14:08, 24 Наурыз 2018 | GMT +6
Ташкент - Шымкент бағытында веломарафон басталды
ТАШКЕНТ. ҚазАқпарат - Өзбекстан астанасында Қазақстандағы Өзбекстан жылы аясындаТашкент-Шымкент бағыты бойынша веложарыс басталды, деп хабарлайды «ҚазАқпарат» ХАА меншікті тілшісі.
Веложарыс Шымкент әкімінің бастамасымен, сондай-ақ Өзбекстандағы Қазақстан елшілігінің қолдауымен ұйымдастырылды. Веложарысқа 130-дан астам адам қатысуда, маршруттың жалпы қашықтығы 125 шақырымды құрайды.
Веломарафонның ресми ашылу салтанаты қазақиың ұлы ақыны Абай Құнанбаевтың ескерткішінің алдында өтті. Шараға Өзбекстанның ресми тұлғалары, сондай-ақ қала тұрғындары қатысты.
Іс-шараның ресми бөлімін Өзбекстандағы ҚР Төтенше және Өкілетті Елшісі Ерік Өтембаев ашты.