ҰҚШҰ Біріккен Ұлттар Ұйымымен бітімгершілік қызмет жоспарын бекітті

АСТАНА. ҚазАқпарат - Ұжымдық қауіпсіздік туралы шарт ұйымының Тұрақты кеңесі БҰҰ мүддесіндегі халықаралық бітімгершілік қызмет бойынша «жол картасын» мақұлдады, деп хабарлайды ҚазАқпарат ҰҚШҰ баспасөз қызметіне сілтеме жасап.

«Ағымдағы жылдың 30 қаңтары күні ҰҚШҰ Бас хатшысының орынбасары Валерий Семериков, ҰҚШҰ Хатшылығы бөлімшелерінің жетекшілері мен қызметкерлері және ҰҚШҰ Біріккен штабының өкілдері ҰҚШҰ Тұрақты кеңесінің отырысына қатысты. Отырыс барысында ҰҚШҰ-ға мүше мемлекеттердің ескертпелері мен ұсыныстары ескеріле отырып жетілдірілген «(2018-2021 жылдарға арналған) Біріккен Ұлттар Ұйымының халықаралық бітімгершілік қызметі мүддесіндегі Ұжымдық қауіпсіздік туралы шарт ұйымының бітімгершілік әлеуетін қолдану үшін жағдайларды қалыптастыру» - «Жол картасы» жобасы қаралды және мақұлданды, - делінген ҰҚШҰ ресми сайтында жарияланған хабарламада.