Жаңа белестерді бағындыру
«100 нақты қадам» - бұл Жаһандық және ішкі сын-қатерлерге жауап және сонымен, бір мезгілде, жаңа тарихи жағдайларда ұлттың дамыған мемлекеттердің отыздығына кіруі жөніндегі жоспары» деп атап көрсет-кен болатын. Белгілі қоғам және мемлекет қайраткерлері көптеген беделді мекемелердің басшылары да аталған реформаның маңызы туралы ой-пікірлерін ортаға салып, халықпен емен-жарқын бөліскен болатын. Пікір білдірушілердің алғашқы қатарынан табылып, өз көзқарасын нақты жеткізіп, ойға ой қосқандардың бірі - әл-Фараби атындағы Қазақ ұлттық университетінің ректоры, академик Ғалымқайыр Мұтанұлы Мұтанов болды.
«Мақсатымыз - мәңгілік ел» («Егемен Қазақстан», 13 мамыр 2015, №88) атты мақаласында әл-Фараби атындағы ҚазҰУ басшысы: «Экономиканы трансформациялау келешегі көп жағдайда отандық университеттерге байланысты. АҚШ, Жапония, ҚХР, Финляндия сияқты табысты дамыған елдердің тәжірибесі көрсетіп отырғанындай, жоғары технологиялы өндірісті қалыптастыру мен дамыту қуатты да ірі университеттердің негізінде және олардың белсене қатысуы арқылы жүргізілгендігін көрсетіп отыр. Осыған орай, Қазақстан университеттері де елдің инновациялық жүйесінің үштік серпінін құруда өзінің зияткерлік орнын тауып, бәсекеге қабілетті мамандар ұстаханасы, жаңа білімдер мен инновацияларды өндіру орталықтары болуға тиіс, сөйтіп, білімге негізделетін экономиканың нақты нысаны болуы қа-жет» деп тұжырымдады, деп жазады Айқын.
Расында да, Ғалымқайыр Мұтанов атап көрсеткендей, мемлекеттік құрылымдар қатарында Қазақстан университеттері де елдің инновациялық жүйесінің үштік серпінін құруда өзінің зияткерлік орнын тауып, бәсекеге қабілетті мамандар ұстаханасын, жаңа білімдер мен инновацияларды өндіру орталықтарын күшейтуі қажет, сөйтіп, білімге негізделетін экономиканың нақты нысанына айналуы тиіс. Нақты іс-қимылдар әл-Фараби атындағы Қазақ ұлттық университетінің қабырғасында белгілі дәрежеде жүзеге асып жатыр. Енді солардың біразына тоқталып өтсек деймін.
Әлемнің жетекші университеттері үлгісімен Қазақ ұлттық университетінде халықаралық жоғары стандартқа сай және халықаралық тіркеуден өткен тәжірибелік білім бағдарламалары оқу үдерісіне енгізілді. Университеттің жемісті жұмыс қорытындыларының бірі - әлемдік жетекші жоғары оқу орындарының (EО, АҚШ, MDP/Global Classroom, Жапония, ТМД және т.б.) екі дипломдық бағдарламаларын жүзеге асыру ісі болды. ҚазҰУ зертханалары Росток университетінде (Алмания), Карачи қалалық институтында (Пәкістан) ашылуы, сондай-ақ «әл-Фараби орталығының» Иорданияда іске кірісуі, «Кампустағы кампус» атты жобаның Цукуба университетімен (Жапония) бірлікте жүзеге асырыла бастауы да айтарлықтай табыстар болып саналады.
Қазақстанда алғаш рет Қазақ ұлттық университеті базасы негізінде халықаралық UNIFORM студенттік жобасын жүзеге асыру аясында Токио университетімен бірге «Әл-Фараби-1», «Әл-Фараби-2» ғылыми-технологиялық наноспутниктер жасалып шықты. Сондай-ақ «Индустриалды-инновациялық дамудың мемлекеттік бағдарламасы - 2» (ИИДМБ-2) бойынша кадрлар дайындалуда.
2014 жылдың тамыз айында қол қойылған ҚазҰУ мен Халықаралық білім бойынша америкалық кеңес (ACCELS, АҚШ) арасындағы ынтымақтастық туралы екі жақты келісім америкалық жоғары оқу орындарымен тығыз қарым-қатынас орнатуға мүмкіндік берді. Қатарынан екі жыл 26 америкалық студенттер орыс және қазақ тілін әл-Фараби атындағы Қазақ ұлттық университетінің филология және әлем тілдері факультетінде үйренеді. Шетелдіктердің Еуропа университеттеріне қарағанда Қазақстан университеттерін таңдауы - еліміздің және ұлттық жоғары білім беру жүйесінің танымалдылығының көрсеткіші. Бұл айтқанымызға дәлел болатын және бір жайт, Great Value Colleges халықаралық ұйымының зерттеу нәтижесі бойынша әл-Фараби атындағы ҚазҰУ 31-орынды иеленіп, әлемнің 50 технологиялық тұрғыда дамыған университеті құрамына енді. Рейтингте аталған қазақстандық ЖОО ТМД ғана емес, Шығыс және Орта-лық Еуропа қатысушы-елдерінің жалғыз өкілі болғанын, сондай-ақ Сингапур, Жапония елдерімен қатар барлық Азия континентін таныстырғанын атап өтуіміз керек.
ЖОО дамуының сапалы көрсеткіштерін бағалау саласының көшбасшысы - QS (Ұлыбритания) рейтингтік агенттігінің қорытындысы бойынша, ҚазҰУ әлемнің ең үздік 250 университеті қатарына еніп, 236-орынды иеленді. Айта кетсек, бұл топқа ТМД елдерінен екі ЖОО - Ломоносов атындағы ММУ мен әл-Фараби атындағы ҚазҰУ ғана кірді. Осылайша, жетекші қазақстандық университет Орталық Азия мен ТМД-дағы теңдессіз көшбасшылығын тағы да дәлелдеді. QS сарапшыларының ұсыныстары бойынша ҚазҰУ тәжірибесі әлемдегі үздік университеттерде зерттелуде. Бұл көрсеткіш - әлемдік білім мен ғылым нарығында бәсекелестікке қабілеттіліктің айқын дәлелі.
Түркі халықтарының халықаралық конгресі әл-Фараби атындағы Қазақ ұлттық университетіне «Түркі елдері арасындағы үздік ЖОО» атағын берді. Әлемнің алты академиясының академигі, Түркі халықтары халықаралық конгресінің президенті, доктор Яхья Алиев бұл шешімнің 47 Түркі халықтары мен ұлыстарын біріктіріп отырған халықаралық конгрестің 2015 жылғы желтоқсан айында өткен отырысында бірауыздан мақұлданғанын атап көрсетті.
Бүгінде ҚазҰУ-дың әлемнің озық технологиялық жоғары оқу орындары қатарына енуі оның халықаралық деңгейдегі зерттеу университетіне айналу жолындағы бағытының дұрыс екенін айқындайды. ҚазҰУ - құрамына 8 ғылыми-зерттеу институттарын, ғылыми-техникалық және гуманитарлық бағыттағы 30-дан астам орталықтар мен зертханаларды біріктірген еліміздегі ең ірі ғылыми-ағартушылық жоғары оқу орны. Мемлекет қаржыландыратын ғылыми-зерттеулердің көбі ҚазҰУ-да жүзеге асырылады және бөлінген қаржының 10%-ы жас ғалымдарды қолдауға жұмсалады. Университет ғалымдарының жобалары тікелей өндіріске енгізіледі, ал ғылыми жұмыстары Scopus және Thomson Reuters мәліметтер базасына кіретін жоғары рейтингті басылымдарда жарық көреді. ҚазҰУ - Thomson Reuters халықаралық агенттігінің тарапынан «Ғылым саласында жеткен көрнекті жетістіктері үшін» атты арнайы дипломымен марапатталған Қазақстандағы бірінші және бірегей жоғары оқу орны болып отыр.
Қазіргі кезеңде ҚазҰУ-да әлемнің алдыңғы қатарлы ЖОО бағдарламаларымен салысты-руға болатын, бірегей білім беру бағдарламалары жүзеге асырылуда. Білім беру және ғылым-ның интеграциясы шеңберінде университетте Hewlett-Packard, Microsoft, Cisco, Konika Minolta, FUJITSU, Samsung және т.б. дүниежүзіне белгілі компаниялардың ғылыми оқытушылық орталықтары және зертханалары құрылды. Шетелдік әйгілі AQUIN және ASIIN агенттіктерінің алдыңғы қатарлы технологияларын, білім беру бағдарлама-
ларын сәтті аккредитациясын енгізуіне, сондай-ақ академиялық ұтқырлықтың белсенді дамуына байланысты университет шетелдік азаматтарды көбірек қызықтыруда.
Университетіміздің беделі отандық талапкерлеріміздің ортасында да артып отыр. Мұны біз биылғы оқу жылында да Мемлекеттік білім беру гранттарының саны бойынша ҚазҰУ дәстүрлі түрде бірінші орынға ие болды. Биыл ұлттық университеттің бакалавриат бөлімінде 3071 студент мемлекеттік грант негізінде бі-лім алады. Олардың көбі «Алтын белгі», ерекше аттестат иегерлері және халықаралық, республикалық олимпиадалардың жеңімпаздары.
Талапкерлерге қатысты университеттегі жағымды жаңалықтардың бірі - 2015 жылдың желтоқсан айынан бастап әл-Фараби атындағы Қазақ ұлттық университеті Ғылыми кеңесінің шеші-мі бойынша Медициналық факультет - Қоғамдық денсаулық сақтау жоғары мектебінің ашылуы. Университетте халықаралық стандарттар және жаңа ғылыми жетістіктер негізінде білім беру бағдарламаларының бар-лық деңгейі - бакалавриат, магистратура, резидентура, докторантура бойынша медициналық ғылыми мамандарды дайындау жоспарланған.
Қоғамдық денсаулық сақтау жоғары мектебі (ҚДСЖМ) ҚазҰУ-дағы он бесінші факультет. Медициналық бағытты дамытуда Азия мен әлемдегі жетекші жоғары оқу орындары болып саналатын, Оңтүстік Корея бойынша үздік үштікке кіретін Сеул университеті мен Иёнсе университеті ҚазҰУ-дың серіктестері болып отыр. Халықаралық әріптестік негізінде ҚазҰУ Оңтүстік Корея университетін-де магистратура және докторантура бойынша болашақ мамандарды оқытуды, сондай-ақ қоғамдық денсаулық сақтау және медицина дамуының өзекті мәселелеріне байланысты бірлескен ғылыми-зерттеу жобаларын жасауды бастап кетті.
«Бүгінгі таңда ҚазҰУ әлемде smart деген терминмен аталатын даму жолының жаңа сатысына келді. Университеттің Аl-Farabi university - smart city жаңа моделінің түп негізінде ұлы ғалым әл-Фарабидің парасатты қала туралы ілімі жатыр. Әл-Фараби «Қайырымды қала тұрғындары» атты трактатында әділ әрі ізгілікті сипаттай келіп, оны қайырымды қала деп атаған. Ол жерде оның басты белгілері ретінде рухани байлық және өмір сүруді жақсарту жолындағы әріптестік екені айтылады. Осы жерден қазіргі заманмен үндестік кеп шығады: Заманауи университеттер жоғары рухани-адамгершілік деңгейде және өнегелі даму жолында болуы керек.
Жаңа оқу жылының алғашқы күні ҚазҰУ-да студенттер мен түлектердің Мәңгілік ел қақпасының ресми ашылу салтанаты өтті. Салтанатты қақпа - Мемлекет басшысы, ұлт Көшбасшысы Нұрсұлтан Әбішұлы Назарбаевтың Мәңгілік ел идеясын бейнелейтін және Алматы қаласының тағы бір көрікті мекеніне, білім мен ғылымның символына айналатын ҚазҰУ қалашығы жаңа архитектуралық кешенінің маңызды құрамдас бөлігі. Оның негізгі композициялық желісі қақпадан, әл-Фараби ескерткішінен, «Темір қазық» монументі мен «Тайқазан» су бұрқағы орналасқан алаңнан тұрады. Қалашық аумағын көркейтуде университеттің орталық алаңын «өткеннен болашаққа ғылым жолы» қағидасымен салу жоспарланған.
ҚазҰУ студенттері өздерінің спорттық шеберліктері мен жеткен жетістіктері арқылы университетіміздің еліміздегі ғана емес, сонымен қатар халықаралық аренадағы үздік оқу ордасы екенін тағы бір дәлелдеді.
Риодағы Олимпиада ойындарына Қазақстанның ұлттық құрамасында ҚазҰУ-дың 17 студенті спорттың 6 түрінен: жүзу, ауыр және жеңіл атлетика, дзюдо, еркін және грек-рим күресінен бақтарын сынады. Университетіміздің студенттері Рио-де-Жанейродағы Олимпиада ойындарында алтын жүлдені; Дмитрий Баландин - халықаралық деңгейдегі спорт шебері, Азия чемпионатының күміс жүлдегері, сондай-ақ Инчхонда өткен (Оңтүстік Корея) XVII Азия ойындарының брасспен жүзу әдісі бойынша үш дүркін алтын медаль иегері, күміс жүлдені; Елдос Сметов - дзюдодан әлем чемпионы, халықаралық дәрежедегі спорт шебері, қола жүлдені; Эльмира Сыздықова - ҚР халықаралық дәрежедегі спорт шебері, Голден Гран-при - 2013 халықаралық турнирінің күміс, 2014 жылғы Азия чемпионатының қола жүлделерінің иегері. Осы жерде атап кететін бір үлкен табысымыз студенттік қалашық аумағынан жүзу бассейнінің ашылуы болды. Олимпиада чемпионы атанған Дмитрий Баландин ерлер арасында брасс әдісімен 200 метр қашықтыққа жүзуден үздік көрсеткішпен жеңіске жеткені баршамызға белгілі. Бұл - қазақ спорты тарихындағы Олимпиада ойындарында жүзуден алынған алғашқы алтынымыз. Міне, оның осы ерен еңбегі еленіп, университет студентінің құрметіне бассейнге Дмитрий Баландин есімі берілді.
Қазақстан Республикасы Тәуелсіздігінің 25 жылдығына орай әл-Фараби атындағы ҚазҰУ-дың ғылыми кітапханасында Тұңғыш Президент оқу залы ашылды. Мұндай залдың еліміздің үздік жоғары оқу орны қабырғасында ашылуының өзінде үлкен тәрбиелік мән бар деп білеміз, себебі, Қазақстанның Тұңғыш Президентінің өмір жолы - Отанға шексіз қызмет етудің жарқын көрінісі және жас ұрпақ үшін патриоттықтың на-ғыз үлгісі.
Студенттер мен ғалымдар, әсіресе, Мемлекет басшысының ҚазҰУ-да және басқа да ЖОО-да оқыған дәрістеріне ерекше қызығушылық танытуда. ҚР Тұңғыш Президенті кітапханасы-мен орнатылған ынтымақтастық нәтижесінде зал оқырмандарына оның санаулы материалдары да қолжетімді болып тұр.
«Керемет» студенттерге қызмет көрсету орталығы - оқу-ағартушылық, медициналық, заңгерлік, қаржылық және мәдени қызметтердің бір терезе қағидасы бойынша студент жастарға арналған ресурсты орталық. Орталықтың инфрақұрылымы 7300 шаршы метрге орналасқан және 8 павильоннан, 5 сектор мен бөлімдерден тұ-рады. «Кереметте» әл-Фараби атындағы Қазақ ұлттық университетінің студенттері мен оқытушы-профессорлық құрамының медициналық тексеруден өтуі үшін халықаралық Қазақстан - Корея диагностикалық орталығы ашылған. Емдеу мен кеңес беруді терапевт, гастроэнтеролог, бала дәрігері, офтальмолог, оториноларинголог, сынықшы-ортопед, невропатолог, кардиолог, уролог, акушер-гинеколог дәрігерлер жүргізеді. Орталық назарынан жастар саясаты мәселесі де тыс қалмаған. Жастар секторында келесі нысандар өз қызметтерін ұсынады: кинотеатр, кафе, кітап дүкені, әмбебап дүкен, фотостудия, fast-food, сұлулық салоны, киім жуатын орын.
ҚазҰУ-де Жас ғалымдар үйі ашылды. Бұл Қазақстандағы магистранттар мен докторанттарға арналған алғашқы тұрғын үй кешені. Біздің кешен өзге университеттерге үлгі боларлықтай. Себебі, Қазақстандағы жоғары оқу орындарында мұндай тұрғын үй нысаны жоқ. Университет басшылығы жас ғалымдардың тұрғын үй мәселелесіне өте көп көңіл бөледі. Ал ол өз кезегінде сапалы кәсіби маман дайындау-да оң нәтиже беруде.
ҚазҰУ-де шетел жоғары оқу орындарынан келген профессорларды ғылыми жетекшілік жасап жүрген студенттерімен бірге жұмыс барысындағы сәттерін осы жерде жиі кездестіруге болады. Жалпы аумағы 4,5 мың шаршы метр болатын 500 орынға шақталған жас ғалымдар үйінде профессорларға арналған бөлмелер де қарастырылған. Сол арқылы жастардың шығармашылық және ғылыми әлеуетін көтеруге септігін тигізетін ғылыми-зияткерлік орта қалыптасуда.
ҚазҰУ-дегі әлеуметтік серіктестік қағидасын іске асыру формалары, негізінен, қоғамдық-кәсіби кеңестер мен қоғамдық комиссия түрінде құрылған. Әлеуметтік серіктестік қағидаларын жүзеге асыруда әл-Фараби атындағы ҚазҰУ жұмысшыларының «Парасат» кәсіподақ ұйымы, сонымен бірге, «Сұңқар» студенттер кәсіподағы тәрізді қоғамдық ұйымдар белсенді қызмет атқарып отыр.
Әл-Фараби атындағы Қазақ ұлттық университетінде белсен-ді азаматтық ұстанымы бар жастарды тәрбиелеп жатқан педагогикалық тәлімгерлік институты өз жұмысын тиімді атқарып жатыр. Аталған мақсатқа сай университет көлемінде ауқымды жобалар қолға алынды. Олар: «Айналаңды нұрландыр!», «100 кітап», «Салауатты өмір салты», «Гринкампус», «Мен жастарға сенемін!» студент жастардың патриоттық фестивалі, Al-Farabi university - smart city және т.б.
ҚазҰУ-дың әлеуметтік өміріндегі ең маңызды оқиғалардың бірі 2016-2019 жылдар аралығына арналған университетіміздің әкімшілігі мен университет ұжымы арасындағы Ұжымдық келісімшартқа қол койылуы. Ұжымдық келісімшарттың маңыздылығы мемлекетіміздің «Қазақстан - 2050» стратегиясы және Ұлт жоспары - бес институттық реформаны жүзеге асыру бойынша көрсетілген еңбек қатынастарын реттеу мәселесінде. Ұжымдық келісімшарт, негізінен, әлеуметтік-экономикалық, өндірістік және қауіпсіз еңбекпен қамтамасыз ету тәрізді мәселелерді шешуге бағытталған құқықтық акт. Сондай-ақ ұжымдық және жеке еңбек даулары бойынша мүдделі жақтардың жанжалға жіберілмеуінің құқұқтық тәсілдерін анықтауға және университет қызметінің барлық бағыттары бойынша дауласқан мүдделі жақтарды өзара келісімге келуін реттейтін құрал қызметін атқарады. Нәтижесінде, 2016 жылдың наурыз айында, әл-Фараби атындағы Қазақ ұлттық университеті қызметкерлерінің «Парасат» кәсіподағы бастамасымен «Жеке еңбек дауларын қарау тәртібін ретке келтіру үшін келісім комиссиясы» құрылып, Ұжымдық келісімшарт бақылауға алынды. Университет бойынша оқытушы-профессорлардың жұмсаған еңбегі мен танылған жұмыстарына қарап еңбекақы төлеудің рейтингілік жүйесі іс атқаруда. Корпоративтік мәдениет бойынша маңызды құжаттар енгізілді. Олардың қатарына «Оқытушылар мен қызметкерлердің корпоративтік мәдениет кодексі» мен «Студенттің ар-намыс кодексі» кіреді. «Жемқорлықтан тыс университет» жобасының аясында басқарушылық қызмет бойынша жемқорлыққа қарсы механизмдер жұмыс істеп тұр. Сондай-ақ оқу үдерісіне жемқорлыққа қарсы технологиялар енгізілді.
Айтар ойдың түйінін Қазақстан Республикасы Президентінің ресми сайтында жариялан-ған «Ұлт жоспары - қазақстандық арманға бастайтын жол» атты мақаладағы Елбасымыздың мына келтірген жолдарына сүйеніп аяқтасам деймін: Біз өзіміздің жаңа арманымызға қарай жақындауды Бес институттық реформаны жүзеге асыру бойынша 100 нақты қадам - Ұлт жос-парын жасаудан бастадық. Осы жаңғыртуларға шешуші рөл беріліп отыр. Олар Қазақстанды, оның экономикасын, мемлекет пен қоғамды өзгертетін тарихи міндеттер кешенін шешуге даңғыл жол салады. Олар планетадағы аса дамыған мемлекеттерді біріктіретін Экономикалық ынтымақтастық және даму ұйымының стандарттарына сәйкес келетін елді дамыту, экономикалық өсім мен барлық қазақстандықтардың өмірін жақсарту үшін жаңа лайықты жағдайлар қалыптастырады. Біздің Қазақстанымыз серпіндірек, лайықтырақ, сенімдірек және дәулеттірек болады». Иә, біз бұл мақсаттардың орындаларына сенеміз. Тәуелсіз еліміздің білім мен ғылымның қасиетті ордасы саналатын әл-Фараби атындағы Қазақ ұлттық университетінде жаңа жетістіктерге жету жолындағы нақты қадамдарға деген ұмты-лыс осының айғағы.
Т.МЕКЕБАЕВ,
әл-Фараби атындағы
ҚазҰУ қызметкерлерінің «Парасат» кәсіподағының төрағасы