Түнде Өскеменнің Даңқ мемориалы 7199 майшамның жарығына көмкерілді

ӨСКЕМЕН. ҚазАқпарат -  Мыңдаған өскемендік облыс әкімі Даниал Ахметовпен бірге қаза тапқан сарбаздарды еске алу құрметіне мыңдаған  майшам жақты.

Шығыс Қазақстанның орталығында Жеңіс күні 7199 майшам жағылып, Даңқ мемориалына қойылды. Екінші дүниежүзілік соғыс кезінде Өскеменнен шақыртылған осынша сарбаз майдан алаңында мерт болды.

«Өз шамыңды жақ» акциясы Өскеменде алғаш рет 1985 жылы өткізілді. Шараға қатысушылар саны жыл сайын артуда. Биыл мемориал маңына он мыңнан астам адам жиналды.