ҰБТ сұрақтары ешқашан алдын ала сатылмайды - БҒМ

None
None
АСТАНА. ҚазАқпарат - ҚР БҒМ «Ұлттық тестілеу орталығы» РМҚК директоры Рамазан Әлімқұлов тестілеуден өтетін түлектерді алаяқтардан сақтануға шақырды, деп хабарлайды ҚазАқпарат тілшісі.

«Жыл сайын Ұлттық бірыңғай тестілеу басталған кезде алаяқтық фактілер тіркеледі. Біздің де оған қатысты мәліметіміз жоқ емес. Кейбіреулер «Осы ҰБТ-ның дұрыс жауаптарын сатып жатырмыз, не болмаса ҰБТ-дан алғанбыз» деп ақпараттарды тарады. Оның барлығы жалған! Ешқашан ҰБТ-ның дұрыс сұрақтары сатылмаған, сатылмайды. Өйткені, бұл мемлекеттік құпияға жатады. Оның құпиялық режімін тек Ұлттық бірыңғай тестілеу емес, Білім және ғылыми министрі және арнайы мемлекеттік органдар қарап, қадағалап отырады. Сондықтан, ол алаяқтық жолға түспей, өзін-өзі байқау тестілері бар, онлайн тестілеуден өткен дұрыс деп санаймыз. Түлектерге сәттілік тілейміз», - деді ОҚК-да өткен баспасөз мәслихаты барысында Рамазан Әлімқұлов.

Айта кетсек, биыл 146 мың мектеп бітірушінің 96,9 мыңы ҰБТ тапсыруға өтініш білдіріп отыр. Олардың 80 пайызы, яғни 73 мыңы тестіні қазақ тілінде тапсыруға бел байлаған.

Соңғы жаңалықтар