Қолданушы баптаулары
Қолданушы баптаулары
+7 (701) 759 90 19 Лента
Астана: -21 °С
Алматы: -7 °С
USD 319.42 EUR 400.04
RUB 5.66 CNY 50.35
Жаңалықтар

Жансейіт Түймебаев облыс тұрғындарын жеке мәселелерімен қабылдады

2018 жылғы 15 ақпан 15:15 396
Поделиться:
Жансейіт Түймебаев облыс тұрғындарын жеке мәселелерімен қабылдады

АСТАНА. ҚазАқпарат - Оңтүстік Қазақстан облысының әкімі Жансейіт Түймебаев тұрғындарды жеке мәселелерімен қабылдады, деп хабарлайды өңірлік әкімдіктің баспасөз қызметі.

Қабылдауға түрлі мәселелермен 10 азамат келді. Өңір басшысына арыз-шағымдарын тікелей бетпе-бет жеткізуге мүмкіндік алған азаматтардың басым бөлігі баспана мен жер телімдеріне қатысты мәселелерін ортаға салды.

Достық мөлтекауданының тұрғыны С.Асан мемлекеттен алған тұрғын үйін жекешелендіре алмай келе жатқанын айтты. Оның айтуынша, Тұрғын үй бөлімінің басшысы тиісті құжаттарды рәсімдеуге кедергі келтіреді екен.

Ал, Шаңырақ шағын ауданының тұрғыны О.Кенжаев оралмандарға жер беру, сондай-ақ жеке қосалқы шаруашылыққа берілген жерлердің нысаналы мақсатын тұрғын үй құрылысын жүргізу үшін деп өзгерту мәселесін сұрай келген. Көкбұлақ тұрғын алабының тұрғыны Б.Машабаева болса, баспанамнан айрылып, далада қаламын ба деп қорқады. Оның үйі «Павлодар-Шымкент» мұнай құбырының маңына тым жақын салынғандықтан жер телімі мемлекетке қайтарылуда екен. Осыған байланысты компенсация мәселесін оңтайлы шешіп беруін сұрайды.

Тұрғындарды тыңдаған өңір басшысы, тіркелген мәселелерді қысқа мерзімде шешуді сала мамандарына тапсырып, істің соңына дейін жетуін өзі қадағалауға алатынын айтты.

«Тұрғындарды алаңдататын мәселенің көпшілігі жер, баспана, инфрақұрлым мәселелеріне қатысты екенін жақсы білемін. Сондықтан да осы салалар ерекше қадағалап, қиындықтарды шешуге барынша жұмыс жасап жатырмыз. Сіздердің сауалдарыңызды тиісті аудан әкімдерімен, сала басшыларына тапсырдым. Бұл жұмыстарды толықтай оң шешілуін жеке өзім қадағалауға алатын боламын», - деді Жансейіт Қансейітұлы.

Шара барысында өңіріміздің мәдениет саласына да қатысты бірнеше мәселе көтерілді. Облыс әкімі басқарма басшысына заң аясында тиісті шара қолданып, азаматтардың сауалын оңтайлы жауап беруін тапсырды.

 

 


Бөлісіңіз:
Онлайн қызметкерлер
Редактор
Айдар Оспаналиев
Айдар Оспаналиев
954-059
Редактор
Ербол Жанат
Ербол Жанат
954-059
Мұрағат