Қолданушы баптаулары
Қолданушы баптаулары
+7 (701) 759 90 19 Лента
Астана: -9 °С
Алматы: 0 °С
USD 334.32 EUR 392.29
RUB 5.63 CNY 50.53
Жаңалықтар

Ұрланған көліктерді Қазақстанға қайтару шаралары жеңілдетілді

2017 жылғы 7 желтоқсан 12:26 959
Поделиться:
Ұрланған көліктерді Қазақстанға қайтару шаралары жеңілдетілді

АСТАНА. ҚазАқпарат - Парламент Сенатының  жалпы отырысында палата депутаттары «ТМД-ға қатысушы мемлекеттердің автокөлік құралдарын жымқыруға қарсы күрестегі және оларды қайтаруды қамтамасыз етудегі ынтымақтастығы туралы келісімді ратификациялау туралы» заң жобасын қабылдады, деп хабарлайды ҚазАқпарат.

«Келісімге 2005 жылы 25 қарашада Мәскеуде қол қойылған. Осы құжатты әзірлеу ұрланған автокөлік иелерінің құқықтарын қорғау және оларды қайтарумен байланысты мәселелерді реттеу қажеттігінен туындап отыр. 12 жылда ТМД мемлекеттерінде еліміз аумағынан ұрланған және шығарылған 200-ден астам автокөлік анықталды. Оның ішінде Қазақстанға тек 66-сы қайтарылды. Осыған байланысты Келісімді ратификациялау ТМД елдері құзырлы органдарының өзара іс-қимылын жеңілдете түседі», - деді ҚР Ішкі істер министрі Қалмұханбет Қасымов заң жобасы бойынша баяндамасында.

Оның сөзіне қарағанда, бұдан бұрын заң жобасы қаржылық шығынға байланысты бірқатар мемлекеттік органдар тарапынан қолдау таппаған.

 «Сонымен бірге аталған келісімді Армения, Беларусь, Қырғызстан, Ресей ратификациялады. Атап айтқанда, тәжірибеге сүйенсек, оны жүзеге асыруға байланысты бюджет шығыстары болмайтыны байқалап отыр. Заң жобасын қабылдау  әлеуметтік-экономикалық  және құқықтық кері салдарға алып келмейді, сондай-ақ қосымша бюджеттік шығындарды қажет етпейді»,- деп нақтылады Қ. Қасымов.

 

 


Басты сөздер: Көлік, Сенат, ТМД,
Бөлісіңіз:

Автор:

Руслан Ғаббасов

Пікір қалдыру
Мұрағат