Қолданушы баптаулары
Қолданушы баптаулары
+7 (701) 759 90 19 Лента
Астана: -34 °С
Алматы: -23 °С
USD 323.20 EUR 395.56
RUB 5.72 CNY 50.48
Жаңалықтар

Талдықорғандағы перинаталдық орталыққа 27 млн теңгенің аппараты сыйға берілді

2018 жылғы 13 қаңтар 21:45 940
Поделиться:
Талдықорғандағы перинаталдық орталыққа 27 млн теңгенің аппараты сыйға берілді

ТАЛДЫҚОРҒАН.ҚазАқпарат -  Талдықорғандағы облыстық перинаталдық орталыққа жалпы құны 27 млн 104 мың теңге тұратын  екі аппарат сыйға берілді. Мұндай қайырымдылықты Болат Өтемұратовтың қоры жасады, деп хабарлайды ҚазАқпарат тілшісі.

Өкпені жасанды тыныс алдыратын құрал перинаталдық орталықтың тапсырысы бойынша сатып алынған.  Себебі облыста шала туған сәбилердің саны артуда.  Олар үшін бұл аппараттың маңызы зор екен. Мәселен былтырдың өзінде облыстық перинаталдық орталықта 350 шала туған сәби дүниеге келген. Ал 2016 жылы олардың саны 300-ге жетіпті. Жаңа жылдан бері 4 сәби уақытынан бұрын дүниеге келген. Олардың салмағы 700-900 грамм.

Талдықорғандағы перинаталдық орталыққа 27 млн теңгенің аппараты сыйға берілді

«Болат Өтемұратовтың қоры сыйға берген аппарат  біздің орталық үшін аса қажет. Бізде мұндай  қондырғы бұған дейін де болды. Бірақ қордың берген аппараты соңғы үлгіде. Өздігінен демала алмайтын шақалақтардың өкпесі осы аппарат арқылы жұмыс істейді және қондырғы барлық қажетті температураны автоматты түрде таңдайды», - дейді облыстық перинаталдық орталықтың директоры Қанат Жұмашев.

Айта кету керек, Болат Өтемұратовтың қоры жылда қайырымдылық жасаумен айналысуда. Олар қалталы азаматтар мен беделді компанияның өкілдері арасында түрлі  шаралар  ұйымдастырып, сол жерден жиналған қаражатқа медициналық мекемелерді қажетті жабдықтармен қамтуда. Бұдан бұрын Орал және Ақтөбенің медициналық мекемелеріне қажетті қондырғыларын сатып алып берген. Және мұндай игі іске кез келген адамның қатысуға мүмкіндігі бар екенін айтады.


Талдықорғандағы перинаталдық орталыққа 27 млн теңгенің аппараты сыйға берілді

 


Бөлісіңіз:

Автор:

Самал Қабышева

Онлайн қызметкерлер
Редактор
Жарылқасын Саягүл
Жарылқасын Саягүл
954-059
Мұрағат