Қолданушы баптаулары
Қолданушы баптаулары
+7 (701) 759 90 19 Лента
Астана: 14 °С
Алматы: 9 °С
USD 326.17 EUR 401.25
RUB 5.31 CNY 51.84
Жаңалықтар

Талдықорғандықтар коммуналдық желілерге қосылуға рұқсатты бір жерден алады

2018 жылғы 17 сәуір 12:18 409
Бөлісіңіз:
Талдықорғандықтар коммуналдық желілерге қосылуға рұқсатты бір жерден алады

ТАЛДЫҚОРҒАН.ҚазАқпарат - Талдықорғандағы Кәсіпкерлерге қызмет көрсету орталығында монополист-кәсіпорындардың өкілдігі ашылды. Енді тұрғындар мен кәсіпкерлерге жарық, су, газ бен жылуға қосылу қызметі бір жерде көрсетіледі, деп хабарлайды ҚазАқпарат тілшісі.

Аталмыш орталықта «ТАТЭК» АҚ, «Жетісу су құбыры» ҚМКК, «Талдықорған жылусервисі» КМК, «ҚазТрансГаз Аймақ» АҚ Жетісу өндірістік филиалының өкілдіктері ашылды. Бұл қызметтер тұрғындар мен бизнес өкілдері үшін бір мекемеде және «бір терезе» режімінде көрсетіледі.

Тағы бір жаңалық - аудан орталықтары мен ауылдық округтегі кәсіпкерлер үшін онлайн-кеңес қызметі енгізілген. Бейнебайланыс арқылы кәсіпкер орталықта Өңірлік кәсіпкерлер палатасының аудандық және қалалық филиалдарынан қажетті кеңестерді ала алады.

Таяу арада қызмет түрі тағы көбейе түседі. Жер мәселелері, сәулет және құрылыс саласындағы қызмет үшін лицензия мен рұқсат алу бойынша кеңестер мен құжат қабылдау қызметі қосылып, «Kazakh Invest» ҰК АҚ өкілдігі ашылады.

Айта кету керек, Талдықорған қаласының Кәсіпкерлерге қызмет көрсету орталығында бухгалтерлік есеп, маркетинг, мемлекеттік сатып алу, мемлекеттік-жекешелік әріптестік, кедендік рәсімдеу, ақпараттық технологиялар, құқықтық қызметтер тегін көрсетілуде.


Талдықорғандықтар коммуналдық желілерге қосылуға рұқсатты бір жерден алады 


Бөлісіңіз:

Автор:

Самал Қабышева

Онлайн қызметкерлер
Редактор
Кожакелдиев Е.
Кожакелдиев Е.
954-059
Мұрағат