Ауа райы
Астана 5 °С
Алматы 13 °С
валюта бағамы
USD 340.11
EUR 407.93
RUB 5.91
CNY 51.61

Талдықорғандағы «Көркемсурет галереясы» автокөлік жеңіп алды

Талдықорғандағы «Көркемсурет галереясы» автокөлік жеңіп алды
2017 жылғы 19 мамыр 19:18 933

ТАЛДЫҚОРҒАН. ҚазАқпарат - Талдықорғандағы Көркемсурет галереясы "Үздік облыстық мәдениет мекемесі" атанды. Ұжымға су жаңа "Lada Largus" маркалы автокөлік тарту етілді. Жетісу төрінде өткен  мәдениет және өнер қызметкерлерінің кәсіби мерекесінде өзге де 7 аталым бойынша үздік деп танылғандар арнайы дипломдар мен 100 мың теңгенің сертификатын иеленді,  деп хабарлайды ҚазАқпарат тілшісі.

Атап айтқанда Қапшағай қалалық кітапханасы, Б. Римова атындағы облыстық драма театрының әртісі Сандуғаш Мұңайтбасова, Қаратал ауданындағы «Алтынай»  би ансамблі, Текелі қалалық мәдениет үйі және басқа да ұжымдар үздіктер қатарынан көрінді. Арнайы дипломдар мен 100 мың теңгенің сертификатына ие болды. Сонымен қатар 18 азамат «Үздік мәдениет қызметкері» атанса, бірқатар қызметкерлер «Мәдениет саласының үздігі» төсбелгісімен, түрлі дәрежедегі құрмет грамоталарымен, алғыс хаттармен марапатталды. Жалпы осы күні 50-ден астам мәдениет қызметкері марапатталды.

Талдықорғандағы «Көркемсурет галереясы» автокөлік жеңіп алды

Салтанатты жиында сөз сөйлеген облыс әкімі Амандық Баталов кәсіби мерекемен құттықтап, мәдениет саласының қоғам өміріндегі маңызына тоқталып өтті.

"Мәдениет - ұлттың қуаты, ғасырлар бойы үзілмей келе жатқан рухани болмысы, ақыл-ой, парасаты. Елбасымыз Нұрсұлтан Әбішұлы: «Мәдениет - елдің ең басты рухани байлығы, асыл мұрасы. Қай елдің мәдениеті мықты дамыса, сол елдің еңсесі де биік болады», - деп атай келе, «Еуразияның ең бір бай да бірегей мәдениеті - қазақ мәдениеті» деген еді. Халыққа сапалы мәдени қызмет көрсету үшін саланың материалдық-техникалық базасын нығайту басты назарымызда. Мәдениет саласын дамыта отырып және сіздердей зиялы қауым, өнер адамдарын құрметтей отырып, біз жастарды тәрбиелейміз", - деді А. Баталов.

Талдықорғандағы «Көркемсурет галереясы» автокөлік жеңіп алды

Жалпы өңірдің мәдениет саласының бюджеті 2015-16 жылдарға қарағанда 40 пайызға өсіп, биылғы жылы 7,6 млрд. теңгеге жетті. Мәдени нысандардың күрделі жөндеу жұмыстары мен жобалық сметалық құжаттарын жасатуға барлығы 870,2 млн. теңге бөлінді.

Талдықорғандағы «Көркемсурет галереясы» автокөлік жеңіп алды

 

 

Басты сөздер: Алматы облысы, Мәдениет,
Қате таптыңыз ба? Белгілеп, CTRL+ENTER басыңыз

Пікір қалдыру

Соңғы Пiкiрлер