Қолданушы баптаулары
Қолданушы баптаулары
+7 (701) 759 90 19 Лента
Астана: -26 °С
Алматы: -5 °С
USD 335.38 EUR 394.07
RUB 5.67 CNY 50.67
Жаңалықтар

Тапаншамен қаруланған екі жігіт Семейдегі қонақүйді тонаған

2017 жылғы 7 желтоқсан 18:57 457
Поделиться:
Тапаншамен қаруланған екі жігіт Семейдегі қонақүйді тонаған

ӨСКЕМЕН. ҚазАқпарат - Екі жас жігіт газ тапаншасымен қорқытып, Семейдегі қонақүйді тонаған. Қонақүйдің кассасын тонау туралы хабарлама түнде түскен, деп хабарлайды «ҚазАқпарат» ХАА қалалық ІІБ-ге сілтеме жасап.

Ұрыларды іздеуге қаланың барлық жол-патрульдік қызметі тартылды.

Оларды бейнебақылау камералары арқылы қолға түсірген. Полиция тонаушылардан қара бетперде мен істен шыққан «ПМ-9» деген жазуы бар газ тапаншасын тапқан.

Қонақүй қызметкерлерінің мәлімдеуінше, алдымен бетперде киген арық жігіт кірген. Тапаншаға ұқсайтын қолындағы затымен қорқытып,  сол күнгі жиналған бар-жоғы 15 мың теңгені алып  кеткен. Ал оның сыбайласы бетпердесіз көшеде есіктің алдында тұрған. Куәгерлер оның түрін естеріне сақтап қалған.

Ұсталушылардың бірін қонақүй қызметкерлері бірден таныды.

Ол 27 жастағы жұмыссыз, бұрын сотталған семейлік болып шықты. Былтыр жазда бостандыққа шыққан. Ал оның көмекшісі 19 жастағы жұмыссыз жас жігіт бұрын істі болмаған.

Күдіктілер Семей қалалық ІІБ-нің уақытша ұстау оқшаулағышына қамалды. ҚР ҚК 191-бабы бойынша қылмыстық іс қозғалып, сотқа дейінгі тергеу амалдары басталды. 

 

 


Бөлісіңіз:
Пікір қалдыру
Онлайн қызметкерлер
Редактор
Жарылқасын Саягүл
Жарылқасын Саягүл
954-059
Мұрағат