Жамбыл облысында бәйшешек пен бақбақ гүлдеді

ТАРАЗ. ҚазАқпарат - Жамбыл өңіріндегі қатал қыс көктемнің ерте келуіне кедергі келтірмеді, деп хабарлайды «ҚазАқпарат» ХАА тілшісі.

Жамбыл облысының кей жерлерінде қар жатса, жан-жағын тау қоршаған Таразда қар еріп кеткен.

Күннің жылы сәулесінен кейін қалада көк шөптер көрініп, саябақтарда алғашқы бақбақтар мен шегіргүлдер гүлдей бастады. Тараздан 5-10 шақырым қашықтықта далада жайқалған бәйшешектер көздің жауын алады.

Осы аптада Оңтүстік Қазақстан облысында да бәйшешек  гүлдеген.

«Қазгидромет» РМК өңірлік бөлімшесінің болжамы бойынша, Жамбыл облысында осы аптаның соңына дейін ауа температурасы түнде +1+6, үндіз +15 градус жылы болады деп күтілуде.