Awa rayı
Astana -2 °S
Almatı -9 °S
valyuta bağamı
USD 332.21
EUR 391.74
RUB 5.57
CNY 50.08

Qazaqstan Prezïdentіnіñ el xalqına Joldawı jarïyalandı

Qazaqstan Prezïdentіnіñ el xalqına Joldawı jarïyalandı
2017 jılğı 31 qañtar 00:59 43247

ASTANA. QazAqparat - Aqordanıñ resmï saytında Prezïdent Nursultan Nazarbaevtıñ el xalqına arnağan «Qazaqstannıñ üşіnşі jañğırwı: jahandıq bäsekege qabіlettіlіk» taqırıbındağı joldawı jarïyalandı.

QazAqparat Joldawdıñ tolıq mätіnіn usınadı.


* * *

 

«Qazaqstannıñ üşіnşі jañğırwı: jahandıq bäsekege qabіlettіlіk»

 

Qurmettі qazaqstandıqtar!

Men Qazaqstan xalqına jaña däwіr qarsañında söz arnap otırmın.

Elіmіz özіnіñ 25 jıldıq damw kezeñіnen abıroymen öttі. Bіz elіmіzdі maqtan tutamız. Tabıstarımız ben jetіstіkterіmіz twralı Täwelsіzdіgіmіzdіñ 25 jıldıq mereytoyında atap öttіk. Olardı bükіl älem bіledі jäne joğarı bağalaydı.

2017 jıldıñ basınan bastap Qazaqstan Bіrіkken Ulttar Uyımı Qawіpsіzdіk Keñesіnіñ müşesі boldı.

Bïıl Astanada «EKSPO-2017» xalıqaralıq körmesі ötedі. Munday öte mañızdı älemdіk deñgeydegі іs-şaranı bіz TMD jäne Ortalıq Azïya elderіnіñ arasında bіrіnşі bolıp ötkіzemіz.

Almatıda Wnïversïada-2017 sport oyındarı ötіp jatır.  Oğan 57 memleketten 2 mıñnan astam  sportşı men delegacïya müşelerі qatıswda.

Osınıñ barlığı Qazaqstannıñ xalıqaralıq arenada joğarı bedelge ïe bolğanın jäne sayasatımızdıñ durıstığın körsetedі.

Qazaqstan 2050 jılğa qaray älemdegі eñ aldıñğı qatarlı 30 memlekettіñ qatarına qosılwğa tïіs. Bіz osı maqsatqa qaray tabandılıqpen іlgerіley beremіz.

Jahandıq bäsekelestіktіñ öswі jäne älemdegі turaqsızdıq jağdayında, 2012 jılı xalqıma usınğan «Qazaqstan-2050» strategïyasınıñ özektіlіgі arta tüsedі. Bіz qïındıqtardı waqtılı boljay aldıq.

«Nurlı jol» ekonomïkalıq sayasatınıñ jäne «100 naqtı qadam» Ult josparınıñ nätïjesіnde osınaw qïın, jahandıq transformacïyanıñ alğaşqı kezeñіnen layıqtı ötіp kelemіz. Tek 2014-2016 jıldar aralığında bіz ekonomïkanı qoldawğa qosımşa 1,7 trïllïon teñge jumsadıq. Munıñ barlığı ekonomïkalıq ösіmdі jäne bïznestі qoldawğa, 200 mıñnan astam jaña jumıs orındarın aşwğa mümkіndіk berdі.

Nätïjesіnde, 2016 jılı bіz іşkі jalpı önіmnіñ 1% ösіmіn qamtamasız ettіk. Bul qazіrgі kürdelі jağdayda aytarlıqtay mañızdı.

Älem qarqındı türde özgerіp keledі.

Bul - jaña jahandıq bolmıs, onı bіz qabıldawğa tïіspіz.

 

Qımbattı otandastar!

Bolaşağın ayqındap, sın-qaterlerdі kütіp otırmastan, oğan tabandı türde qarsı tura alatın xalıq qana jeñіske jetedі.

Älemde kezektі, Törtіnşі önerkäsіptіk revolyucïya bastaldı.

Ekonomïkanı jappay cïfrlandırw tutas salanıñ joyılwına jäne mülde jaña salanıñ payda bolwına alıp keledі. Bіzdіñ köz aldımızda bolıp jatqan ulı özgerіster - ärі tarïxï sın-qater, ärі Ultqa berіlgen mümkіndіk.

Bügіn men Qazaqstandı Üşіnşі jañğırtw jönіnde mіndet qoyıp otırmın. Eldіñ jahandıq bäsekege qabіlettіlіgіn qamtamasız etetіn ekonomïkalıq ösіmnіñ jaña modelіn qurw qajet.

Qazіrgі kezde köptegen elder osınday mіndettі orındawğa umtılwda. Ösіmnіñ jaña modelіne köşw täsіlі är jerde är türlі ekenіne senіmdіmіn. Bіz özіmіzdіñ mıqtı tustarımızdı paydalanıp, Täwelsіzdіgіmіzdіñ 25 jılında bіrge qalıptastırğan älewetіmіzdі joğaltıp almawımız kerek qoy.

Qazaqstannıñ Bіrіnşі jañğırwı bärіmіzdіñ esіmіzde. 25 jıl burın KSRO-nıñ qïrandısınan şığıp, öz jolımızdı qalay bastağanımız jadımızda tur. Sol kezde bіzdіñ bwın іrgetasınan bastap qolğa alıp, älem kartasında bolmağan jaña memleket qurdı.

Josparlı ekonomïkadan narıqtıq ekonomïkağa köşw jüzege asırıldı. Bіzdіñ bärіmіz bіrlesіp, sol kezde elіmіzdі küyrewge, azamat soğısına, ekonomïkalıq küyzelіske uşıratpağanımız men üşіn öte mañızdı. Qazaqstan bul kezeñde az şığın şığarıp, zor jetіstіkterge qol jetkіzdі.

Ekіnşі jañğırw «Qazaqstan-2030» strategïyasınıñ qabıldanwımen jäne jaña elorda - Astananıñ salınwmen bastaldı. Onıñ nätïjelі bolğanı daw twdırmaydı. Elіmіz ekonomïkalıq turğıdan artta qalğan aymaqtan şığıp, älemdegі ekonomïkası bäsekege qabіlettі 50 memlekettіñ qatarına kіrdі.

Tabıstı ötken ekі jañğırw arqılı bağa jetpes täjіrïbe jïnaqtadıq. Bіz endі alğa batıl qadam basıp, Üşіnşі jañğırwdı bastawğa tïіspіz. 

Bul jañğırw - qazіrgі jahandıq sın-qaterlermen küres josparı emes, bolaşaqqa, «Qazaqstan-2050» strategïyası maqsattarına bastaytın senіmdі köpіr bolmaq. Ol Ult josparı - «100 naqtı qadam» bazasında ötkіzіledі.

Men onıñ bes negіzgі basımdığın körіp otırmın. Olar ekonomïkanıñ älemdіk ösіmіnіñ orta deñgeyden joğarı qarqının qamtamasız etwge jäne 30 ozıq eldіñ qatarına qaray turaqtı türde іlgerіlewge layıqtalğan. 

Bіrіnşі basımdıq - ekonomïkanıñ jedeldetіlgen texnologïyalıq jañğırtılwı.

Bіz cïfrlıq texnologïyanı qoldanw arqılı qurılatın jaña ïndwstrïyalardı örkendetwge tïіspіz. Bul - mañızdı keşendі mіndet.

Elde 3D-prïntïng, onlayn-sawda, mobïldі bankïng, cïfrlıq qızmet körsetw sekіldі densawlıq saqtaw, bіlіm berw іsіnde qoldanılatın jäne basqa da perspektïvalı salalardı damıtw kerek. Bul ïndwstrïyalar qazіrdіñ özіnde damığan elderdіñ ekonomïkalarınıñ qurılımın özgertіp, dästürlі salalarğa jaña sapa darıttı.

Osığan oray, Ükіmetke «Cïfrlıq Qazaqstan» jeke bağdarlamasın äzіrlewdі jäne qabıldawdı tapsıramın.

Bіzdіñ zañnamamızdı jaña jağdayğa beyіmdew kerek.

Kommwnïkacïyanıñ damwı men optïkalıq-talşıqtı ïnfraqurılımğa jappay qoljetіmdіlіktі de qamtamasız etw kerek. Cïfrlıq ïndwstrïyanı damıtw basqa barlıq salalarğa serpіn beredі. Sondıqtan Ükіmet ІT salasın damıtw mäselesіn erekşe baqılawda ustawğa tïіs.

Jaña ïndwstrïyalar qalıptastırwdıñ mañızdı şartı ïnnovacïyanı qoldaw jäne olardı öndіrіske tezіrek engіzw bolıp sanaladı.

Ükіmetke «EKSPO-2017» nısandarınıñ bіrіnіñ bazasında IT-startaptar xalıqaralıq texnoparkіn qurwdı tapsıramın. Ol älemnіñ barlıq elіnen käsіpkerler men ïnvestorlar tartwdıñ platforması bolwğa tïіs. Bul üşіn tïіstі ïnfraqurılım jäne salıq jeñіldіkterіn, oñaylatılğan vïza men eñbek rejіmіn qosa alğanda, qolaylı jağday kerek.

Bіz joğarı oqw orındarı, Nazarbaev Wnïversïtetі jäne «Alataw» ïnnnovacïyalıq texnologïyalar parkі bazasında özіmіzdіñ ğılımï jäne ïnnovacïyalıq älewetіmіzdі damıtwımız kerek.

Ekіnşі keşendі mіndet. Jaña ïndwstrïyalar qurwmen qatar dästürlі bazalıq salalardı damıtwğa serpіn berwіmіz kerek.

Bul - önerkäsіp, agroönerkäsіptіk keşen, kölіk pen logïstïka, qurılıs sektorı jäne basqa salalar.

Bіrіnşі. Eñbek önіmdіlіgіn aytarlıqtay arttırw kerek.

Bul jerdegі negіzgі faktor Törtіnşі önerkäsіptіk revolyucïya elementterіn jappay engіzw bolwğa tïіs.

Bul - avtomattandırw, robottandırw, jasandı ïntellekt, «awqımdı mälіmetter» almasw, tağı basqa mіndetter.

Ükіmetke bïznes ökіlderіmen bіrge 2025 jılğa deyіn bazalıq salalardı texnologïyalıq turğıdan qayta jaraqtandırwdıñ keşendі şaraların äzіrlewdі tapsıramın.

Ekіnşі. Basımdığı bar salalardağı bäsekege qabіlettі eksporttıq öndіrіstі damıtwdı közdeytіn ïndwstrïyalandırwdı jalğastırw kerek.

Ükіmet aldında qazіrdіñ özіnde 2025 jılğa qaray şïkіzattıq emes eksporttı 2 ese ulğaytw mіndetі tur.

Bul bağıttağı jumıstı jandandırw üşіn eksporttı damıtw men іlgerіletw tetіkterіn bіr vedomstovağa şoğırlandırw qajet. Eksporttawşılarğa «bіr tereze» qağïdatı boyınşa öñіrlerde de qoldaw körsetw kerek.

Ükіmet janınan Eksport sayasatı jönіndegі keñes qurwdı tapsıramın. Oğan bïznes qoğamdastığınıñ ökіlderі kіrwge tïіs.

Bïılğı 1 qırküyekke deyіn Ükіmet äkіmdermen jäne bïznes ökіlderіmen bіrlesіp, Bіrıñğay eksport stretegïyasın äzіrlewі kerek.

Qazaqstan şetel ïnvestïcïyaların tartw іsіndegі köşbasşılığın saqtap qalwı qajet.«Astana» xalıqaralıq qarjı ortalığı el ekonomïkasına qarjı reswrstarın tartwda mañızdı röl atqarwğa tïіs.

Bіz tawar öndіrw men ötkіzw, qızmet körsetw іsіn jahandıq jelіge beyіmdewіmіz kerek. Munı, eñ aldımen, transulttıq kompanïyalardı tartw arqılı jasağan jön.

Qazaqstanda öndіrіster aşw jönіndegі Qıtaymen bіrlesken ïnvestïcïyalıq bağdarlamanı tïіmdі jüzege asırw kerek. Qıtay tarapımen wağdalastıqqa qol jetkіzіldі. Nısandar belgіlendі. Naqtı jumıs іstew qajet.

Bul qazaqstandıqtar üşіn 20 mıñ jaña jumıs ornın aşatın zamanawï öndіrіs bolmaq. Qazіr 6 joba jüzege asırıla bastadı, al 2 joba іske qosıldı. Sonıñ bіrі - gïbrïdtіk jäne tolıqtay elektrlі JAC avtomobïlderіn іrі qurılğılardan qurastıratın zawıt.

Qajettі ïnfraqurılım qalıptastırw jayın eskerіp, eksportqa bağdarlanğan elektromobïl öndіrіsіn odan ärі damıtw mäselesіn pısıqtawdı tapsıramın.

Tutastay alğanda, Qazaqstannıñ öz Ïnvestïcïyalıq strategïyası bolwğa tïіs. Ükіmet onı bïılğı 1 qırküyekke deyіn äzіrlewі kerek.

Xalıqaralıq ıntımaqtastıq ayasında ulttıq ekonomïkalıq müddelerdі qorğap, іlgerіletw qajet. Bul, eñ aldımen,  EAEO, ŞIU іşіnde Jіbek jolı Ekonomïkalıq beldewіmen uştasatın jumıstarğa qatıstı. Ol üşіn ekonomïkalıq dïplomatïya jumısın qayta qurıp, jandandıra tüsw qajet.

Üşіnşі. Ekonomïkalıq ösіmnіñ turaqtılığı üşіn eldіñ taw-ken metallwrgïyası men munay-gaz keşenderі özіnіñ strategïyalıq mañızın saqtawğa tïіs.

Älemdіk suranıs bäseñdep ketken kezde jaña narıqtarğa şığıp, önіm jetkіzw awmağın keñeytw kerek. Mïneraldıq-şïkіzattıq bazanı keñeytwge basa nazar awdarılwğa tïіs. Geologïyalıq barlaw jumıstarın belsendі jürgіzw kerek.

Bul salalardı odan ärі damıtw іsі şïkіzattı keşendі türde qayta öñdewdі tereñdete tüswmen berіk uştastırılwı tïіs.

Jıl soñına deyіn Jer qoynawı twralı jaña kodekstі qabıldap, salıq zañnamalarına qajettі özgerіster engіzwdі tapsıramın.

 

*****

 

Törtіnşі. Agrarlıq sektor ekonomïkanıñ jaña drayverіne aynalwı kerek.

Qazaqstannıñ agroönerkäsіp keşenіnіñ bolaşağı zor.

Köptegen pozïcïyalar boyınşa bіz älemde іrі agrarlıq eksporttıq önіm öndіrwşіlerdіñ bіrі bola alamız. Bul, äsіrese, ekologïyalıq taza tağamdarğa qatıstı. «Made in Kazakhstan» brendі sonday önіmderdіñ etalonı bolwğa tïіs.

Sonımen qatar, astıq önіmderі boyınşa bіz Ewrazïyada «nan kärzeñkesі» bolwımız kerek. Şïkіzat öndіrіsіnen sapalı öñdelgen önіm şığarwğa köşw qajet. Tek sonda ğana bіz xalıqaralıq narıqtarda bäsekege qabіlettі bola alamız.

Osı maqsattarğa qol jetkіzw üşіn  Ükіmet pen äkіmderge mınaday tapsırmalar beremіn:

bіrіnşіden, swbsïdïyalardı bölw qağïdaların qayta qarastırıp, bіrtіndep önіmdі saqtandırwğa köşw qajet;

ekіnşіden, bes jıl іşіnde 500 mıñnan astam jeke üy şarwaşılıqtarı men şağın fermerlerdі kooperatïvterge tartwğa mümkіndіk beretіn jağday jasaw kerek;

üşіnşіden, önіmnіñ öñdew sapasın jaqsartıp, tawarlardı saqtawdıñ, tasımaldawdıñ jäne ötkіzwdіñ tïіmdі jüyesіn qurw qajet;

törtіnşіden, eñbek önіmdіlіgіn belsendі türde arttırıp, öndіrіs şığındarın tömendetw kerek;

besіnşіden, jerdі paydalanw tïіmdіlіgіn arttırwğa tïіspіz. Swarmalı egіs alañın 5 jıl іşіnde 40%-ğa keñeytіp, 2 mïllïon gektarğa jetkіzw qajet;

altınşıdan, öndіrіste suranısqa ïe agrarlıq ğılımï zerttewlerge salınatın ïnvestïcïya kölemіn arttırw kerek.

Awıl şarwaşılığın ärtaraptandırıp, 2021 jılğa qaray azıq-tülіk tawarı eksportın 40%-ğa köbeytwdі tapsıramın.

Bul mіndetter agroönerkäsіp keşenіn damıtwdıñ jaña memlekettіk bağdarlaması ayasında іske asırılwı qajet.

 

*****

 

Besіnşі. Jaña ewrazïyalıq logïstïkalıq ïnfraqurılımdı damıtw - mañızdı basımdıqtardıñ bіrі.

Oğan qazіrdіñ özіnde qomaqtı ïnvestïcïya jumsaldı. Endі odan ekonomïkalıq qaytarım ala bastaw qajet.

Ükіmetke 2020 jılğa qaray tranzïttіk tasımaldıñ jıldıq kölemіn:

- konteynerlermen tasımaldanatın jükter üşіn 7 ese - 2 mïllïon konteynerge deyіn;

- jolawşılardı äwe kölіgіmen tasımaldawdı 4 ese - 1,6 mïllïon tranzïttіk jolawşığa deyіn arttırwdı tapsıramın.

Tranzïttіk tasımaldawdan tüsetіn tabıstı 5,5 ese - jılına 4 mïllïard dollarğa deyіn köbeytw qajet.

2015 jılı men «Nurlı jol» ïnfraqurılımdıq damw bağdarlamasın usındım. Ötken 2 jıl іşіnde bağdarlama özіn tolıq aqtadı.

Bïıl respwblïkalıq mañızı bar 4400 şaqırım avtojol qurılısı men qayta jañğırtw jumıstarı jürgіzіledі. Jıl soñına deyіn sonıñ kem degende 600 şaqırımı paydalanwğa berіlіp, kezeñ-kezeñіmen aqılı jüye engіzіledі.     

Elіmіzdіñ kölіk jäne tranzït älewetіn tolıq aşw üşіn körşі eldermen üylesіmdі іs-qïmıl qajet. Jükterdіñ erkіn tranzïtіn, kölіk dälіzderіn qurw men olardı jañğırtw іsіn qamtamasız etw kerek. Kölіk ïnfraqurılımın basqarwğa, qızmet körsetw deñgeyіn arttırwğa jäne äkіmşіlіk kedergіlerdі joyuğa erekşe köñіl awdarw qajet.

Transkaspïy dälіzі boyınşa tasımaldaw kölemіnіñ ulğayuına baylanıstı Qurıq portın salwdıñ ekіnşі kezeñі - avtomobïl ötkelі qurılısın іske asırwğa kіrіsw qajet.

Altınşı. Wrbanïzacïya üderіsі qurılıs sektorın damıtw qajettіgіn alğa tartıp otır. Ol otandıq ekonomïkanıñ tolıqqandı drayverіne aynalwğa tïіs.  

Jol, turğın üy jäne basqa da ïnfraqurılım qurılısına ïnvestïcïya sala otırıp, bіz qalalarımızdıñ uzaq jıldarğa deyіn sırtqı jäne texnologïyalıq kelbetіn ayqındaytınımızdı umıtpağanımız jön. Sondıqtan qurılısqa da, qurılıs materïaldarın öndіrw salasına da jaña texnologïyalardı engіzw kerek. Ol üşіn bіzde qazіr jaqsı mümkіndіkter bar.

Menіñ tapsırmam boyınşa bïıl «Nurlı jer» turğın üy bağdarlaması іske asırıla bastaydı. Ol asa mañızdı mіndettі orındawğa - aldağı 15 jılda 1,5 mïllïon otbasın turğın üymen qamtamasız etwge bağıttalğan. 

Bağdarlamada turğın üy narığın damıtwdıñ keşendі şaraları körіnіs tapqan. Sonıñ bіrі - «Damw» akcïonerlіk qoğamı arqılı memlekettіñ swbsïdïya berwі esebіnen qurılıs salwşılar üşіn bank nesïesіn arzandatw. Turğındar üşіn «Qazaqstan ïpotekalıq kompanïyası» akcïonerlіk qoğamı arqılı bankter beretіn ïpotekalıq nesïenі swbsïdïyalaw jüzege asırıladı. «Turğın üy qurılıs jïnaq bankі» salımşıları üşіn äkіmdіkterdіñ nesïelіk turğın üy salwı jalğasadı. Oğan іlgerіde bölіngen qarjı «revolver» qağïdatı  boyınşa qayta paydalanıladı.

Äkіmdіkter xalıqtıñ älewmettіk älsіz toptarı üşіn satıp alw quqığınsız arendalıq turğın üy bölw іsіn damıta beretіn boladı. Jappay turğın üy qurılısı üşіn äkіmder tïіstі jer telіmderіn bölwge tïіs.

Bіz qalalarda jeke turğın üylerdіñ bіrıñğay säwlet stïlіnde salınwına män beretіn bolamız. Bul üşіn memleket qajettі ïnfraqurılım turğısınan kömek körsetedі.

Ükіmet äkіmdermen bіrlesіp, ülken qalalardıñ іrgeles ornalasqan eldі mekendermen kölіk baylanısın damıtw jönіnde şaralar qabıldawı qajet. 

 

Üşіnşі keşendі mіndet - eñbek narığın jañğırtw.

Jaña texnologïyalardıñ engіzіlwіne baylanıstı dästürlі salalarda eñbek reswrstarı bosap qalatın boladı. Sonımen bіrge, jaña ïndwstrïya qurıp, damıtw jumıspen qamtwdıñ jäne azamattardıñ naqtı tabısın ösіrwdіñ qosımşa mümkіndіgі bolwğa tïіs.

Ükіmet pen äkіmderge eñbekkerlerdіñ basqa salalarğa basqarw ayasında awıswı üşіn jağday jasawdı tapsıramın.  

Bіzdіñ іrі käsіporındar äkіmdіktermen bіrlese otırıp, tïіstі jol kartaların äzіrlewі kerek. Onda qısqartılatın jumısşılardı qayta dayarlaw, olardı ärі qaray jumıspen qamtw üşіn bіrlesіp ïnvestïcïya salw jayı qarastırılwı qajet. Bası artıq jumıs küşі bar öñіrlerden basqa jerlerge, sonday-aq, awıldardan qalalarğa jumıs küşіn utımdılıqpen tartwğa qoldaw körsetw kerek.   

Ükіmet jumıspen qamtw ortalıqtarın reformalap, barlıq bos jumıs orındarı men bükіl eldі mekenderde bіrıñğay onlayn platforma qalıptastırwı qajet.

 

Ekіnşі basımdıq - bïznes-ortanı tübegeylі jaqsartw jäne keñeytw.

Bіzdіñ strategïyalıq maqsatımızdıñ bіrі - eldіñ іşkі jalpı önіmіndegі şağın jäne orta bïznestіñ ülesі 2050 jılğa qaray kem degende 50% bolwın qamtamasız etw.

Bul - öte örşіl maqsat, bіraq oğan qol jetkіzwge boladı. Onı orındaw üşіn qazіrgі kezeñde mınaday qadamdar jasalwı qajet.

Bіrіnşі. Menіñ tapsırmam boyınşa Ükіmet bïıldan bastap Nätïjelі jumıspen qamtw jäne jappay käsіpkerlіktі damıtw bağdarlamasın іske asırwğa kіrіsіp kettі.

Budan bılay Qazaqstan azamattarı öz bïznesіn jürgіzw üşіn awılda da, qalada da 16 mïllïon teñgege deyіn şağın nesïe ala aladı.

Şağın nesïe berw ayasın keñeytіp, käsіpkerlerge kepіldіk jasaw jäne qızmet körsetw tetіkterіn belsendі paydalanw kerek. Bul şaralardı bïznes jürgіzw jäne qarjılıq sawattılıqqa üyretw іsіn uyımdastırwmen qatar atqarw kerek.

Jappay käsіpkerlіktі qoldaw tetіkterіn odan ärі jetіldіrw kerek. Qazaqstannıñ är öñіrі jappay käsіpkerlіktі, sonıñ іşіnde otbasılıq käsіpkerlіktі damıtw bağıtında keşendі şaralar usınwğa tïіs.

Jañadan aşılğan jumıs orındarınıñ sanı - burınğışa Ükіmet pen äkіmder qızmetіnіñ tïіmdіlіgіn bağalawdıñ negіzgі krïterïyіnіñ bіrі bolmaq.   

Ekіnşі. Ükіmet «Atameken» ulttıq käsіpkerler palatasımen (UKP) bіrlesіp, bïznestіñ barlıq şığının jappay azaytw jönіnde şaralar qabıldawı qajet. Bul äsіrese energetïka, kölіk jäne logïstïka, sonday-aq, turğın üy-kommwnaldıq şarwaşılıq salalarındağı qızmet körsetw qunına qatıstı.

Memlekettіk qızmetter körsetw üderіsі meylіnşe oñtaylandırılwğa tïіs. Qujattardıñ merzіmі men tіzbesіn qısqartıp, qaytalanatın räsіmderdі joyu kerek. Bul orayda adamnıñ özіnіñ barwın qajetsіnbeytіn tolıq elektrondıq formatqa köşіrw kerek.

Sonday-aq, bïznestіñ qazіrgі  qoldanıstağı rettewşіlіk jüktemesі ösіmnіñ jaña modelіn jasaw mіndetіmen üylespeydі. 

Ükіmet pen äkіmderge bïılğı 1 şіldege deyіn bïznestі qayta rettew jönіndegі jüyelі şaralar äzіrlew mіndetіn jükteymіn.

Damığan elderdіñ ozıq standarttarı men täjіrïbesіn engіzw kerek.

Bul jumıstı äsіrese öñіrlіk deñgeyde atqarw mañızdı.

Äkіmder Ükіmetpen bіrlesіp, Dünïejüzіlіk bank reytïngі negіzіnde öñіrlerde bïznes jürgіzw üşіn jağdaydı jaqsartw jönіnde naqtı josparlar äzіrlew kerek.

Elіmіzde bïznes jürgіzwdі jeñіldetw jönіnen öñіrler men qalalar reytïngіn engіzw qajet. Bіz üzdіkter üşіn arnawlı sıylıq tağayındaymız. Onı jılına bіr ret, Ïndwstrïyalandırw künіnde tabıs etemіz.

Üşіnşі. Memlekettіñ ekonomïkadağı ülesіn іşkі jalpı önіmnіñ 15%-ına deyіn, Ekonomïkalıq ıntımaqtastıq jäne damw uyımı (EIDU) elderі deñgeyіne deyіn tömendetw ekonomïkalıq ösіmge tıñ serpіn berwge tïіs.

Budan burın 2020 jılğa deyіn jekeşelendіrіletіn 800-ge jwıq käsіporındı qamtïtın tіzbe jasalğan bolatın. Tïіstі jumıstar atqarılwda.

Ükіmetke sol tіzbedegі käsіporındardı jekeşelendіrwdі tezdetіp, onı 2018 jıldıñ soñına deyіn ayaqtawdı tapsıramın.

Іrі kompanïyalarımızdı ІRO-ğa dayındaw jäne oğan beyіmdew іsіn de jedeldetw kerek. Yellow Pages qağïdattarın engіzw memleket üşіn ekonomïkadağı qızmet türlerіn 47%-ğa (652-den 346-ğa) qısqartwğa mümkіndіk berdі.

Kelesі kezeñde osı qağïdattarğa say kelmeytіn memleket menşіgіndegі barlıq käsіporındar men uyımdardı 2020 jılğa deyіn jeke sektorğa berw nemese joyu qajet. Al onday käsіporındar sanı bіrneşe mıñ boladı.

Ärbіr bağdarlama nemese tapsırmağa oray zañdı tulğalar qurw täjіrïbesі budan bılay  toqtatılwğa tïіs.

Jekeşelendіrwdіñ jarïyalılığı men tïіmdіlіgіn qamtamasız etw qajet. Sonday-aq memlekettіk xoldïngter rölіn qayta qarastırw kerek.

Ükіmetke «Samurıq-Qazına» xoldïngіn sapalı türde transformacïyalaw іsіn jüzege asırwdı tapsıramın.

Basqarwşılıq jäne öndіrіstіk bïznes üderіsterіn tolıq revïzïya men  oñtaylandırwdan ötkіzw qajet. Nätïjesіnde ol tïіmdіlіgі joğarı, jïnaqı jäne käsіbï xoldïngke aynalwğa tïіs. Menedjment pen korporatïvtі basqarw sapasın xalıqaralıq deñgeyge jetkіzw kerek.

Memleketke qanday mañızdı sektorlarda, qatısw ülesіnіñ qanday mölşerіmen jäne ne qaldıratınımızdı naqtı anıqtap alwımız kerek.

Tabïğï monopolïyalardı jäne strategïyalıq mañızı bar,  sonıñ іşіnde Transulttıq kompanïyalar qatısatın jobalardı іske asırw mіndetіn memleketke qaldırw kerek. Bul jobalar mwltïplïkatïvtі nätïje  berwge tïіs.

«Bäyterek» jäne «QazAgro» xoldïngterіn de qayta qurw qajet. Olar memlekettіk damw bağdarlamaların іske asırw jönіndegі operatorlar bolwğa tïіs. Soğan oray olardıñ fwnkcïyaların oñtaylandırw kerek. Jeke sektor jüzege asıra alatın närsenіñ barlığı bïzneske berіlwі qajet.

Sonday-aq, olarğa bağdarlamalardı іske asırw üşіn memlekettіk emes qarjı közderі arqılı qor qalıptastırwmen aynalısw kerek.

Törtіnşі. Käsіpkerlіktі damıtwğa memleket-jekemenşіk serіktestіgі ayasın keñeytw zor mümkіndіk beredі. Bul jerde äñgіme bіrqatar memlekettіk qızmetter körsetw mіndetіn bïzneske berw іsіne qatıstı bolıp otır.

Bіzde qazіrdіñ özіnde olardı mektepke deyіngі bіlіm berw іsіne tartw salasında jaqsı nätïjeler bar. Ötken 3 jılda memleket 40 mıñ orınğa arnalğan 189 balabaqşa salsa, jekemenşіk sektor 100 mıñ orınğa arnalğan 1300 balabaqşa aştı. Jekemenşіk balabaqşalardıñ eñ köbі Oñtüstіk Qazaqstan (397), Almatı (221), Qızılorda (181) oblıstarında aşıldı.

Men üşіn osı sektordağı memleket-jekemenşіk serіktestіgіnіñ ülgіsі öte mañızdı. Bul asa mañızdı jalpıulttıq mіndetterdіñ bіrі - 3-6 jas aralığındağı balalardı mektepke deyіngі bіlіm berwmen 2020 jılğa qaray jüz payız qamtw mäselesіn memleket pen bïznes bіrlese şeşіp otırğanın körsetedі.

Memleket-jekemenşіk serіktestіgіn damıtw äkіmderdіñ naqtı jäne käsіbï jumısına baylanıstı.

Jekemenşіk kapïtal tartw üşіn memleket-jekemenşіk serіktestіgіnіñ ıqtïmal barlıq türі men nısanın paydalanw qajet. Olar - memlekettіk mülіktі senіmdі basqarw, qızmet körsetw kelіsіmşarttarı, tağı basqalar. Bul rette kelіsіmnіñ barlıq räsіmderіn, äsіrese şağın jobalarğa qatıstı räsіmderdі meylіnşe jeñіldetw jäne jedeldetw qajet.

Memleket-jekemenşіk serіktestіgі ïnfraqurılımdı, sonıñ іşіnde älewmettіk ïnfraqurılımdı damıtwdıñ negіzgі tetіgіne aynalwğa tïіs.

Turğın üy-kommwnaldıq şarwaşılıq nısandarın jañğırtw üşіn budan ärі jekeşelendіrw mümkіndіgіn qarastıra otırıp, basqarwğa jäne koncessïyağa berw qajet. Ükіmet bіr orındı şïırlay berwdі  doğarsın. Bul bağıtta jumıstı jandandıra tüsw kerek.

Besіnşі. Bağa men tarïf boyınşa ımıralaswğa jol bermew qajet.

Ükіmetke «Atameken» UKP-men bіrlesіp, bäsekelestіkke kedergі keltіretіn normalardı anıqtawğa qatıstı barlıq zañnamağa «revïzïya» jasawdı tapsıramın.

 

Üşіnşі basımdıq - makroekonomïkalıq turaqtılıq.

Mundağı bastı mіndet - aqşa-nesïe sayasatınıñ ıntalandırwşı rölіn qalıpqa keltіrw jäne ekonomïkanı qarjılandırwğa jekemenşіk kapïtal tartw.

Bіrіnşі. Bügіnde Ulttıq bank aldında ïnflyacïyalıq targettew rejіmіn damıtw jönіndegі mañızdı mіndet tur. Orta merzіm іşіnde ïnflyacïya deñgeyіn kezeñ-kezeñmen 3-4%-ğa deyіn tömendetwge qol jetkіzwіmіz kerek.

Ekіnşі. Elіmіzdіñ qarjı sektorın «qayta jañğırtw» qajet.

Ulttıq bankke bank sektorın qalıpqa keltіrw jönіnde şaralar keşenіn äzіrlewdі tapsıramın. Bankterdіñ balansın tïіmsіz nesïelerden arıltw jumısın jedeldetіp, qajet bolğan jağdayda olardıñ kapïtalın akcïonerler tarapınan arttırwdı qamtamasız etw kerek. Bankterdіñ axwalına jedel baqılaw ornatw üşіn Ulttıq bankke köbіrek quqıq bergen jön. Ulttıq bank bankterdіñ qatelіk jіberwіn kütpey, olarğa ıqpal etetіn şaralar qabıldaw üşіn formaldі közqarastan ıqtïmal qaterlerge jol bermeytіn qadamdarğa köşwge tïіs.

Sonday-aq, awdïtorlıq kompanïyalardıñ jawapkerşіlіgіn arttırıp, akcïonerlerdіñ aşıqtığın qamtamasız etw, ujımdıq basqarwdı jaqsartw qajet. Osınıñ bärіn zañnamalıq deñgeyde bekіtw kerek.

Ekonomïkadağı qarajat jetіspewşіlіgі jäne nesïeler boyınşa joğarı mölşerleme tüytkіlderіn şeşw maqsatımen Ulttıq bank pen Ükіmetke teñge türіnde qoljetіmdі orta jäne uzaq merzіmge arnalğan qor qalıptastırwdı qamtamasız etw jönіnde keşendі şaralar qabıldawdı tapsıramın.

Ulttıq bank ïnflyacïya ğana emes, sonımen qatar Ükіmetpen bіrge ekonomïkanıñ öswі üşіn de jawaptı bolwğa tïіs.

Üşіnşі. Qor narığın odan ärі damıtw.

Jekeşelendіrw onıñ damwına serpіn berwge tïіs. Men joğarıda aytıp ötkendey, qor narığına «Samurıq-Qazına» qorı kompanïyalarınıñ akcïyaların ornalastırw kerek. Xalıqtıñ jïnağan öz qarajatın eñ aldımen türlі bağalı qağazdarğa ïnvestïcïyalaw mümkіndіgіn odan ärі arttırw qajet.

Bіz 2016 jıldıñ soñında zañdastırw nawqanın ayaqtadıq. Oğan elіmіzdіñ 140 mıñnan astam azamatı qatıstı. Nätïjesіnde 5,7 trïllïon teñge, onıñ іşіnde qarajat türіnde 4,1 trïllïon teñge zañdastırıldı.

Ükіmettіñ mіndetі - bul qarajattıñ ekonomïkağa, sonıñ іşіnde jekeşelendіrwge qatısw arqılı payda berwіn qamtamasız etw. Sonımen bіrge, Qazaqstannıñ jekemenşіk käsіporındarınıñ oblïgacïya şığarılımdarın swbsïdïyalaw mäselesіn pısıqtaw qajet.

Ükіmetke Ulttıq bankpen bіrlesіp, otandıq qor narığın jandandırwğa bağıttalğan şaralar qabıldawdı tapsıramın.

 

Kelesі şeşwşі mіndet - salıq-byudjet sayasatın jaña ekonomïkalıq jağdayğa beyіmdew.

Bіrіnşі. Byudjet şığıstarınıñ tïіmdіlіgіn tübegeylі arttırw qajet.

Bіz 2017 jılı memlekettіk damw bağdarlamaların qajettі reswrstarmen tolıqtay qamtamasız ettіk. Mïnïstrlіkter men vedomstvolardıñ qarajattı ïgerwіnіñ tïіmdіlіgіn tekserw qajet.

Respwblïkalıq byudjettіñ 40%-dan astamın quraytın Densawlıq saqtaw,  Eñbek jäne xalıqtı älewmettіk qorğaw, Bіlіm jäne ğılım mïnïstrlіkterіnen bastaw kerek. Onıñ qorıtındısı boyınşa mağan bayandalsın.

Tïіmsіz bağdarlamalardıñ qarajatın Üşіnşі jañğırtw mіndetterіn іske asırwdı qamtamasız etetіn bağdarlamalarğa qayta bölw qajet. Sonday-aq, qarajattı naqtı ekonomïkağa neğurlım tezіrek ärі tïіmdіrek jetkіzw üşіn byudjettіk räsіmderdі jeñіldetken jön.

Bіz fïskaldıq ortalıqsızdandırw sayasatın jalğastırwımız kerek. Ötken jıldarda ortalıqtan jergіlіktі jerlerge köptegen fwnkcïyalar men ökіlettіkter berіldі. Endі olardıñ jetkіlіktі qarjılıq derbestіgіn bekemdey tüsw qajet. Sonımen bіrge, qarjı şığısı jönіndegі ökіlettіkterdіñ oblıstıq deñgeyde şoğırlanwına jol bermew mañızdı. Olardı ärі qaray awdandıq jäne awıldıq jerlerge berw kerek. Äkіmder öñіrlіk jäne jergіlіktі mañızı bar mäselerdі şeşwge tïіs, al Ükіmet jalpımemlekettіk mäselelerge den qoyuı qajet.

Ekіnşі. Ulttıq qor qarajatın paydalanwğa utımdılıq turğısınan qarağan jön.

Ulttıq qordan alınğan kepіldendіrіlgen transfert kölemі 2020 jılğa qaray kezeñ-kezeñ boyınşa 2 trïllïon teñgege qısqartılwğa tïіs.

Salıq sayasatın bïznestіñ «köleñkeden» şığwına beyіmdep, şïkіzattıq emes sektordağı salıqtıq bazanı keñeytwge bağıttaw kerek. Qazіrgі salıq jeñіldіkterіn oñtaylandırw qajet. Jalpığa ortaq deklaracïyalaw qarsañında arnawlı salıq rejіmіn jañaşa qarastırw kerek.

Salıqtıq äkіmşіlendіrw tetіkterі jetіldіrwdі talap etedі. Eñ aldımen, munıñ qosımşa qun salığın jïnawğa qatısı bar.

Üşіnşі. Ükіmet kvazïmemlekettіk sektordıñ sırtqı jäne іşkі qarızdarına monïtorïng jürgіzw men baqılaw jasaw jüyesіn qalıptastırıp, onda tärtіp ornatw kerek.

 

*****

 

Törtіnşі basımdıq - adamï kapïtal sapasın jaqsartw.

Bіrіnşі. Eñ aldımen, bіlіm berw jüyesіnіñ rölі özgerwge tïіs. Bіzdіñ mіndetіmіz - bіlіm berwdі ekonomïkalıq öswdіñ jaña modelіnіñ ortalıq bwınına aynaldırw. Oqıtw bağdarlamaların sınï oylaw qabіletіn jäne öz betіmen іzdenw dağdıların damıtwğa bağıttaw qajet.

Sonımen bіrge, IT-bіlіmdі, qarjılıq sawattılıqtı qalıptastırwğa,  ultjandılıqtı damıtwğa basa köñіl bölw kerek. Qala men awıl mektepterі arasındağı bіlіm berw sapasınıñ alşaqtığın azaytw qajet.

Ükіmetke tïіstі usınıstar berwdі tapsıramın.

Atap aytqanda, üş tіldі oqwğa kezeñ-kezeñmen köşw mäselesі boyınşa usınıstar äzіrlensіn.

Qazaq tіlіnіñ basımdığı saqtaladı. Onıñ ärі qaray damwına zor köñіl bölіnedі. Sonımen qatar, bügіnde ağılşın tіlі - jaña texnologïya, jaña ïndwstrïya, jaña ekonomïka tіlі. Qazіrgі kezde 90% aqparat ağılşın tіlіnde jarïyalanadı. Ärbіr ekі jıl sayın olardıñ kölemі 2 ese ulğayıp otıradı. Ağılşın tіlіn meñgermey, Qazaqstan jalpı ulttıq progreske jete almaydı.

2019 jıldan bastap 10-11 sınıptarda keybіr pänderdі ağılşın tіlіnde oqıtatın bolamız. Bul mäselenі tïyanaqtı oylanıp, aqılmen şeşw qajet.

Mektepterdіñ jäne muğalіmderdіñ deñgeyі, äsіrese awıl men qalada ärtürlі. Bіlіktі pedagogtardıñ jetіspew probleması da bar. Sondıqtan, osınıñ barlığın eskerіp, ağılşın tіlіn kezeñ-kezeñmen engіzwіmіz kerek.

Tïіstі usınıstar berwdі tapsıramın.

Menіñ bastamam boyınşa bïıl «Barşağa arnalğan tegіn käsіptіk-texnïkalıq bіlіm berw» jobası іske asırıla bastadı.

Tegіn oqıtwmen eñ äwelі jumıssız jäne özіn özі tïіmsіz jumıspen qamtığan jastar, sonday-aq käsіptіk bіlіmі joq eresek adamdar qamtılwı tïіs. Käsіptіk bіlіm berw jüyesіnde, men aytqanday, ekonomïkadağı jaña öndіrіster üşіn mamandar dayındawğa den qoyu kerek.

Ol üşіn käsіptіk standarttar eñbek narığınıñ talaptarına jäne eñ üzdіk älemdіk oqw-öndіrіstіk täjіrïbelerge säykes jañartılwı qajet.

Sonımen qatar, joğarı bіlіm berw jüyesі sapasına erekşe nazar awdarıladı. Joğarı oqw orındarınıñ kadrlıq quramına, materïaldıq-texnïkalıq jabdıqtalw deñgeyіne, bіlіm berw bağdarlamalarına qatıstı baqılaw men talap küşeytіlwі qajet.

 

*****

 

Ekіnşі. Bіlіm berw jüyesіmen qatar densawlıq saqtaw jüyesі de özgerwge tïіs.

Bïılğı 1 şіldeden memlekettіñ, jumıs berwşіlerdіñ, azamattardıñ ortaq jawapkerşіlіgіne negіzdelgen mіndettі medïcïnalıq saqtandırw jüyesі (MMSJ) engіzіle bastaydı. Bul jüyenіñ tïіmdіlіgі älemdіk täjіrïbe arqılı däleldengen.

Medïcïnalıq saqtandırw jüyesіne qatıswşılarğa keñ awqımdağı medïcïnalıq qızmetter usınıladı. Oğan xalıqtıñ älewmettіk älsіz toptarınıñ qatıswına memlekettіk qoldaw körsetіledі.

Ükіmet qajettі deñgeyde densawlıq saqtaw salasın aqparattandırwı kerek. Bäsekelestіktі damıtw üşіn jeke menşіktegі medïcïna mekemelerіne MMSJ jüyesі ayasında teñ jağday twğızw kerek.

Ükіmetke jäne äkіmderge keñ awqımdı aqparattıq-tüsіndіrw jumısın jürgіzwdі tapsıramın.

Sonday-aq, zañnamalıq turğıdan barlıq därі-därmektіñ bağasın rettewdі engіzw qajet.

Üşіnşі. Älewmettіk qamtamasız etw salasına qatıstı.

Menіñ tapsırmam boyınşa 2017 jılğı 1 şіldeden bastap 2,1 mïllïon zeynetker üşіn zeynetaqı 2016 jılğı deñgeyden 20%-ğa deyіn arttırıladı.

Budan bölek, bazalıq zeynetaqı tağayındaw 2018 jılğı 1 şіldeden bastap jaña ädіsteme boyınşa jüzege asırıladı. Onıñ kölemі zeynetaqı jüyesіne qatısw ötіlіne baylanıstı belgіlenedі.

Osı ösіmnіñ barlığı 2018 jılı bazalıq zeynetaqınıñ jaña mölşerіn 2017 jılmen salıstırğanda 1,8 ese arttırwğa mümkіndіk beredі.

Elіmіzde jıl sayın 400 mıñğa jwıq bala twadı, bul - 1999 jılğı deñgeyden 2 ese derlіk joğarı. Munday jaqsı ürdіstі aldağı waqıtta da saqtaw kerek.

Menіñ tapsırmam boyınşa 2017 jılğı 1 şіldeden bastap bala twğanda berіletіn bіr rettіk järdemaqı kölemі 20%-ğa ösіrіledі.

Eñ tömengі künkörіs şegіn de qayta qarastırw kerek. Ol qazaqstandıqtardıñ naqtı tutınwşılıq şığıstarına säykes kelwge tïіs. Bul qadam 2018 jılğı 1 qañtardan bastap bazalıq zeynetaqı, mügedekterge jäne asırawşısınan ayrılğan otbasılarğa arnalğan järdemaqı, mügedek bala tärbïelep otırğandarğa berіletіn atawlı kömek pen järdemaqı kölemіn 3 mïllïon adam üşіn ösіrwge mümkіndіk beredі.

2018 jılğı 1 qañtardan bastap atawlı älewmettіk kömek körsetw şegіn eñ tömengі künkörіs şegіnіñ 40%-ınan 50%-ğa deyіn ösіrіp, onıñ jaña formatın engіzw kerek. Bul rette jumıs іstewge qabіlettі adamnıñ bärі tek jumıspen qamtw bağdarlamasına qatısw şartı arqılı ğana qoldawğa ïe bolwğa tïіs.

 

Besіnşі basımdıq - ïnstïtwcïonaldıq özgerіsterge, qawіpsіzdіkke jäne sıbaylas jemqorlıqpen küreske qatıstı.

Bіrіnşі. Ükіmet üşіnşі jañğırtw ayasında EIDU-nıñ ozıq täjіrïbelerі men usınımdarın ïmplementacïyalaw jumısın qamtamasız etwge tïіs.

Ekіnşі. Bіz jeke menşіktі qorğawğa, quqıq üstemdіgіne jäne barşanıñ zañ aldında teñdіgіn qamtamasız etwge bağıttalğan reformalar jürgіzwdemіz. Bul jumıstı jalğastırw kerek.

Ükіmetke «Atameken» UKP-men jäne azamattıq qoğamdastıqpen bіrlesіp,  jeke menşіk quqığın qorğawdı küşeytwge qatıstı bükіl zañnama revïzïyasın jürgіzwdі tapsıramın.

Sonımen qatar, äkіmşіlіk jäne qılmıstıq zañnamanı іzgіlendіrgen jön. Äkіmşіlіk ayıppuldar ädіlettі jäne quqıq buzw deñgeyіne säykes bolwğa tïіs.

Käsіpkerlіk salasında quqıq buzğanı üşіn salınatın sankcïyanı tömendetw jumısın odan ärі jürgіze berw kerek. Qoğamğa qawіptіlіgі joğarı emes ekonomïkalıq qılmıs quramın krïmïnaldıq sïpattan arıltw kerek.

Sot jüyesіne degen senіmnіñ artwına qol jetkіzw qajet. Swdyalardıñ jumısına zañnan tıs kez kelgen ıqpaldı joyu mañızdı.

Üşіnşі. Qawіpsіzdіk axwalı qwattı jäne äreket ete alatın memlekettіñ ölşemіne aynalıp keledі.

Qazіrgі zamanda adamzat terrorïzmnіñ beleñ alwımen betpe-bet kelіp otır. Bul rette destrwktïvtі küşterdі qarjılandıratındarğa, şeteldіk terrorïstіk uyımdarmen baylanıs jasaytındarğa qarsı küres jürgіzw іsі negіzgі mäsele bolıp sanaladı.

Dіnï ekstremïzmdі nasïxattawdıñ aldın alw, äsіrese ïnternet pen älewmettіk jelіde onıñ jolın kesw jumısın jürgіzw kerek. Qoğamda, äsіrese, dіnï qarım-qatınas salasındağı radïkaldı közqarasqa baylanıstı kez kelgen äreketke «mülde tözbewşіlіktі» qalıptastırw kerek.

Bas bostandığınan ayırw orındarında sottalğandardı teologïyalıq turğıdan sawattandırw qızmetterіnіñ maqsattı jumısı uyımdastırılwğa tïіs. Öskeleñ urpaqtı rwxanï-adamgerşіlіk rwxında tärbïelew üşіn qosımşa qadamdar jasaw kerek.

Bul іske memlekettіk emes sektordı jäne dіnï bіrlestіkterdі belsendі türde tartw qajet.

Osı şaranıñ bärі menіñ tapsırmam boyınşa äzіrlenіp jatqan, 2017-2020 jıldarğa arnalğan Dіnï ekstremïzm men terrorïzmge qarsı äreket jönіndegі memlekettіk bağdarlamada eskerіlwge tïіs.

Kïberqılmıspen kürestіñ özektіlіgі barğan sayın arta tüswde.

Ükіmet pen Ulttıq qawіpsіzdіk komïtetіne «Qazaqstan kïberqalqanı» jüyesіn qalıptastırw şaraların qabıldawdı tapsıramın.

Törtіnşі. Bіz eldegі sıbaylas jemqorlıq deñgeyіn tömendetw bağıtında elewlі qadamdar jasadıq. Alayda, bastı nazar köbіne sıbaylas jemqorlıqtıñ saldarlarımen küreswge awdarılıp otır.

Sıbaylas jemqorlıqtıñ sebepterі men alğışarttarın anıqtap, olardı joyu jumısın küşeytw qajet.

Mañızdı mäselenіñ bіrі - satıp alw salasın jetіldіrw.

Ükіmetke memlekettіk satıp alw jüyesіn ortalıqtandırılğan qızmet qağïdatı boyınşa engіzwdі tapsıramın.

Kvazïmemlekettіk sektorda, tabïğï monopolïya jäne jer qoynawın paydalanw salalarında da satıp alw şaraların ötkіzw ädіsterіn tübegeylі qayta qarastırw kerek.

Sıbaylas jemqorlıqpen küreste köp närse bükіl qoğamnıñ belsene atsalıswına baylanıstı. Älewmettіk jelіnіñ, özge de medïa-reswrstardıñ damwı jağdayında, sıbaylas jemqorlıqqa qarsı іs-äreket barısında onı jalpı jurtşılıqtıñ jek körwі kürestіñ qwattı quralına aynalwğa tïіs.

 

Qurmettі qazaqstandıqtar!

Osı Joldaw arqılı elіmіzdіñ är azamatına jaña jağdaydağı damw bağıtımız jönіndegі öz közqarasımdı jetkіzgіm keldі.

Ükіmetke «Qazaqstannıñ ulttıq texnologïyalıq bastaması» dep atalatın Eldі üşіnşі jañğırtw jönіndegі 2025 jılğa deyіngі damwdıñ strategïyalıq josparın äzіrlewdі tapsıramın.

Bіzde waqıt talabın layıqtı qabıl alıp, elіmіzdі odan ärі jañğırtw jönіndegі mіndetterdі orındawdan basqa jol joq.

Bіzdіñ ulı xalqımız bіregey tarïxï mümkіndіktі tolıqtay paydalana alatınına senemіn.

 

Qımbattı dostar!

Qazaqstan - jas, köp ulttı, bolaşağına senіmdі jäne qarqındı damıp kele jatqan memleket! Bіz täwelsіz Qazaqstannıñ 25 jıldıq damw jolınan öttіk. Aldağı 25 jılda budan da bïіk belester kütіp tur.

Memleket qurw jolında teñdessіz, mol täjіrïbe jïnap, jaña kezeñge qadam basıp otırmız. Aldımızda qanday qïındıqtar kezdesse de, olardı eñsere alatınımızğa senіmdіmіn. Bіzdіñ bastı küşіmіz - bіrlіkte.

Qazaqstandı keyіngі urpaq üşіn budan da ösіp-örkendegen elge aynaldıramız!

 

 

 

Bastı sözder: Joldaw, Qazaqstan Prezïdentі,
Qate taptıñız ba? Belgіlep, CTRL+ENTER basıñız

Pikirler

  • 31.01.2017Jamal
    1
    Salemetsïzbe kwrmettï kadïrlï elbasımız aramızda awırmay şarşamay jwrwïnïzge tïlektespïn menïn bïr tïlegïm wylï bolsam eken kop balalı anamın wy jayında aytsam vremyankada twramız bïr bolmelï wkïmetten wy berse ekendep kwtïp jwrmïn

Pіkіr qaldırw

Soñğı Pikirler