Жастар Сырдария жағалауын 15 тонна қоқыстан тазартты

ҚЫЗЫЛОРДА. ҚазАқпарат - Қызылорда облысының жастар саясаты мәселелері басқармасы, «Қызылорда облысының жастар одақтары» ҚБ-ның ұйымдастыруымен «Жасыл ел» сарбаздары Қызылорда қаласынан тыс орналасқан Сырдария өзенінің жағасы бойына тазалық жұмыстарын жүргізді, деп хабарлады ҚазАқпарат.

Акция аясында әр түрлі тұрмыстық күл-қоқыстардан тазартылды.

«Эко-Сақшы» акциясының мақсаты - қала мен ауылдың экологиялық жағдайын тазарту жұмыстарына жастарды шақыру.

Тазарту жұмыстарына елуден астам белсенді жастар мен «Жасыл ел» сарбаздары қатысып, 15 тоннаға жуық тұрмыстық қалдықтар белгіленген қоқыс тастайтын орынға шығарылды.