Ауа райы
Астана -1 °С
Алматы 13 °С
валюта бағамы
USD 335.24
EUR 395.82
RUB 5.82
CNY 50.65

Тараздан шыққан түйе керуені Астанадағы ЭКСПО-ға жол тартты

Тараздан шыққан түйе керуені Астанадағы ЭКСПО-ға жол тартты
2017 жылғы 20 мамыр 13:44 2282

ТАРАЗ. ҚазАқпарат  - Тараз қаласынан шыққан автокөліктер мен автобустар ілескен 70-ке жуық түйе және аттар керуені Астанадағы «ЭКСПО-2017» халықаралық көрмесіне жол тартты, деп хабарлайды «ҚазАқпарат» ХАА тілшісі.

Ежелгі Тараз қаласынан Астанаға  сапар «Көне Тараз» тарихи-археологиялық кешені жанындағы Жамбыл Жабаев алаңынан басталды.

Аталмыш шара «ЭКСПО-2017» халықаралық мамандандырылған көрмесі мен 26-30 шілде күндері Астана қаласында өтетін Жамбыл облысының мәдени күндері аясында өткізілмекші.  


Тараздан шыққан түйе керуені Астанадағы ЭКСПО-ға жол тартты

Керуен 25  жүк артылған түйе, 46 ат және айдаушылары, 10 жүк машинасы, 3 автобустан тұрады.

Облыстың мәдени күндеріне қатысу үшін Астанаға мәдениет қызметкерлері, дәрігерлер, ЖП және ТЖ қызметкерлерінен тұратын 150 адам аттанды.


Тараздан шыққан түйе керуені Астанадағы ЭКСПО-ға жол тартты

Керуен  Жамбыл және Қарағанды облыстарының 10 елді мекендерінде аялдама жасап,  киіз үйлер мен  шатырлар құруды жоспарлап отыр. Сондай-ақ,  «ЭКСПО-2017» халықаралық көрмесін қолдауға арналған мерекелік шаралар ұйымдастырылмақшы. Тұрғындарға концерттік бағдарламалар, театрландырылған қойылымдар ұсынылады. Ұлттық спорт  түрлері бойынша спорттық шаралар өткізіледі.


Тараздан шыққан түйе керуені Астанадағы ЭКСПО-ға жол тартты

Керуен елордаға ат басын тіреген соң көрме кешені аумағында  Жамбыл облысының мәдени күндері өтеді. Бұдан бөлек, бес күн бойы қала тұрғындары және қонақтарының назарына М.Горький атындағы мемлекеттік  академиялық драмалық орыс  театры сахнасында, «Жастар» театры, «Хан Шатыр» ойын-сауық орталығының алаңында  көрмелер, театрландырылған қойылымдар, концерттік бағдарламалар  ұсынылады.


Тараздан шыққан түйе керуені Астанадағы ЭКСПО-ға жол тартты

Ал, 28 шілде күні «Қазанат» ипподромындағы этноауылда дәстүрлі өнердің әралуандығын көрсететін «Шығыс базары», қолөнер және сәндік-қолданбалы бұйымдардың жәрмеңкесі ұйымдастырылып, ЭКСПО қонақтарына  Ұлы Жібек жолы орталықтарының бірі болған ежелгі Тараз қаласының тарихы таныстырылады. 


Тараздан шыққан түйе керуені Астанадағы ЭКСПО-ға жол тартты


Тараздан шыққан түйе керуені Астанадағы ЭКСПО-ға жол тартты

 

Басты сөздер: Жамбыл облысы, EXPO-2017,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер