Турецкий хоры Елбасының Астана туралы әнін шырқады
Турецкий хорының солистері сөзінің авторы ҚР Президенті Нұрсұлтан Назарбаев болып табылатын Астана туралы «Город мой» әнін (музыкасын Төлеген Мұхамеджанов жазған), сондай-ақ қазақ тілінде "Ауылым" композициясын шырқады.
Мәскеу күндерінің аясында елордада түрлі мәдени-бұқаралық, іскерлік және спорттық, ойын-сауық шаралар өтетін болады. Мәскеу мен Астананың бокстан жасөспірімдер құрама командаларының бірлескен жаттығуы өтіп үлгерді.
Іс-шаралар бағдарламасында сондай-ақ Мәскеу мен Астана ынтымақтастығының іскерлік форумы, «Мәскеу және Қазақстан. 20-ғасырдың суреттер жылнамасы» атты фотокөрме бар.
24 тамыз күні Мәскеудің ЭКСПО-2017 көрмесіндегі іскерлік сессиясы өтеді. Ал кешке «Астана» концерттік залында «Гжель» Мәскеу мемлекеттік академиялық би театрының гала-концерті жоспарланған.
25 тамызда бірқатар шара өтеді: Кафедралды соборында Успения Аса қасиетті Құдай ананың құрметіне құлшылық ету, «Мәскеу-Астана» Халықаралық мәдени-гуманитарлық форум, кітаптар көрмесі, театр және кино актеры, Ресейдің халық әртісі Дмитрий Харатьянның шығармашылық кеші.
26 тамыз күні «Мәскеу» журналының бас редакторы Владислав Артемовтың шығармашылық кеші өтеді.