Awa rayı
Astana 0 °S
Almatı 3 °S
valyuta bağamı
USD 332.21
EUR 391.74
RUB 5.57
CNY 50.08

Qazaqstandağı zawıt kartop önіmderіnіñ 80 payızın Reseyge eksporttaydı

Qazaqstandağı zawıt kartop önіmderіnіñ 80 payızın Reseyge eksporttaydı
2017 jılğı 10 qaraşa 12:50 1123

ASTANA. QazAqparat - «KazakhInvest» Ulttıq kompanïyası» AQ basqarma törağası mіndetіn atqarwşı Meyіrjan Mäykenov tayawda Qazaqstanda jüzege asırılatın ïnvestïcïyalıq jobalar jayında aytıp berdі, dep xabarlaydı QazAqparat.

«Jalpı alğanda, bügіnde «KazakhInvest» ulttıq kompanïyası jumısında 158 joba qamtılğan. Öñіrlіk turğıda jobalardıñ köbіsі Atıraw, Aqmola, Aqtöbe, Almatı oblıstarında jäne Astana qalasında ornalasqan. Jobalardıñ jalpı qunı 49 mlrd dollarğa bağalanıp otır. Atalğan 158 jobanıñ arasında belsendі türde pısıqtalıp jatqandarınıñ sanı 76-ğa (20,4 mlrd dollar) jettі, yağnï bul jobalarda ärіptester, qarjılıq model, bïznes jospar, texnïkalıq-ekonomïkalıq negіzdeme eskerіlgen. Osı orayda bular tolıqtay jüzege asırwğa dayın tur», - dep toqtaldı ol Senatta ötken el ekonomïkasına ïnvestïcïya tartw taqırıbındağı döñgelek üstelde.

Onıñ sözіne qarağanda, bul 76 jobanıñ іşіnde transulttıq kompanïyalardıñ qatıswımen 34-і qamtılğan. Atalğan jobalardıñ arasında 26-sı qıtaylıq, 20-sı ewropalıq elderdіñ ïnvestïcïyalarına bağdarlanğan. Al salalıq nışan boyınşa jobalardıñ köbіsі xïmïyalıq, munay-xïmïyalıq, farmacevtïkalıq bağıttarda іske asırwğa negіzdelgen, yağnï bul 19 joba 10 mlrd dollarğa bağalanıp otır. Taw-ken ärі metallwrgïyalıq saladağı 18 joba 5 mlrd dollardı quradı. Sonımen qatar basımdıqqa ïe agroönerkäsіptіk keşendegі 12 jobanıñ qunı 500 mln dollarğa jettі.

«2017 jılı jürgіzіlen jumıstıñ nätïjesіnde 5 joba ayasında qurılıs jumıstarı bastaldı. Budan bölek, 2018 jılğa josparda 16 jobanı іske qosw közdelgen. Olardıñ arasında Nïderlandınıñ Farm Frites transulttıq korporacïyası jobasına toqtalsam, olar kartop önіmderіn öndіrwge mamandandırılğan. Bul kompanïya barşa älem boyınşa McDonalds jüyesіne resmï önіm jetkіzwşі bolıp tabıladı. Farm Frites ïelіgіnde kartop öndіrwde іrі altı zawıtı bar. Endі jetіnşі zawıt Almatı oblısında salınadı. Zawıttıñ qwattılığı 70 mıñ tonnanı quraydı. Atap aytqanda, barşa önіmnіñ 80 payızı reseylіk narıqqa eksporttalatın boladı», - dedі Meyіrjan Mäykenov.

 

 

Bastı sözder: Resey, Ekonomïka, Ïnvestïcïyalar,
Qate taptıñız ba? Belgіlep, CTRL+ENTER basıñız

Pіkіr qaldırw

Soñğı Pikirler