Ауа райы
Астана -1 °С
Алматы 3 °С
валюта бағамы
USD 332.21
EUR 391.74
RUB 5.57
CNY 50.08

Теміртауда Президент олимпиадасы өтіп жатыр

Теміртауда Президент олимпиадасы өтіп жатыр
2017 жылғы 9 қараша 03:33 487

ҚАРАҒАНДЫ. ҚазАқпарат - Теміртаудағы Қарағанды мемлекеттік индустриалық университетінде (ҚМИУ) жаратылыстану-математикалық пәндер бойынша Х Президент олимпиадасы өтіп жатыр, деп хабарлайды өңір басшысының ресми сайты

Дәстүр бойынша интеллектуалды көпсайыс Қазақстан Республикасының Тұңғыш Президенті күні қарсаңында өтеді. 

- Теміртау - Президентіміз Нұрсұлтан Назарбаевтың еңбек жолы мен саяси мансабы басталған қала, ал ҚМИУ - Елбасы жоғары білім алған оқу орны. Сондықтан біз балалардың мұны көріп-білгенін қалаймыз,-дейді ҚР БҒМ «Дарын» республикалық ғылыми-тәжірибелік орталығының директоры Шолпан Қирабаева. - Олимпиаданың әрбір қатысушысы өз аймағын - оның салт-дәстүрі мен киелі жерлерін таныстырады".

 Президент олимпиадасына еліміздің әр түкпірінен үздік 11-сынып оқушылары , барлығы 160 адам жиналды. Олимпиада екі кезеңнен тұрады: теориялық және практикалық. Қатысушылар төрт пән бойынша есептерді шығарады: математика, физика, химия және биология. 
Әділқазылар алқасын академик Мұхтарбай Өтелбаев басқарады. Оның құрамына еліміздегі алдыңғы қатарлы ЖОО өкілдері енді. Олимпиада нәтижелері 10 қараша күні белгілі болады. Жеңімпаздар мен жүлдегерлерге республикамыздың жоғары оқу орындарына түсу кезінде білім гранттарын бөлгенде басымдықтар беріледі.  

 

Басты сөздер: Қарағанды облысы, Білім,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер