Ауа райы
Астана 1 °С
Алматы 16 °С
валюта бағамы
USD 340.11
EUR 407.93
RUB 5.91
CNY 51.61

Жыл басынан бері 57 қазақстандық пойыз астына түсіп қалған

Жыл басынан бері 57 қазақстандық пойыз астына түсіп қалған
2017 жылғы 17 шілде 19:06 496

АСТАНА. ҚазАқпарат -  Елде алты ай ішінде пойыздың астына түсіп қалғандар саны 57-ге жетті, олардың жартысына жуығы қаза тапқан. Бұл туралы Көліктегі ІІД баспасөз қызметіне сілтеме жасап «ҚазАқпарат» ХАА хабарлады.

2017 жылғы 6 айда  темір жолда жүруге тыйым салынған жерден өткені үшін 15 838 адам әкімшілік жауапкершілікке тартылды. Сондай-ақ, пойызды шұғыл тежеуге тура келген  761 жағдай тіркелді, оның ішінде темір жолда адамның болуы себебінен - 358, малдық өтуіне байланысты - 304 факті,  сондай-ақ жолда бөгде заттың болуы себебінен 8 факті белгіленді.

Көліктегі ІІД баспасөз хатшысы Ләззат Қасымжанова атап өткендей, негізгі себептер - өтуге болмайтын орыннан өту, қауіпсіздік қағидаларын сақтамау. Оның айтуынша, 6 айда темір жолда 5 бала  жарақат алған, оның екеуі көз жұмған.

Сонымен, осы жылғы 7 шілдеде «Құмшағал-Шөлдала» өткелінде электровоз 12 жастағы баланы басып кетті. Зардап шегуші Тараз қаласына ауруханаға бара жатқан жолда қаза тапты. Факті ҚР ҚК 344-бабы бойынша бірыңғай соталды тергеу  тізіліміне тіркелді.

 

 

Басты сөздер: Көлік, Оқиға, Қоғам,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер