Трамп бизнесін балаларына беруге ниеттеніп отыр

АСТАНА. ҚазАқпарат - АҚШ-тың сайланған президенті Дональд Трамп Trump Organization компаниясын үлкен ұлдарына бермек, алайда бизнестегі өз үлесін сақтап қалуды жоспарлауда, деп жазады New York Times газеті дереккөзге сілтеме жасап.

Басылым ақпаратына сүйенсек, Трамптың қызы Иванка компаниядағы жұмысынан уақытша шығып, күйеуі Джаред Кушнермен Вашонгтонға көшуі мүмкін екенін атап өтеді басылым. Бұдан бөлек, Иванка Трамп өзінің жеке бизнесін жүргізетін директор тағайындауды да ойластыруда.

Басылым дереккөзінің бірі хабарлағандай, қазіргі таңда Трамп әулеті Трамп пен оның қызының жоспарларын жүзеге асыруға мүмкіндік беретін «құқықтық құрылымды» зерттеуде.