УЕФА Еуропа лигасының ширек финалына жеребе тартылды

АСТАНА. ҚазАқпарат - Швейцарияның Ньон қаласында УЕФА Еуропа лигасының 1/4 финалына жеребе тарту рәсімі болды, деп хабарлайды ҚазАқпарат УЕФА-ның ресми сайтына сілтеме жасап.

Шараға елші ретінде франциялық футболшы Эрик Абидаль қатысты. Тартылған жеребеге сәйкес, мына командалар бір-біріне қарсылас атанды:

«РБ Лейпциг» (Германия) - «Марсель Олимпик» (Франция)
«Арсенал» (Англия) - ЦСКА (Ресей)

«Атлетико» (Испания) - «Спортинг» (Португалия)

«Лацио» (Италия) - «Зальцбург» (Аустрия)

Ширек финалдың алғашқы ойындары 5 сәуірде өтсе, ал қарымта кездесулер 12 сәуірге белгіленген.

Еске сала кетейік, бұған дейін Чемпиондар лигасының 1/4 финалындағы қарсыластар есімі анықталған болатын.

Фото: www.calcioweb.eu