Желіде ҰҚК қызметі туралы видеоролик жарияланды

АСТАНА. ҚазАқпарат - Желіде ҚР Ұлттық қауіпсіздік комитетінің қызметі туралы видеоролик жарияланды, деп хабарлайды ҚазАқпарат.

Видеоролик ҚР ҰҚК-нің құрылғанына 25 жыл толуына орай түсірілген.

Еске сала кетейік, 1992 жылы шілденің 13-і күні Президент Жарлығымен Қазақстан Республикасының Ұлттық қауіпсіздік комитеті құрылды. Тәуелсіз Қазақстанның ұлттық қауіпсіздік органының тарихы осы күннен бастау алады.

Ұлттық қауіпсіздік комитеті - кез келген қатер мен сынаққа шұғыл жауап бере алатын икемді, әрі жоғары білікті арнайы қызмет.