04:37, 18 Қараша 2017 | GMT +6
Ұлыбританияда әуеде ұшақ пен тікұшақ соқтығысып қалды
АСТАНА. ҚазАқпарат - Ұлыбританияда әуеде ұшақ пен тікұшақ соқтығысып қалып, 4 адам ажал құшты. Оқиға Бакингемшир графтығына қарасты жерде болған, деп хабарлайды Press Association.
Оқиға жергілікті уақыт бойынша 12:00 шамасында Лондоннан 30 шақырым жерде орналасқан Хай-Уиком қаласы маңында болған. Екі ұшу аппараты да апат болған жерге жақын орналасқан Wycombe Air Parkк әуежайына тиесілі болып шықты.
Жергілікті полиция әр ұшақта екі адамнан болғанын нақтылады. Оқиғаның мән-жайы тергеліп жатыр.