Qoldanwşı baptawları
Qoldanwşı baptawları
+7 (701) 759 90 19 Lenta
Astana: 12 °S
Almatı: 20 °S
USD 326.17 EUR 401.25
RUB 5.31 CNY 51.84
Jañalıqtar

Balalar üyіnde tärbïelengen qızdar jіgіtterge jïі aldanıp qaladı - Tañsulw Laqova

2018 jılğı 14 qañtar 04:32 1202
Bölіsіñіz:
Balalar üyіnde tärbïelengen qızdar jіgіtterge jïі aldanıp qaladı - Tañsulw Laqova

AQTÖBE. QazAqparat - Aqtöbedegі Analar üyіn 12 ana men bala panalap otır. Dalada qalatındardıñ basım bölіgі balalar üyіnіñ tärbïelenwşіlerі. Sengіş, oñ-solın tanımağan jastardı köbіne otbasılı er azamattar aldap ketedі, dep xabarlaydı QazAqparat tіlşіsі.

Analar üyіne otbası qurmağan jas analar ğana keledі. Keyde küyewі urıp-soqqan äyelder kömek suraydı. Bіraq olardıñ bärі özge dağdarıs ortalığına bağıttalıp jatır. Soñğı 4 jılda jumıs tärtіbі bіr іzge tüsken Analar üyі qaladağı perzentxanalarmen tığız baylanısta jumıs іsteydі. Eger jas ana «balamnan bas tartamın» degen oyda bolsa, därіgerler xabar berіp, psïxologpen söyleswge, aqıldaswğa baradı. Keyde anası awrwğa şaldığıp, balanıñ densawlığında aqawı bolsa, ekіnşі joldı tañdaydı.

Balalar üyіnde tärbïelengen qızdar jіgіtterge jïі aldanıp qaladı - Tañsulw Laqova 

«Bіzge perzentxanadan xabar kelіp, bardıq. Onda jatqan jas ana psïxologïyalıq awrwğa şaldıqqan, arnayı tіzіmde tur. Jüktі kezіnde därіgerge qaralmağan soñ balası da nawqas eken. Bіz jas anamen tіldestіk, bіraq «balañ janıñda qalsın» dep aytpadıq. Ol emdep, balanı qatarğa qosa almaytın jağdayda boldı. Negіzіnen Analar üyіne köbіne jastar keledі. Keyde erekşe jağday kezdesіp qaladı. Mäselen, awılda turatın qız 30 jasında jüktі bolıp, Analar üyіne keldі. Qızdardıñ köbі «ata-anama, bawırlarıma söz ermesіn» dep bіzdі panalaydı. Jası bіzdіñ talapqa say kelmese de onı qabıldap, jan-jaqtı kömek körsetіldі. Köbіne munda erіktіler quqıqtıq keñes berіp, medïacïya tärtіbіmen іs şeşіlіp jatadı. Keyde jіgіtterge xabarlasıp, ekі taraptı tabıstırwğa küş salamız. Er azamattıñ batılı jetpeytіn jağdayda ata-anasına xabar berіp, säbïdіñ ata-ana janında qalwına septіgіn tïgіzdіk. Bіzge tayawda bіr qız tüstі. Ol otbasılı jіgіtten jüktі bolğan. Şın mänіnde, özі sengen er azamattıñ otbasılı ekenіn bіlmegen. Balalı bolğan soñ äkelіk quqığın alwğa kömektesemіz. Twğan-twıstarı da alıp ketwge şeşіm qabıldap otır», - dedі Analar üyіnіñ üylestіrwşіsі Tañsulw Laqova.

Balalar üyіnde tärbïelengen qızdar jіgіtterge jïі aldanıp qaladı - Tañsulw Laqova 

Analar üyіne balalar üyіnіñ tärbïelenwşіlerі jïі keledі. Ana maxabbatı men äke meyіrіmіn körmegen jastar janındağı adamdarğa senedі, «qamqor bolamın, ğaşıqpın» degen sözderge aldanadı.

Analar üyіnde ana men bala tek 6 ay tura aladı. Munda olar tіgіnşі bolwğa maşıqtanadı. Tamaq іsteydі, üy jïnaydı. Tіptі arnayı kwrstardan ötedі, tort, toqaş jasawdı meñgeredі. Al balalardıñ densawlığın medïcïna qızmetkerі baqılap otıradı. Analar üyіne käsіpkerler, erіktіler jïі barıp, kömek körsetіp turadı.

«Analar üyіne tüsken jas analardıñ twğan-twıstarı bolsa, tabıstırıp, 6 aydan soñ sol adamdardıñ qamqorlığına beremіz. Al jetіm balalardı ömіrge beyіmdewіmіz kerek. Sondıqtan qısqa merzіmdі kwrstarğa oqıtıp, mamandıq beremіz. Päter jaldawğa kömektesemіz. Bіr qwantarlığı, Analar üyіne kelgen äyelderdіñ teñ jartısı turmıs qurıp, otbasına oralıp, öz jolın tabadı. Barlığı 4 jılda 113 ana keldі, olardıñ balaları janında qaldı. Ärqaysısınıñ tağdırı basqa, bіr-bіrіne uqsamaydı. Mäselen, bіzge bіr jіgіttі twğan-twıstarı äkeldі. Ol ajırasqan, äyelderden köñіlі qalğan. Jaqındarı uzaq waqıt otbası qurmağan jіgіtke alañdap, bіzge keldі. Däl sol waqıtta jіgіttіñ köñіlіnen şıqqan eşkіm tabılmay, baylanıs telefonın alıp qaldım. Keyіn bіzge jüktі qız kelіp, kömek suradı. Äkesі jürek awrwına şaldıqqan soñ aldanıp, jüktі bolğanın ayta almağan qızdı sol jіgіtpen tanıstırdım. Qazіr olar otbası qurıp, ekіnşі balasın dünïege äkeldі», - deydі Tañsulw Laqova.

Qazіrgі kezde öñіrde bala asırap alwşılardıñ mektebі jumıs іstep jür. Aqtöbe qalalıq bіlіm bölіmіmen bіrlese atqarılatın jumıs kezіnde ata-analar 12 sabaqqa qatısadı. Arnayı sertïfïkat berіledі. Olardıñ ärqaysısında jeke kіltsöz boladı. Sol kіltsöz arqılı tastandı, jetіm balalardıñ tіzіmіn körіp, özі іzdegen balanı bawırına basa aladı. Arnayı sabaqqa qatısw mіndettі emes, bіraq kwrstan ötken adamdar balamen tіl tabıswdı meñgerіp, säbïlerdіñ psïxologïyasın üyrenedі. Al bul özgenіñ balasın öz bawırına basatın adam üşіn qajettі qadam.

Balalar üyіnde tärbïelengen qızdar jіgіtterge jïі aldanıp qaladı - Tañsulw Laqova 

Analar üyі burın mekenjayın jasırıp, qupïya ustadı. Qazіr bärі aşıq, arnayı belgі іlіngen. Ärі Analar üyіnіñ ujımı körşіlerіmen tatw turadı, keyde üyde joq, asa qajettі zattarın suraydı. Al körşіlerі qïındıqqa tap bolğan jas analardı ünemі qoldap otıradı.

 

 


Bastı sözder: Qoğam, Aqtöbe oblısı,
Bölіsіñіz:

Avtor:

Altınay Sağındıqova

Onlayn qızmetkerler
Redaktor
Aydar Ospanalïev
Aydar Ospanalïev
954-059
Murağat