Қолданушы баптаулары
Қолданушы баптаулары
+7 (701) 759 90 19 Лента
Астана: -29 °С
Алматы: -22 °С
USD 323.20 EUR 395.56
RUB 5.72 CNY 50.48
Жаңалықтар

ТМД елдерінде Қазақстаннан ұрланған 200-ден астам көлік анықталды

2017 жылғы 15 қараша 13:40 2092
Поделиться:
ТМД елдерінде Қазақстаннан ұрланған 200-ден астам көлік анықталды

АСТАНА. ҚазАқпарат - ТМД елдерінде Қазақстаннан ұрланған 200-ден астам көлік анықталды. Бұл туралы Парламент Мәжілісінің жалпы отырысында ҚР Ішкі істер министрі Қалмұханбет Қасымов мәлім етті, деп хабарлайды ҚазАқпарат.

«Соңғы үш жылда ТМД мемлекеттерінде еліміз аумағынан ұрланған және шығарылған 200-ден астам автокөлік анықталды. Оның ішінде Қазақстанға тек 57-сі қайтарылды. Осыған байланысты Келісімді ратификациялау ТМД елдері құзырлы органдарының өзара іс-қимылын жеңілдете түседі», - деді министр «ТМД-ға қатысушы мемлекеттердің автокөлік құралдарын жымқыруға қарсы күрестегі және оларды қайтаруды қамтамасыз етудегі ынтымақтастығы туралы келісімді ратификациялау туралы» заң жобасын таныстыру барысында.

Оның сөзіне қарағанда, бұдан бұрын заң жобасы қаржылық шығынға байланысты бірқатар мемлекеттік органдар тарапынан қолдау таппаған.

«Сонымен бірге аталған келісімді Армения, Беларусь, Қырғызстан, Ресей ратификациялады. Атап айтқанда, тәжірибеге сүйенсек, оны жүзеге асыруға байланысты бюджет шығыстары болмайтыны байқалап отыр. Заң жобасын қабылдау  әлеуметтік-экономикалық  және құқықтық кері салдарға алып келмейді, сондай-ақ қосымша бюджеттік шығындарды қажет етпейді»,- деп нақтылады Қ. Қасымов.

 

 


Бөлісіңіз:

Автор:

Руслан Ғаббасов

Онлайн қызметкерлер
Редактор
Жанибек Амангелди
Жанибек Амангелди
954-059
Редактор
Кожакелдиев Е.
Кожакелдиев Е.
954-059
Мұрағат