Жансейіт Түймебаев халықпен тікелей сөйлесу үшін WhatsАpp-қа қосылды

АСТАНА. ҚазАқпарат - Оңтүстік Қазақстан облысының әкімі Жансейіт Түймебаевпен тікелей байланысу үшін WhatsАpp желісі іске қосылады. Бұл туралы облыс әкімінің кеңесшісі Максим Рожин Фейсбуктегі парақшасында жазды, деп хабарлайды ҚазАқпарат тілшісі. 

«Алдағы аптада облыс әкімімен тікелей байланысу үшін WhatsАpp желісі іске қосылады. Бұл, өзіңізді мазалап жүрген сұрақтарды облыс басшысына тікелей қойып, ұсыныс жасауға жақсы мүмкіндік болады деп есептеймін. Біз үшін бұл қоғаммен байланыста барынша ашық әрі мобильді болуға, туындап жатқан мәселелерді жылдам реттеуге аса қажетті қадам деп ойлаймын. Әкіммен тікелей байланысу үшін WhatsАpp желісінің номері аумаққа да жарасымды етіп таңдалды, оны есте сақтау оңай [phone]. Ескеретін бір жәйт, бұл желіге қоңырау емес, тек қана СМС xабарламалар қабылданады», - деп жазды ол.

Максим Рожиннің атап өтуінше, оңтүстік өңірге қатысы бар шұғыл мәселелер мен проблемаларды барынша жылдам шешу үшін тәулік бойы БАҚ пен әлеуметтік желіде мониторинг жүргізілетін болады. Ұсыныстар мен xабарламаларды #ОҚОәкімшілік немесе #АкиматЮКО арнайы xэштегтері арқылы жолдауға болады.