Жалаңтөс батырдың топырағы туған жеріне жеткізілді

ҚЫЗЫЛОРДА. ҚазАқпарат - Жалаңтөс Сейітқұлұлының асыл сүйегі жерленген мәңгілік мекеніндегі топырағы бүгін туған жері Қазалы ауданына жеткізіліп, батырдың мавзолейіне қойылды, деп хабарлады ҚазАқпарат аудандық әкімдікке сілтеме жасап.

Баба топырағын Өзбекстан жерінен алып келген Ибадулла қажы Амануллаұлы  топырақты елге жеткізуде кезіккен жолдағы қиындықтар туралы көпшілікке баяндады.

Ел Тәуелсіздігінің 25 жылдығына орай ұйымдастырылған дүбірлі тойдың бастамасы күні құрбан шалынып, баба рухына құран бағышталды.