«УЕФА Даму кубогы»: Қазақстан құрамасы алаң иелерінен ұтылды

АСТАНА. ҚазАқпарат - Футболдан Қазақстан жасөспірімдер құрамасы (U17) Грузияда өтіп жатқан «УЕФА Даму кубогы» халықаралық турнирінің алғашқы ойынында алаң иелеріне есе жіберді, деп хабарлайды ҚазАқпарат тілшісі.

Қазақстан футбол федерациясының баспасөз қызметі таратқан мәліметтерге сүйенсек, Игорь Свечников шәкірттері алғашқы ойында Грузия командасына 3:2 есебімен жол берген. Біздің команданың сапында Әділхан Добай мен Владислав Бутырин гол соқты.

Енді, 4 мамыр күні Қазақстан жасөспірімдер құрамасы Беларусь елінің футболшыларымен кездеседі.

Грузия U-17 - Қазақстан U-17 - 3:2

Голдар: Тороньядзе, Огбаидзе, Морчиладзе - Добай, Бутырин.

Қазақстан жасөспірімдер құрамасының U-17 негізгі құрамы: Пузанов, Широбоков, Шен, Добай, Хасанов, Рогальский, Аханов, Құсайынов, Бовкун (к), Балута, Айманов.