Ауа райы
Астана 21 °С
Алматы 21 °С
валюта бағамы
USD 332.68
EUR 389.40
RUB 5.60
CNY 49.85

«Жылқы» трилогиясы арқылы Мәңгілік елді кеңінен таныта аламыз - Дәурен Абаев

«Жылқы» трилогиясы арқылы Мәңгілік елді кеңінен таныта  аламыз - Дәурен Абаев
2017 жылғы 13 тамыз 12:05 870

АСТАНА. ҚазАқпарат - «Жылқы» («Equus») атты трилогияны Қазақстан жерінде түсірудің үлкен тарихи маңызы бар. Бұл туралы Фейсбуктегі парақшасында Ақпарат және коммуникациялар министрі Дәурен Абаев жазды, деп хабарлайды ҚазАқпарат.

«Кеше біз «Жылқы» («Equus») трилогиясын түсіруге дайындық жұмыстарымен танысып қайттық. Оны танымал канадалық режиссер Найоби Томпсонға сеніп, тапсырып отырмыз. Дәл осы трилогияның Қазақстан жерінде түсірудің үлкен тарихи маңызы бар. Себебі жылқының алғаш рет қолға үйретілген жері - өзіміздің Ұлы Даламыз, кең байтақ қазақ жері. Ботай мәдениеті кезінде жылқы жануарының алғаш рет қазіргі Қазақстан жерінде қолға үйретілгені белгілі. Оны ғылыми зерттеулер де растап отыр. Содан бері жылқы жануары көшпелі халықтардың негізгі көлігіне айналды, ішсе - қымыз, жесе - ет берді. Ата-бабаларымыз онымен Еуропаға дейін барып қайтты. Қазіргі ұлан-байтақ жерімізді қорғап қалды. Сондықтан «Жылқы» трилогиясының Ұлы Далада түсірілетіні - тарихи заңдылық»,-деп атап өтті Дәурен Абаев.

Оның сөзіне қарағанда, жалпы, министрлік халықаралық медиа компаниялармен әріптестік байланыстарды жан-жақты дамытып келеді. «Жылқы» трилогиясы да осы саладағы жұмыстың айқын көрінісі болса керек.

«Трилогия әлемнің 50 мемлекетінде көрсетіледі. Сондықтан аталған жоба арқылы тарихымыз бен мәдениетіміздің тамыры терең екенін тағы бір мәрте көрсетіп, Мәңгілік елді кеңінен таныта аламыз деп сенемін»,-дейді министр.

Бұдан бұрын хабарлағанымыздай, Ақмола облысы Ақкөл ауданының аумағында «EQUUS» (Жылқы) атты деректі триологиясының түсіріліміне дайындық жұмыстары қызу жүріп жатыр.

Ағымдағы жылы 28 тамызда Ақмола облысында «EQUUS» деректі трилогиясынының түсірілімін бастау жоспарланып отыр.

 

 

Басты сөздер: Мәңгілік Ел, Қазақстан тарихы, Рухани жаңғыру, Мәдениет,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер