Универсиада нысандары: «Медеу» мұз айдыны
«Медеу» қысқы спорт түрлері бойынша әлемдегі ең ірі биік таулы кешен болып табылады. Медеу мұз айдыны биік таулар, атмосфералық төмен қысым мен таза тау суы арқылы кең танымалдылыққа ие болды.
Мұз айдынының Атлеттер қалашығымен арасы 30.6 шақырымды құрайды. Іргесі 1972 жылы қаланып, бүгінде 8 300 адамды қабылдауға қауқарлы. Онда 4 киім ауыстыру бөлмесі, төрешілер бригадасына арналған 4 бөлме, 200 шаршы метрлік жаттығу залы, баспасөз орталығы/медиа орталық, VIP аймағы, спортшылар мен көрермендерге арналған тамақтану аймағы, комментаторлық орындар бар.
1972 жалдан бастап, «Медеуде» 120 әлемдік рекорд орнаған. Осы орайда, мұз айдынын «рекордтар ұстаханасы» деп атаған.
Күрделі жөндеуден өткеннен кейін, VII қысқы Азия ойындарында мұз айдыны жаңа келбетке ие болды. Бүгінде «Медеу» Алматы тұрғындары мен қонақтарының конькимен сырғанаудан танымал орны болып табылады.
Универсиада кезінде өтетін спорт жарыстары:
Конькимен жүгіру - 2017 жылғы 31 қаңтар мен 6 ақпан аралығы
Бенди - допты хоккей - 2017 жылғы 31 қаңтар мен 7 ақпан аралығы
Орналасқан жері: Алматы қ, Горная көшесі, 465