22:16, 04 Қазан 2017 | GMT +6
Тоқтар Төлешов ісінің екі фигурантына үкім оқылды
ШЫМКЕНТ. ҚазАқпарат - Шымкент қаласының Еңбекші аудандық соты «сыра королінің» бұрынғы сыбайластарына үкім шығарды. Мемлекеттік кірістер басқармасының бұрынғы қызметкері 35 жастағы Мадияр Мұсаев 3 жылға бас бостандығынан айырылды, ал сыра зауытының бұрынғы бас есепшісі Светлана Лукинаға 4 жылға бас бостандығынан айыру жазасы белгіленді, деп хабарлайды «ҚазАқпарат» ХАА тілшісі Еңбекші аудандық сотының БАҚ-пен жұмыс жөніндегі үйлестіруші судьясы Светлана Шыналиеваға сілтеме жасап.
Еске сала кетейік, Төлешовтің қоластында жұмыс істеген тағы да екі қызметкер - Ольга Аллакулиева мен Алексей Носков прокурормен өз айыптарын мойындай отырып процессуалдық келісім жасасқан әрі қылмысты ашуға жәрдемдескен болатын. Олардың ісі басқа өндіріске алынған, оларға қатысты үкім жуық күндерде шығады.