Qoldanwşı baptawları
Qoldanwşı baptawları
+7 (701) 759 90 19 Lenta
Astana: 1 °S
Almatı: 11 °S
USD 327.87 EUR 405.44
RUB 5.32 CNY 52.17
Jañalıqtar

Ïnnovacïyalıq jobalar bayqawında jas ğalımdardıñ 25 jobası tañdalıp alındı

2017 jılğı 26 jeltoqsan 12:37 2099
Bölіsіñіz:
Ïnnovacïyalıq jobalar bayqawında jas ğalımdardıñ 25 jobası tañdalıp alındı

ASTANA. QazAqparat - Elordada jas önertapqıştar arasındağı respwblïkalıq ïnnovacïyalıq jobalar bayqawınıñ jeñіmpazdarı marapattaldı, dep xabarlaydı QazAqparat «Nur Otan» partïyasınıñ baspasöz qızmetіne sіlteme jasap.

Uqsas jañalıqtar
Dwşanbede Qanış Sätbaevqa memorïaldı taqta aşıldı Qıtayda 4000 jıl burın jasalğan qıran müsіnі tabıldı

Jas önertapqıştar arasında ötkіzіlgen NURINTECH-2017 respwblïkalıq ïnnovacïyalıq jobalar bayqawınıñ qorıtındısı jarïyalandı. Bul joba ötken jılı Elbası, partïya Törağası Nursultan Nazarbaevtıñ tіkeley bastamasımen qolğa alınğan bolatın. Onıñ bastı maqsatı - el jastarınıñ ğılım-bіlіmge jäne ïnnovacïyağa degen qızığwşılığın arttırw.

Bayqaw jeñіmpazdarı men jüldegerlerіn bügіn «Nur Otan» partïyası Törağasınıñ Bіrіnşі orınbasarı Muxtar Qul-Muxammed arnayı marapattadı. Ol otandıq jas ğalımdar men önertapqıştar Elbasımızdıñ ïnnovacïyanı damıtwğa bağıttalğan sayasatınıñ bastı qoldawşıları jäne negіzgі jüzege asırwşıları bolwı tïіs ekenіn atap öttі.

Ïnnovacïyalıq jobalar bayqawında jas ğalımdardıñ 25 jobası tañdalıp alındı 

Bïıl ekіnşі ret uyımdastırılğan bayqawğa qatıswğa nïet bіldіrgen mıñnan astam ötіnіş kelіp tüstі. Nïet bіldіrwşіler IT jäne äweğarış texnologïyası, energetïka, energïya közіn saqtaw, xïmïyalıq texnologïya, nanotexnologïya, agroïnnovacïya, tabïğï qordı tïіmdі paydalanw, reswrstardı saqtaw, robototexnïka, 3D ïndwstrïya jäne tağı basqa türlі salalar boyınşa özderіnіñ ïnnovacïyalıq jumıs jobaların joldadı.

Jeñіmpazdardı anıqtaw üşіn arnayı bayqaw komïssïyası qurılıp, onıñ quramına Qazaqstannıñ belgіlі ğalımdarı, qoğam qayratkerlerі, Parlament depwtattarı, memlekettіk organdar men bïznes-qawımdastıq ökіlderі endі. Barlıq jumıstı tıñğılıqtı zerttew nätïjesіnde eñ üzdіk ärі suranısqa ïe, ekonomïkalıq jağınan tïіmdі 25 joba tañdalıp alındı.

Nätïjesіnde «Qazaqstannıñ eñ üzdіk jas ğalımı» atalımında metallwrgïya salasında reswrstardı saqtaw texnologïyasın oylap tapqan Qarağandı oblısınıñ ökіlі Erbol Şabanov jeñіmpaz atandı. Al asa tïіmdі kün kollektorınıñ jobasın usınğan jambıldıq Gawhar Smağulova ekіnşі orın alsa, kesw quraldarın bekіtetіn ïnnovacïyalıq texnologïyanı oylap tapqan şığısqazaqstandıq Bawırjan Raxädіlov üzdіk üştіktі tüyіndedі. Odan bölek, «Texnostart», «Jastardıñ ïnnovacïyalıq jobası», «Perspektïva», «Älewmettіk mañızı bar ïnnovacïya» atalımdarı boyınşa da jeñіmpazdar anıqtaldı. Bayqawdıñ arnayı sıylığı Mbionics kompanïyasınıñ negіzіn salwşı, jasandı qol jasawmen aynalısatın 23 jastağı Mäwlen Bekturğanovqa berіldі.

Sonımen qatar bïıl bayqawdıñ mañızdı bağıttarına qazaq tіlіnіñ latın älіpbïіne köşwіne baylanıstı konvertor bağdarlamalar men qosımşalardıñ ïnnovacïyalıq jobaları da qosıldı. Odan bölek, EKSPO-2017 xalıqaralıq körmesіnіñ ötwіne oray «jasıl» energetïka men ekologïyalıq ïnnovacïyağa bağıttalğan jobalar da bayqawğa qatıstı.

Ïnnovacïyalıq jobalar bayqawında jas ğalımdardıñ 25 jobası tañdalıp alındı 

Bayqaw jeñіmpazdarı men jüldegerlerі qarjılay sıylıqtarmen marapattaldı. Är atalımda top jarğan jeñіmpazğa - 1 mïllïon teñgeden, ekіnşі orın ïelerіne - 500 mıñ, al üşіnşі orın alğan jastarğa 250 mıñ teñge kölemіnde sıyaqı berіldі. 


Bölіsіñіz:
Onlayn qızmetkerler
Redaktor
Aydar Ospanalïev
Aydar Ospanalïev
954-059
Murağat