12:45, 15 Наурыз 2018 | GMT +6
Жыл басынан бері Қазақстанда әуе көлігімен бір миллионнан астам жолаушы тасымалданды
АСТАНА. ҚазАқпарат - Қазақстан Республикасының авиациялық тасымал саласындағы жолаушылар ағынының өсімі артып келеді. Бұл туралы Қазақстан Республикасының Инвестициялар және даму министрлігі Азаматтық авиация комитетінің баспасөз қызметі хабарайды.
«Биылғы қаңтар-ақпан айларында әуе тасымалы жолаушыларының саны 1 090,3 мыңға жетті, бұл 2017 жылдың сәйкес кезеңіндегі көрсеткішпен салыстырғанда (911,0 мың адам) 20%-ға артық» делінген хабарламада.
Айта кетейік, өткен жылы әуе көлігімен 7,4 миллион жолаушы тасымалданды. 2017 жылғы жолаушылар ағынының өсу қарқыны 23%-ды құрап, соңғы 25 жылдағы ең жоғары көрсеткішке жетті. Транзиттік жолаушылар тасымалы 30%-ға, жүк тасымалы 24%-ға артқан.
Фото: сnewstracker.ru