttıq kompanïyanıñ basqarma törağası bolıp tağayındaldı.

E.Şormanov 2015 jılğı 20 tamızdan bastap «Astana EKSPO-2017» UK» AQ basqarma törağasınıñ orınbasarı, keyіn basqarma törağasınıñ mіndetіn atqarwşı qızmetіn atqardı.

Ayta keteyіk, Şormanov Erbol Älіmqululı 1968 jılı 20 tamızda dünïege kelgen. Ol Almatı xalıq şarwaşılığı ïnstïtwtın tämamdağan. Erbol Şormanov eñbek jolın 1991 jılı QR Keden organdarında bastap, onda 2005 jılğa deyіn qızmet ettі. Ulttıq kompanïyağa deyіn, Almatı qalası äkіmіnіñ orınbasarı lawazımında şahardağı turğın üy-kommwnaldıq şarwaşılığı, abattandırw, ekologïya, energetïka, önerkäsіp, sawda, şağın bïznes, sanïtarlıq-epïdemïologïyalıq axwal mäselelerіn qadağaladı. Sonday-aq, Almatı qalası äkіmіnіñ apparatına, Käsіpkerlіk jäne önerkäsіp departamentіne jetekşіlіk ettі.

 *** 

Osı aptada Allen Şayjünіsov «ASTANA EKSPO-2017» UK» AQ basqarma törağasınıñ orınbasarı bolıp tağayındaldı.

Allen Serjanulı Şäyjünіsov 2002 jılı Resey Federacïyasınıñ Mäskew memlekettіk xalıqaralıq qatınastar ïnstïtwtın «xalıqaralıq-zañger» mamandığı boyınşa bіtіrdі. Sonımen qatar, Qazaq qarjı-ekonomïkalıq akademïyasın «ekonomïst» mamandığı boyınşa tämämdadı. 2002 men 2006 jıldarı dïplomatïyalıq qızmette jumıs іstedі. Ärtürlі jıldarı Mañğıstaw oblıs äkіmі apparatı jetekşіsіnіñ orınbasarı, «Nur Otan» xalıqtıq demokratïyalıq partïyası Ortalıq apparatı Xatşılığınıñ meñgerwşіsі, «Samurıq-Qazına Kontrakt» JŞS-nıñ Basqarwşı dïrektorı, Qazaqstan Respwblïkası Sport jäne dene şınıqtırw іsterі agenttіgі törağasınıñ orınbasarı qızmetterіnde eñbek ettі. 2015 jıldan bastap «Astana EKSPO-2017» UK» AQ Іlgerіletw jäne twrïzm departamentіnіñ dïrektorı bolıp іstedі. 2017 jıldıñ 6 qaraşasında «EKSPO-2020 Dwbay» dünïejüzіlіk körmesіndegі Qazaqstan sekcïyasınıñ bas komïssarı bolıp tağayındaldı.

***

Memleket basşısınıñ Ökіmіmen Qazaqstan Respwblïkası Sırtqı іster mïnïstrlіgіnіñ Erekşe tapsırmalar jönіndegі elşіsі Erlan Altınbayulı Älіmbaev Qazaqstan Respwblïkasınan Şanxay ıntımaqtastığı uyımı qızmetіnіñ mäselelerі jönіndegі Ulttıq üylestіrwşі qızmetіne tağayındaldı.

E. Älіmbaev 1975 jılı 6 qañtarda Qızılordada dünïege kelgen.

***
Aptanıñ basında Mañğıstaw oblısında bіrqatar kadrlıq özgerіster boldı

Oblıs äkіmіnіñ keñesşіsі bolıp Äsel Amanbeqızı Balmanova tağayındaldı.

Äsel Balmanova Batıs Qazaqstan oblısı Oral qalasında 1987 jılı 22 qırküyekte dünïege kelgen. Bіlіmі - joğarı (2009 jılı M.Ötemіsov atındağı Batıs Qazaqstan memlekettіk wnïversïtetі, 2012 jılı «Ewrazïya» ïnstïtwtı «Yurïsprwdencïya», 2016 jılı M.Ötemіsov atındağı Batıs Qazaqstan memlekettіk wnïversïtetі - «Ekologïya» magïstrі). Eñbek jolın 2010 jıldıñ nawrız ayınan Batıs Qazaqstan oblısı tabïğï reswrstar jäne tabïğattı paydalanwdı rettew basqarmasınıñ, qorşağan ortanı qorğaw jäne monïtorïng bölіmіnіñ bas mamanınan bastadı.

2012-2016 jıldarı bas maman, Batıs Qazaqstan oblısı äkіmі apparatınıñ aqparattıq jäne qujat aynalımı bölіmіnіñ basşısı; 2017 jılı Batıs Qazaqstan oblısınıñ awıl şarwaşılıq basqarmasınıñ quqıqtıq qamtamasız etw bölіmіnіñ basşısı; 2017 - 2018 jıldarı «Batıs Qazaqstan oblısınıñ käsіpodaqtar ortalığı» Käsіpodaqtar aymaqtıq qawımdastığı törağasınıñ orınbasarı qızmetterіn atqardı.

 ***

Bawırjan Qayratulı Qayratov «Aqtaw teñіz portı» arnayı ekonomïkalıq aymağı» AQ Basqarmasınıñ törağası bolıp tağayındaldı.

Bawırjan Qayratov 1987 jıldıñ 4 qaraşasında Şığıs Qazaqstan oblısı Semey qalasında twğan. Bіlіmі - joğarı (2010 jılı «Bolaşaq» bağdarlaması ayasında AQŞ-tıñ Ïndïana wnïversïtetіn, 2016 jılı Memlekettіk basqarw akademïyasın tämamdadı). Eñbek jolın 2010 jılı Şığıs Qazaqstan oblısınıñ Kwrçatov qalasındağı «Tasımal kölіgі» JŞS-nіñ qarjı dïrektorı bolıp bastağan.

Jaña qızmetke tağayındalğanğa deyіn «Qazaqïnvest» ulttıq kompanïyası» AQ Mañğıstaw oblıstıq fïlïalı dïrektorınıñ orınbasarı qızmetіn atqardı.

 ***

Mañğıstaw oblısınıñ awıl şarwaşılığı basqarmasınıñ basşısı bolıp Serіk Sırımulı Qaldığul tağayındaldı.

Serіk Qaldığul 1968 jılı 19 qazanda Mañğıstaw oblısı, Mañğıstaw awdanı, Şetpe awılında dünïege kelgen. Bіlіmі - joğarı, 1992 jılı Batıs Qazaqstan oblısı awıl şarwaşılıq ïnstïtwtın «agronom» mamandığı boyınşa tämamdağan. Eñbek jolın 1992 jılı Aqtaw qalasında bastağan.

Soñğı tağayındawğa deyіn Mañğıstaw oblısı awıl şarwaşılığı basqarması basşısınıñ orınbasarı qızmetіnde boldı.

 ***

«KazAvtoJol» UK AQ Mañğıstaw oblıstıq fïlïalınıñ dïrektorı qızmetіne Erbol Baqtïyarulı Omarov tağayındaldı.

Erbol Omarov 1985 jılı Oñtüstіk Qazaqstan oblısında twğan. Bіlіmі - joğarı, 2006 jılı M.Tınışbaev atındağı Qazaq Kölіk jäne kommwnïkacïya akademïyasın «Avtomobïl joldarı jäne aerodromdar qurılısı» mamandığı boyınşa ayaqtağan. 2009 jılı Almatı wnïversïtetіnіñ zañ fakwltetіn bіtіrdі. Eñbek jolın 2006 jıldıñ tamız ayında Qazaqstan Respwblïkası Kölіk jäne kommwnïkacïya mïnïstrlіgіnіñ Kölіk ïnfraqurılımı komïtetіnіñ texnïkalıq sayasat basqarmasınıñ jetekşі mamanı retіnde bastadı. 2006-2007 jıldarı Qazaqstan-Resey avtojol keşenіnіñ jol bölіmіnde jetekşі maman; 2007-2011 jıldarı Qazaqstan Respwblïkası Kölіk ïnfraqurılımı komïtetіnіñ qurılımında; 2011jılı «Jol-Sapa» JŞS ïnjenerі; 2011-2013 jıldarı bïznes salasında; 2013-2017 jıldarı «QazAvtoJol» UK» AQ Oñtüstіk Qazaqstan oblıstıq fïlïalı dïrektorınıñ orınbasarı; 2017 jıldıñ nawrız ayınan bastap qazіrgі waqıtqa deyіn «Qazaqavtojol» RMK dïrektorınıñ orınbasarı bolıp qızmet ettі. «Jol salasına qosqan ülesі üşіn» medalіmen, «Batıs Evropa-Batıs Qıtay» jobasın jüzege asırwğa üles qosqanı üşіn «Qurmettі jolşı» tös belgіsіmen marapatalğan.

 ***
Bul aptada Memlekettіk qızmet іsterі agenttіgіnіñ törağası Alïk Şpekbaev Pavlodar oblısındağı Agenttіk departamentіnіñ jaña basşısı Ädіlbek Muqaşevtі tanıstırdı.

Ädіlbek Muqaşev 1981 jılı Soltüstіk Qazaqstan oblısında twğan. 2002 jılı B.Beysenov atındağı Qarağandı memlekettіk ïnstïtwtın «zañger», 2007 jılı E.Böketov atındağı memlekettіk wnïversïtettі «qarjıger» mamandıqtarı boyınşa bіtіrgen. Eñbek jolın 1998 jılı alğaş bastağan іşkі іster organdarında toğız jıldan astam waqıt jumıs іstegen. Qazaqstan Respwblïkasınıñ mädenïet jäne aqparat mïnïstrlіgіnde, sot jüyesіnde qızmet etken. 2008-2014 jıldarı Qazaqstan Respwblïkası Prezïdentіnіñ Äkіmşіlіgіnde jumıs іstegen. 2014-2016 jıldarı QR Memlekettіk qızmet іsterі jäne sıbaylas jemqorlıqqa qarsı іs-qïmıl agenttіgіnіñ Soltüstіk Qazaqstan oblısı boyınşa Tärtіptіk keñes departamentіnіñ törağası bolğan. 2016 jılı Memlekettіk qızmet іsterі mïnïstrlіgі memlekettіk qızmet departamentіnіñ dïrektorı boldı. 2016 jıldıñ qazan ayında - Memlekettіk qızmet іsterі jäne sıbaylas jemqorlıqqa qarsı іs-qïmıl agenttіgіnіñ memlekettіk qızmet departamentіnіñ dïrektorı bolıp tağayındaldı.

***

Atıraw oblıstıq jumıspen qamtw jäne älewmettіk bağdarlamalar basqarmasına jaña basşı keldі. Ol - Asqar Janaxmet.

Buğan deyіn Asqar Janaxmet Atıraw oblıstıq jumıspen qamtw jäne älewmettіk bağdarlamalar basqarması bastığınıñ orınbasarı bolıp qızmet atqarğan. Asqar Janaxmettіñ ekі joğarı bіlіmі bar, onıñ bіrі qurılıs salasımen baylanıstı bolsa, keyіn ekonomïka salasında eñbek ettі. Jeke sektordağı eñbek jolın 2006 jılı menedjer retіnde bastağan, keyіnnen 2011 jılğa deyіn jekemenşіk kompanïyanıñ bas dïrektorı lawazımın atqarğan. 2012 jılı memlekettіk qızmettegі eñbek jolın bastap, Atıraw oblısınıñ äkіmdіgіnde jetekşі maman, ïnspektor, bölіm basşısınıñ orınbasarı, apparat basşısınıñ orınbasarı bolğan.

***
Aptanıñ ortasında «Xabar» arnasında bіrqatar awıs-tüyіster boldı.

Atap aytqanda, Erlan Ïgіsіnov «Xabar» arnasınıñ dïrektorı bolıp tağayındaldı.

Budan bölek, ol Sandwğaş Raxımjanova «Qazaq TV» arnasınıñ dïrektorı, al Andrey Tarakov «Xabar 24» arnasınıñ şef-redaktorı qızmetіne tağayındaldı.

 

 

 


Bastı sözder: Qoğam, Tağayındaw,
Bölіsіñіz:

Avtor:

Rwslan Ğabbasov

Onlayn qızmetkerler
Redaktor
Aydar Ospanalïev
Aydar Ospanalïev
954-059
Murağat