01:23, 30 Наурыз 2018 | GMT +6
Жұмада Қазақстанның басым бөлігінде құбылмалы күн райы сақталады
АСТАНА. ҚазАқпарат - «Қазгидромет» РМК 30 наурызға арналған ауа райы болжамын жариялады, деп хабарлайды ҚазАқпарат.
Жауын-шашынсыз ауа райы тек батыс аймақтарда күтіледі. Республиканың кей жерлерінде жел күшейіп, тұман, көктайғақ күтіледі. Оңтүстікте дауыл, найзағай және бұршақ болуы мүмкін.
Жамбыл, Қызылорда облыстарының кей жерлерінде желдің жылдамдығы15-20, күндіз екпіні 23-28 м/с жетеді.
Ақмола, Ақтөбе, Павлодар облыстарының кей жерлерінде тұман, көктайғақ, жаяу бұрқасын болады.
Батыс Қазақстан, Алматы облыстарының кей жерлерінде желдің жылдамдығы 15-20 м/с жетеді, кей жерлерінде тұман болады.
Атырау, Маңғыстау, Оңтүстік Қазақстан, Қостанай, Солтүстік Қазақстан облыстарының кей жерлерінде көктайғақ, бұрқасын болып, жел 15-20, екпіні 23-28 м/с күшейеді.