Тәжікстан президентінің ағасы қайтыс болды

АСТАНА. ҚазАқпарат - Тәжікстан Республикасының президенті Эмомали Рахмонның ағасы Нуриддин Рахмонов 67 жасында жүрек талмасынан көз жұмды, деп жазады «Ховар».

Нуриддин Рахмоновтың мезгілсіз қайтыс болуына байланысты Тәжікстан Үкіметі ел президенті, Ұлт көшбасшысы Эмомали Рахмонға, оның туған туыстарына қайғырып көңіл айтты.

Нуриддин Рахмонов ұзақ жылдар бойы механизатор болып жұмыс істеген, сосын «Рахмонджон» шаруа қожалығына басшылық еткен.