Жақиянов 10 ақпанда WBA және IBO белбеулері үшін айқасады

АСТАНА. ҚазАқпарат - Келер жылдың 10 ақпан күні Американың Толедо қаласында жеңіл салмақта (53,5 келі) WBA бойынша уақытша әлем чемпионы 33 жастағы қазақстандық Жанат Жақиянов (26-1, 18 КО) өз салмағында WBA (Super) және IBO - бірден екі әлемдік белбеу үшін кездесу өткізеді, деп жазды ВКонтакте желісіндегі «Профи бокс Казахстана» тобы.

Титулдық айқаста қазақстандықтың қарсыласы 29 жастағы америкалық Роуши Уоррен (14-1, 4КО) болмақ, ол өзінің соңғы кездесуінде жеңіл салмақтағы әлем чемпионы 32 жастағы доминикандық Хуан Карлос Пайанодан WBA (Super) және IBO белбеулерін тартып алған еді.