Ауа райы
Астана 13 °С
Алматы 12 °С
валюта бағамы
USD 332.80
EUR 390.57
RUB 5.60
CNY 49.88

Жамбыл облысында оқыс оқиға болған шекара тұсы күшейтілді

Жамбыл облысында оқыс оқиға болған шекара тұсы күшейтілді
2017 жылғы 14 тамыз 04:27 502

ТАРАЗ. ҚазАқпарат - Шекара қызметінің қосымша күштері мен құралдары Жамбыл облысының Жамбыл ауданындағы Қырғыз Республикасымен шекараласатын учаскеге жеткізілді, деп хабарлайды ҚазАқпарат Жамбыл облыстық ІІД-нің баспасөз қызметіне сілтеме жасай отырып.

Еске сала кетсек, 12 тамыз күні кешке қазақ-қырғыз шекарасының Жамбыл облысы Жасөркен ауылына жақын тұсында (Тараздан 15 шақырым) белгісіз топ Қазақстан шекарасын кесіп өтпек болған .

Облыстық ІІД-нің түсіндіруінше, 13 тамызға қараған түні ҚР ҰҚК ШҚ «Оңтүстік» өңірлік басқармасының Тараз шекара отряды «Жасөркен» шекара бекеті жасақтары мемлекеттік шекараны күзетуге шыққан. 15-20 белгісіз адам (саны анықталып жатыр) қараңғыда Қазақстан мемлекеттік шекарасы жағына  қауіпсіздік спиральді белдеуінен өтіп кетпек болып, темір торды кесуге әрекеттенген.

Шекарашылардың бірі, 21 жастағы ОҚО тумасы дауыс беріп, шекара бұзушылардың заңсыз әрекетін тоқтату үшін Калашников автоматынан  ескерту үшін аспанға оқ атқан. Алайда шекара бұзушылар дөрекілік танытып, шекарашыларға тас лақтырып, басын жаралаған. Сол кезде шекара жасағы екі рет оқ атқан. Бұзушылардың бірі басынан оқ тиіп, қаза тапқан.

«Қаза тапқан Қазақстанның азаматы, Жамбыл облысы Жасөркен ауылының тұрғыны, жасы 30-да, - деп мәлім етті департаменттегілер. - Мәйтті сою кезінде оның өлімі бастан тиген оқ жарақатынан болғанын көрсетті. Іс ҚР ҚК-нің 380-бабы 1-бөлігі бойынша (Билік өкiлiне қатысты күш қолдану) тіркелді. Мәйітті сыбайластары алып кетіп, оны туыстарына жеткізген. Ал өздері белгісіз көлікке отырып Жамбыл облысының аумағында із жасырған. Қазіргі уақытта жедел-іздестіру шаралары жүргізілуде, қаза тапқан адамның туыстарынан жауап алынып жатыр».

Тараз шекара отряды учаскесінде шекара жасақтары күшейтілді, мұнда ҚР ҰҚК Шекара қызметінің қосымша күштері мен құралдары тартылды.

Басты сөздер: ҚР Ұлттық қауіпсіздік комитеті, Жамбыл облысы, ҚР ІІМ, Оқиға, Қырғызстан,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер