Qoldanwşı baptawları
Qoldanwşı baptawları
+7 (701) 759 90 19 Lenta
Astana: -21 °S
Almatı: -11 °S
USD 324.27 EUR 398.27
RUB 5.73 CNY 50.68
Jañalıqtar

Qazaqstandağı cïfrlandırw käsіporındardı jaña deñgeyge şığaradı - mäslïxat depwtatı

2018 jılğı 14 qañtar 15:37 1285
Podelïtsya:
Qazaqstandağı cïfrlandırw käsіporındardı jaña deñgeyge şığaradı - mäslïxat depwtatı

ASTANA. QazAqparat - Astana qalasınıñ mäslïxat depwtatı Zeynolla Şïbkenovtıñ payımınşa, Qazaqstandağı cïfrlandırw jumıstarı käsіporındardı jaña deñgeyge şığaradı, dep xabarlaydı QazAqparat.

«Prezïdent bïılğı Qazaqstan xalqına «Törtіnşі önerkäsіptіk revolyucïya jağdayındağı damwdıñ jaña mümkіndіkterі» Joldawında öte mañızdı mäselelerdі köterdі. Osı orayda bul bastamalarğa bedeldі sarapşılar da tïіstі bağasın berіp jatqanınan bayqap otırsızdar. Atap aytqanda, elіmіzdіñ arı qaray damwı bağıtında cïfrlandırwğa erekşe ekpіn qoyılıp otırğanı orındı», - dep toqtaldı elorda mäslïxatınıñ depwtatı.

Onıñ payımınşa, bügіnde käsіporındardağı eñbek önіmdіlіgі özgerіsterge muqtaj. Sebebі keybіr zawıttardağı eskі texnologïyalar bäsekege qabіlettі emes. Al älemnіñ ozıq elderі qatarında bolw üşіn zamanawï texnologïyanı ïgerw men jaña qadamdardı іske asırwğa män berіlіp otır.

«Qoğam nazarında ustazdardıñ eñbekaqısı men märtebesі mäselesі de qızw talqıda bolğanı anıq. Sondıqtan osı jağdaylardıñ barlığın eskerіp, Elbası bïılğı Joldawda muğalіmderdіñ eñbekaqısın köterwge qatıstı naqtı tapsırmanı jüktep, älewmettіk salağa qatıstı özge de bağıttarğa nazar awdardı. Bul jañalıqtardıñ barlığı el turğındarın bіr serpіltіp tastadı», - deydі Zeynolla Raxımulı.

Budan bölek, Qazaqstan Bіrіkken Ulttar Uyımı Qawіpsіzdіk Keñesіne törağalıq etw mіndetіn bastap ketkenіne toqtalğan mäslïxat depwtatı, elіmіz älem elderіnde beybіtşіlіktі saqtaw mäselesіnde aytarlıqtay eñbek etkenіn tіlge tïek ettі.

«Özderіñіz bіlesіzder, Sïrïyadağı axwaldı rettewge arnalğan jïındar Qazaqstanda uyımdastırıldı. Osı orayda Astana procesі alañında tïіstі wağdalastıqtarğa qol jetkіzіldі. Menіñ oyımşa, Qazaqstannıñ bul bağıtağı eñbegі eren. Sonımen qatar aldağı künderі Elbası Nursultan Nazarbaev pen AQŞ Prezïdentі Donald Tramptıñ kezdeswі josparlanğan. Bul turğıda Qazaqstan BUU QK Törağası retіnde eskerіp otırğan bіrqatar mäseleler talqılanıp, öz şeşіmіn tabadı degen oydamın. Jalpı, Memleket basşısınıñ jürgіzіp otırğan sayasatı öte durıs jäne osığan el bolıp qoldaw jasawımız kerek», - deydі Astana qalası mäslïxatınıñ depwtatı.

 

 


Bastı sözder: Cïfrlıq Qazaqstan, Joldaw,
Bölіsіñіz:

Avtor:

Rwslan Ğabbasov

Onlayn qızmetkerler
Redaktor
Gülmïra Alyakparova
Gülmïra Alyakparova
954-059
Murağat